JEREMIAH 14:2 - Lai (Hakha) Common Language Bible 2006

² “Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem ṭahnak cu a kai.

JEREMIAH 14:2 ပူးပေါင်းရင်းမြစ်များ

JOB 34:28

Khi tikah sifakmi aunak kha a hna chungah a phan i hremmi hna aunak kha a theih.

SALM 144:14

Kan caw nih fa tampi hring hna seh law a lotlaumi le a rawkmi pakhat hmanh um hna hlah seh. Kan khuachung lam ah lungfah ṭahnak thawng zeihmanh leng hlah seh.

EXODUS 2:24

an hrumainak kha a theihpiak hna i Abraham le Isak le Jakob sin i a sermi a biakamnak kha a philh lo.

ISAIAH 15:5

Moab caah ka lung a fak hringhran. Mi cu Zoar khua ah an zam. A cheu cu an ṭah pah in Luhith lam leiah khan an hung kal; a cheu cu Horonaim leiah khan an zam i an i ṭah sek.

ISAIAH 24:11

Zalam ah khan mi cu an dir i, zu kan duh, tiah an au; lawmhnak cu a lo cang, ram chungin hlonh a si cang.

ISAIAH 24:4

Vawlei cu a ro i a car; vawlei cu a uai in a uai; van zong vawlei zong an rop dih.

ISAIAH 24:7

Mitsur ruang kha an car i mitsur zu kha a tlawm. A rak i lawm tawnmi kha atu cu an ngaih a chia dih cang i

ISAIAH 3:26

Khua kulhnak vampang kutka hna cu zuun ngaiin an ṭap lai i khuapi hrimhrim zong hi, hni lo puan loin vawlei ah a ṭhu komi nu bantuk a si lai.

ISAIAH 33:9

Ram cu a um sawhsawh ko i mi nih an chuahtak. Lebanon tlang tupi cu an car i Sharon nelrawn cu thetse ram bantuk a si, cun Bashan ram le Karmel Tlang thingkung hna cu an hnah a ṭil dih.

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

JEREMIAH 11:11

Cucaah Bawipa nih hi bangin a ti: Atu cu an luat khawh lomi ṭhat lonak kha an cungah ka tlunter lai; an ka au lai nain annih cu ka ngai hna lai lo.

JEREMIAH 12:11

Ṭiaotakmi hmun, ram pakpalawng le ti um lonak hmun ah an ser i ka ngaih a chia. Ram cu a ning piin thetse ram ah a cang cang, sihmanhsehlaw ahohmanh an zei a poi lo.

JEREMIAH 12:4

Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

JEREMIAH 18:22

Ralrinnak pek hmasa loin an cungah ramhtu kha tlunter hna, An inn chungin kiaonak le ainak thawng kha thang hna seh, Zeicahtiah ka tlaknak ding caah khor an cawh i Kaa foihnak ding caah rap an chiah.

JEREMIAH 4:28

Cucaah vawlei cu a ngaih a chia lai i cunglei van hna cu an nak dih lai; Keimah nih ka chim cang i ka timh cangmi a si caah Kaa ngaihchih lai lo i ka lung zong kaa let lai lo.”

JEREMIAH 46:12

Miphun hna nih na aunak kha an theih i, Vawlei cu na kiaonak khan a khat. Ralkap cu pakhat le pakhat an i pah i an pahnih in hmun khat ah an ril.

JEREMIAH 8:21

Ka mi hna cu hma an in kha ka hmuh tikah ka lungre a thei; Ngaihchiat in ka ṭap i ka lung a dong cikcek.

ṬAHNAK HLA 2:8

Bawipa nih Zion fanu kulhnak vampang hna cu hrawh awkin a ruah hrimhrimmi a si; A hri in an hmetngan kha a tah hna i Hrawh awkah khan a kut aa sum lo; Ralhruang chuntlung le vampang hna kha a ṭahter hna i An pahnih in hnabeidong in an ril ko.

ṬAHNAK HLA 2:9

A kutka hna cu vawlei chungah an pil, Kutka hrolh hna cu a den hna i a tan dih hna; A siangpahrang le a uktu bawi hna cu Jentail mi sinah an um i phung cu a um ti lo; A profet hna zong nih Bawipa sinin langhnak an hmu fawn lo.

ṬAHNAK HLA 5:10

Rawlṭam linhsatnak nih kan cuar cu Somei nih a nahter bantukin a nahter.

HOSEA 4:3

Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

JOEL 1:10

Lo cu a lawng piin a um ko, a romi vawlei cu a ṭah in a ṭap; Zeicahtiah rawl cu a rawk cang, mitsur hang thar cu ruahchan awk zeihmanh a um lo i chiti cu a car ko.

JOEL 1:11

Nannih lothlomi hna, hnabeidong in um ko u, Nannih mitsur dum zohkhenhtu hna, ṭap ko u; Zeicahtiah changvut, barli le lo chungin a chuakmi thil vialte kha an lo dih cang.

JOEL 1:14

Rawl ulhnak kha thanh u law biaknak caah pumhnak pakhat au u, Hruaitu hna le Judah mi vialte hna kha Bawipa nan Pathian biakinn chungah pum hna u law amah sinah cun au tuah u.

JOEL 2:6

An hmaiah cun miphun kha a ther in an ther i an hmai kha a daang dih.

HAGGAI 1:11

Cucaah ram cungah siseh, tlang cungah siseh, fangvoi cungah siseh, mitsur hang thar cungah siseh, chiti cungah siseh, vawlei chungin a chuakmi thil paohpaoh cungah siseh, mi cungah siseh, saṭil cungah siseh, mi nih an ṭuannak in a chuakmi thil paohpaoh cungah rocar kha ka tlunter,” tiah a ti.

ZEKHARIAH 7:13

Ka auh tik hna ah an ngaih lo caah kei zong nih an ka auh tikah ka ngai ve lo, tiah Ralkapbu Bawipa nih a ti;

1 SAMUEL 5:12

A thi lomi cu an bo dih i khua chung aunak thawng cu van tiang a kai.

1 SAMUEL 9:16

“Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang,” tiah a ti.