JEREMIAH 14:4 - Lai (Hakha) Common Language Bible 2006

⁴ Ruah a um lo caah vawlei in theitlai zeihmanh a chuak lo, Lothlo pawl cu an hnabei a dong, An ngaih a chiat caah an luchin kha an i phongh.

JEREMIAH 14:4 ပူးပေါင်းရင်းမြစ်များ

JEREMIAH 2:37

Izipt ram in hmaichia in nan kir ko lai, Zeicahtiah nan i bochanmi cu Bawipa nih a hlawt cang hna i Anmah thawng in khuaawng zeihmanh nan pem lai lo.

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

JOEL 1:11

Nannih lothlomi hna, hnabeidong in um ko u, Nannih mitsur dum zohkhenhtu hna, ṭap ko u; Zeicahtiah changvut, barli le lo chungin a chuakmi thil vialte kha an lo dih cang.

JOEL 1:17

Vawlei car ah cun thlaici cu an thi, Khon awk rawl zeihmanh a um lo; Cucaah buk cu an lawng i rawl khonnak inn cu an rawk.

LEVITIKAS 26:18

Cun mah hi ti, ti zong i ka bia nan ngaih ṭhiamṭhiam lo ahcun nan sualnak ruangah a let sarih in kan chimhhrin rih hna lai i,

AMOS 4:8

Cucaah khua pahnih pathum hna cu khua dang pakhat ah khan ti din awkah sawn lengmang in an kal lai nain an tihal cu a riam kho hlei lai lo. Hitihin a si nain keimah sinah nan kir duh hlei lo, tiah Bawipa hrimhrim nih a ti.

DEUTERONOMI 29:23

cu hremnak cu, ram cu a dihlak in kat le cite, thi lakin khanghmi, zeihmanh tuh lo, zeihmanh corh lo, ram zeihmanh khoh khawh lonak a si, a thinhunnak le a thinlinhnak in Bawipa nih a hrawhmi Sodom le Gomorrah le Admah le Zeboiim rawknak bantuk a si —