JEREMIAH 14:22 - Lai (Hakha) Common Language Bible 2006

²² Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 14:22 ပူးပေါင်းရင်းမြစ်များ

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

1 SIANGPAHRANG 17:14

Zeitintiah Bawipa, Israel Pathian nih, ‘Bawipa nih ruah vawlei ah a surter hlantiang changvut um cu a lawng lai lo i chiti thawl cu a reu lai lo,’ tiin a ti,” tiah a ti.

1 SIANGPAHRANG 18:1

Caan saupi hnuah, a kum thumnak ah khin Bawipa bia cu Elijah sinah a ra i, “Va kal law Ahab sinah vaa langh tuah; cun vawlei cungah ruah ka surter lai,” tiah a ti.

1 SIANGPAHRANG 8:36

nangmah nih an kal nakhnga ding lam ṭha kha na cawnpiak hna tikah, van ah khin rak thei law na mi Israel mi na sal hna an sualnak kha rak ngaithiam ko hna; cun na mi hna sinah ro caah na pekmi na ram cungah cun ruah cu surter ko.

JOB 28:26

Ruah caah phung le lam kha a ser hna i Khuari nimtlau cu lam a serpiak hna tikah khan;

JOB 5:10

Vawlei cungah ruah a surter i Lo chungah ti kha a luanter hna;

SALM 130:5

Bawipa bawmhnak cu i hngahhlang ngaiin ka hngak ko, a bia cu kaa bochan.

SALM 135:7

Vanhramdeng in khuadawm kha a ratpi hna, thlichia chungin ṭek kha a chuahter i a thil khonnak inn chungin thli kha a chuahter.

SALM 147:8

Van ah khin minmei a zamter; vawlei kha ruah in a cawm i tlang cungah ram a khohter hna.

SALM 25:21

Nangmah kha kan bochan caah ka ṭhatnak le ka lih chim lonak nih ka huppheng ko hna seh.

SALM 25:3

Nangmah an bochanmi cu an sung lo i, asinain nangmah doh ah a khul a rangmi cu sunghnak kha an phan.

SALM 27:14

Bawipa cu i bochan u! Zumhnak ngei u, nan lung dong hlah u! Bawipa cu i bochan ko u!

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

ISAIAH 30:23

Thlaici nan tuh tikah Bawipa nih ruah a surter lai i a khohter hna lai i kumvui ṭha an pek hna lai. Cun nan saṭil nih ram hno tampi an hmuh lai.

ISAIAH 41:29

Hi pathian hna hi pakpalawng an si, an tuah khawhmi zeihmanh a um lo — hi siasal pathian hna hi thazang zeihmanh a ngei lomi, zei thil hmanh a tuah kho lomi an si.

JEREMIAH 10:12

Pathian nih vawlei hi a ṭhawnnak in a ser Vawlei hi a fimnak in a umnak hmun ah hin a umter Van khi a thiamnak in a samh hna.

JEREMIAH 10:13

A aw thawng ah van i ti khi an awn, Van hram deng in minmei kha a thawhter, Ruah caah awng kha a ser hna i A thil khonnak inn chungin thli kha a chuahter hna.

JEREMIAH 10:15

Zeihmanh an ngei lo, nihchuak men an si, An biaceih ni a phak tik i a rawk menmi an si.

JEREMIAH 10:3

Miphun dang hna i an siasal hna cu hlennak men a si, Tupi chung i va haumi thing, Zungthiampa nih cop in a hei saih i

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JEREMIAH 5:12

Bawipa a um kha an zum lo i, ‘Amah cu a um lo, Kan cungah ṭhat lonak zeihmanh a tlung lai lo; Vainam siseh, mangṭam siseh, kan tong lai lo.

JEREMIAH 5:24

Annih nih an lungchung in, “Anmah caante cio ah fur ruah le ṭhal ruah kha a kan pe i Rawl ṭuannak caan pelh lo tein khuacaan a kan chiahpiaktu Bawipa kan Pathian kha ṭih u sih,” an ti lo.

JEREMIAH 51:16

Nawl a pek hna bangin vancung i ti khi an awn, Vanhramdeng in minmei kha a thawhter. Ruah chungah cun nimtlau a lekter hna i A thilkhonnak chungin thli kha a chuahter hna.

HOSEA 2:7

A duhtu kha a dawi hna tikah a phan a phan hna lai lo, A kawl hna tikah a hmu hna lai lo; Cu tikah aa thawh lai i, “Ka va sinah khan ka kir ṭhan lai, amah sin i ka rak um ah khan atu nakin ka caah a ṭha deuh,” a ti lai.

JOEL 2:23

“Nannih Zion mi hna, Bawipa nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i ṭhal caan ruah kha hmasa bantukin a ratter.

AMOS 4:7

Rawl ṭuannak caan tiangah thla thum a duh rih lioah, Nan cungah ruah sur loin a khamtu cu keimah ka si; Khua pakhat cungah cun ruah cu ka surter ko lai i Khua dang pakhat cungah cun sur loin ka umter ko lai; Lo pakhat cu ruah nih a surh ko lai i Sihmanhsehlaw lo dang pakhat cu a surh lo caah a car ko lai.

MIKAH 5:6

Annih nih an vainam in Assiria ram cu an tei lai. Assiria mi nih kan ram cu an hung chim tikah kannih cu an kan khamh lai.

MIKAH 7:7

Sihmanhsehlaw kei cu Bawipa kha ka kawl lai, Ka khamhtu Pathian cu ka hngah lai, Ka Pathian nih cun a ka theih lai.

MATTHAI 5:45

Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

DEUTERONOMI 28:12

Nan ram ruah cu amah caan te ah surter awk le nan kut rianṭuanmi cu thluachuah pek awkah, Bawipa nih a ro khonnak hmun ṭha, van hna cu, an hunpiak hna lai. Miphun tampi cu nan coih hna lai, sihmanhsehlaw ahohmanh nan cawi hna lai lo.

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.