JEREMIAH 14:3 - Lai (Hakha) Common Language Bible 2006

³ A saṭil bawi hna nih khan an sinum hna cu ti kawl awkah an thlah hna; Tili ah khan an va kal, sihmanhsehlaw ti an hmu lo, An tithawl ro he an kir.

JEREMIAH 14:3 ပူးပေါင်းရင်းမြစ်များ

2 SAMUEL 15:30

Sihmanhsehlaw David cu Oliv Tlang cho ah khan ṭappah lengmang le kelawng le a lu i khuh in a kai; cun a sin i a ummi vialte nih khan an lu an i khuh i an kai, an kalpah cun an ṭap lengmang.

2 SAMUEL 19:4

Siangpahrang cu a hmai aa khuh i siangpahrang cu aw thang piin, “Maw ka fapa Absalom, maw Absalom, ka fapa, ka fapa!” tiah a ai.

1 SIANGPAHRANG 17:7

Cun tlawmpal hnuah khin, ram chungah ruah a um lo caah, tivate ti cu a reu dih.

2 SIANGPAHRANG 18:31

Hezekiah bia cu ngai hlah u, zeitintiah hi bangin Assiria siangpahrang nih a ti: ‘Keimah he remnak ser u law keimah sinah ra chuak tuah u; nan nun i nan thih nakhnga lo, nanmah ram bantuk a simi ram, rawl le mitsur hang a tamnak, changreu le mitsur dum a tamnak, oliv thingkung le khuaihliti a tamnak ram i kan kalpi hna hlantiang nannih nih nan dihlak in nanmahle nan mitsur ruang theitlai cio le nanmahle nan theipi kung theitlai cio kha nan ei lai i nanmahle nan tikhor cio ah ti nan din lai. Cun nannih nih Hezekiah nih, Bawipa nih a kan khamh lai, ti bia in a pingah an hruai tik hna ah a bia kha va ngai hlah u.

ESTHER 6:12

Cun Mordekai cu siangpahrang kutka ah khan a kir ṭhan. Sihmanhsehlaw Haman cu a ṭah bu le a lu i khuh in a inn ah khulrang in a ṭin.

JOB 6:20

An rak i zumh caah khan an hnabei a dong, Cuka cu an phan i an lung a ar.

SALM 109:29

Ka ral cu ningzahnak nih a khuh in khuh hna seh; hmaichiatnak cu puan bangin i aih hna seh.

SALM 40:14

Thah a ka zalmi kha sung cikcek hna seh law i tuai dih hna seh. Harnak ka inmi ruangah aa lawmmi cu an hnulei ah i let hna seh law ningzak in um hna seh.

JEREMIAH 14:4

Ruah a um lo caah vawlei in theitlai zeihmanh a chuak lo, Lothlo pawl cu an hnabei a dong, An ngaih a chiat caah an luchin kha an i phongh.

JEREMIAH 15:18

Zeicahdah ka fahnak hi a dongh kun lo? Zeicahdah ka hma hi hnabei dong a si i a dam duh lo? Nangmah cu ka caah, a ti a car tawnmi tivate, bochan awk a tlak lomi bantuk na si.

JEREMIAH 2:13

Zeicahtiah ka mi hna nih hin ṭhat lonak pahnih an tuah: Ti nung a chuahnak cerh keimah cu an ka hlawt i Tikuang, a chungah ti a zawi kho lomi, a zutmi tikuang kha an i ser.

JEREMIAH 2:37

Izipt ram in hmaichia in nan kir ko lai, Zeicahtiah nan i bochanmi cu Bawipa nih a hlawt cang hna i Anmah thawng in khuaawng zeihmanh nan pem lai lo.

JEREMIAH 20:11

Sihmanhsehlaw Bawipa cu keimah leiah a ṭang i ṭhawng ngai le zaangfahnak ngei in a um, Cucaah a ka hremtu hna cu an ril lai i zeihmanh tuah kho loin an tlu lai. An tuah duhmi kha an tlinter khawh lo tikah An ningzahnak cu a fak ngaingai lai, An minchiatnak cu zeitikhmanh ah philh a si ti lai lo.

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

ṬAHNAK HLA 4:4

Hnuk ding lio bawhte lei cu A ti a hal caah a dang ah aa beh; Ngakchia nih rawl kha an hal hna Sihmanhsehlaw ahohmanh nih a ṭiltlawt hmanh an pe kho hna lo.

HOSEA 2:3

Cu ti a si lo ahcun ka phoih dih lai i a chuah ni i taklawng in a um bantuk khan ka hlih dih sual lai; Ram car bantukin ka tuah lai i thetse car in ka car sual lai i tihal in ka thihter sual lai.

JOEL 1:20

Tiva cu an car dih i ram umnak phong cu mei nih a kangh dih hna caah, Ramlak saram hmanh nangmah sinah an au.

AMOS 4:7

Rawl ṭuannak caan tiangah thla thum a duh rih lioah, Nan cungah ruah sur loin a khamtu cu keimah ka si; Khua pakhat cungah cun ruah cu ka surter ko lai i Khua dang pakhat cungah cun sur loin ka umter ko lai; Lo pakhat cu ruah nih a surh ko lai i Sihmanhsehlaw lo dang pakhat cu a surh lo caah a car ko lai.

AMOS 4:8

Cucaah khua pahnih pathum hna cu khua dang pakhat ah khan ti din awkah sawn lengmang in an kal lai nain an tihal cu a riam kho hlei lai lo. Hitihin a si nain keimah sinah nan kir duh hlei lo, tiah Bawipa hrimhrim nih a ti.

ZEKHARIAH 14:17

Siangpahrang, ralkapbu Bawipa biak awkah Jerusalem i a hung kal lomi vawleicung innchungkhar hna lakah an um ahcun, cu hna cungah cun ruah a sur lai lo.