JEREMIAH 14:18 - Lai (Hakha) Common Language Bible 2006

¹⁸ Lo i ka va chuah tikah vainam nih a thahmi hna an rilh liangluang ko kha ka hmuh hna; Khua chung i ka va luh ah, mangṭam in a thi cuahmahmi kha ka va hmuh hna; Profet hna le tlangbawi hna cu rawl hal in ram chungah an vak lengmang i dinh mui an hmu lo.

JEREMIAH 14:18 ပူးပေါင်းရင်းမြစ်များ

ISAIAH 22:2

Khuapi cu a dihlak in aa tuai, thaw le ri he a khat i a hninh in aa hnin. Hi ral ah a thimi nan mi hna hi raltuk i a thimi an si lo.

ISAIAH 28:7

Profet hna le tlangbawi hna hmanh kha zu an ri tuk i an sawn lengmang. Zu le zureu tam tuk an din caah lungmit in an ril lengmang i khoika zawn ah kan kal ti hmanh kha an hngal lo. Cucaah profet nih Pathian sinin langhnak an hmuhmi ah an palh i tlangbawi nih bia an ceihnak ah an palh.

JEREMIAH 2:8

Tlangbawi hna nih khan, ‘Bawipa cu khuazei ah dah a um?’ an ti ti lo. Phungbia a tlaimi hna nih khan keimah kha an ka ruat lo; Ka mi tuukhal hna nih khan keimah cu an ka doh; Profet hna nih khan Baal min in bia an chim i Bawmh khawhnak zeihmanh a ngei lomi pathian kha an zulh hna.

JEREMIAH 23:21

Hi profet hna hi ka thlahmi an si lo, asinain a tlik ko in an tli; Bia zeihmanh ka chim hna lo, asinain, heh tiah an chim.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

JEREMIAH 6:13

Annih cu a hme bik in a ngan bik tiang, hrokhrawl in hmuhmi miaknak kha a duhmi an si; Profet le tlangbawi hna hmanh kha lih in rian a ṭuanmi an si.

JEREMIAH 6:25

Lo ah kal hlah u, lam zongah i chawk hlah u, Zeicahtiah ral cu vainam i put in a kenkip ah aa chawk ko.

JEREMIAH 8:10

Cucaah an nupile cu midang sinah ka pek hna lai i An lo cu mi thar kha ka pek hna lai, Zeicahtiah a hme bik in a ngan bik tiang, a dinglo miaknak ah khan an hak a kau cio; Tlangbawi in profet tiang, an dihlak in hlennak lawngte an tuah.

ṬAHNAK HLA 1:20

Maw Bawipa, zeitluk in dah ka lungre a theih hi run zoh tuah. Ka lung si a vang i Ka chungthin aa let dih, Nangmah kha zeihmanh ruat loin kan doh caah a si. Vainam nih khualak lam ah ngakṭah a ser hna i Rai nih inn chungah ngakṭah a ser hna.

ṬAHNAK HLA 2:19

Zan ah tho law fak piin au tuah; Zan ven thawknak kip ah Bawipa hmaiah cun na lung cu ti bangin bung ko. Na fale hna nunnak caah a sinah na kut hler tuah.

ṬAHNAK HLA 4:9

Vainam in a thimi hna cu Rawlṭam in a thimi hna nakin an van a ṭha deuh; Lo in a chuakmi rawl kha an hmuh lo caah an lo dai ko.

EZEKIEL 7:15

“Lengah vainam a um, chunglei ah rai le mangṭam an um; ramlak ah khan mi cu vainam in an thi lai i khua chungah mangṭam le rai nih a thah hna lai.

AMOS 4:6

Nan khua chungah mangṭam a tluntertu le Nan inn chungah rawl ei awk ngei loin an tuahtu hna cu keimah ka si; Sihmanhsehlaw keimah sinah nan kir duh hlei lo. Hihi Bawipa bia hrimhrim a si.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

DEUTERONOMI 28:36

“Nanmah nih siseh nan pupa hna nih siseh nan hngalh bal lomi miphun sinah, nanmah le nan cungah nan chiahmi nan siangpahrang cu Bawipa nih ah kalpi hna lai i, khika ah thing le lung in sermi khuazing dang kha nan biak hna lai.

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.