JEREMIAH 14:17 - Lai (Hakha) Common Language Bible 2006

¹⁷ Cucaah annih na chimh ding hna bia cu mah hihi a si: Chun zan in ka mitthli cu hul loin luang camcin ko seh, Zeicahtiah ka mi hna ngaknu thiang cu kuai cikcek in den a si i fak piin hma a ing.

JEREMIAH 14:17 ပူးပေါင်းရင်းမြစ်များ

2 SIANGPAHRANG 19:21

Mah hihi amah kong ah Bawipa nih a chimmi bia cu a si: Maw Sennakherib, nangmah cu Zion fanu nih an zawmhtaih i an nihsawh, Jerusalem fanu nih na hnulei in a lu an thinhnawh.

SALM 119:136

Mi nih na phunglam kha zulh an duh lo caah an mitthli cu tiva bangin a luang.

SALM 39:10

Dan cu ka tat ti sawh hlah, na dantatnak in ka thi dengmang cang.

ISAIAH 37:22

Bawipa nih cun, “Sennakherib, nangmah cu Jerusalem khua nih khan a nih in an nihsawh men ko, capo men ah an saih ko.

JEREMIAH 10:19

A, ka hma cu an va fak hringhran dah, Ka inmi tuknak cu an zualhma ko. Sihmanhsehlaw hihi cu ka sining pei a si cu, ka in awk pei a herh cu, ka ti.

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

JEREMIAH 18:13

Cucaah Bawipa bia cu hi bangin a si na ti lai: Miphun hna kha va hal tuah hna u, hi bantuk hi aho tal nih an thei bal maw? Ngaknu thiang Israel nih thil ṭhalo cem bik a tuah ko.

JEREMIAH 8:18

Zeitindah ka ngaihchiatnak hi ka in khawh lai? Ka lung si a vang.

JEREMIAH 8:21

Ka mi hna cu hma an in kha ka hmuh tikah ka lungre a thei; Ngaihchiat in ka ṭap i ka lung a dong cikcek.

JEREMIAH 9:1

Ka lu hi tikhor hei si seh law, Ka mit hi mitthli cerhtiput hei si seh law ka hei duh dah, Cuticun ka mi a thimi hna kha chunzan in ka ṭah khawh hna hnga.

JEREMIAH 9:18

Khulrang in ra hna seh law ka ṭah hna seh, Kan mitthli a luan i kan mitthli a tlak nakhnga.

ṬAHNAK HLA 2:11

Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

ṬAHNAK HLA 2:13

Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahṭhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

ṬAHNAK HLA 2:18

Bawipa sinah cun lungriam tein ṭap tuah, Maw Zion fanu vampang; Na mitthli cu a chun a zan in tla thluahmah ko seh. Caan tlawmte hmanh i din hlah Na mitthli zong hul hrim hlah seh.

AMOS 5:2

Ngaknu thiang Israel cu tho ṭhan ti lo dingin a tlu cang, Amah a ram ah cun a bawk i ahohmanh amah a thotu ding an um lo.

MIKAH 6:13

Cucaah atu cu nan sualnak ruangah nan rawhnak ding kha ka thawk cang.