JEREMIAH 14:12 - Lai (Hakha) Common Language Bible 2006

¹² Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

JEREMIAH 14:12 ပူးပေါင်းရင်းမြစ်များ

JOB 27:9

Harnak nih a tlunhnawh tikah Pathian nih a thlacamnak cu a ngaihpiak lai maw?

PHUNGTHLÛKBIA 1:28

Khi tikah cun an ka auh lai, sihmanhsehlaw ka let hna lai lo; An ka kawl len lai, sihmanhsehlaw an ka hmu lai lo.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

PHUNGTHLÛKBIA 28:9

Phungbia kha ngai duh loin a mertakmi cu a thlacamnak hmanh kha fihnung a si.

ISAIAH 58:3

Mi nih khan an i thawh i, “Bawipa nih a hmuh hrathrai ding ṭung lo ahcun zeicahdah rawl cu kan ulh lai? Zei i a rel ṭung lo ahcun zeicahdah harnak cu kan in lai?” an ti. Bawipa nih a thawh hna i, “Rawl nan ulh pah ah pei nanmah duhnak kha nan kemh chih i nan rianṭuantu kha nan hrem hna cu.

JEREMIAH 11:11

Cucaah Bawipa nih hi bangin a ti: Atu cu an luat khawh lomi ṭhat lonak kha an cungah ka tlunter lai; an ka au lai nain annih cu ka ngai hna lai lo.

JEREMIAH 11:14

Cucaah Jeremiah, hi mi hna caah hin thlacam hlah, anmah aiawh zongin aunak siseh, nawlnak siseh, tuah hlah, zeicahtiah an harnak caan i an ka auh tikah ka ngai hna lai lo,” tiah a ti.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 16:4

Zawtnak ṭihnung ngaingai in an thi lai. Ahohmanh nih an ṭah hna lai lo, vui zong an tong lai lo. Vawlei i ek pon bantukin an ril lai. Annih cu ral kut in an thi lai, asiloah mangṭam in an thi lai, an ruak cu van i a zuangmi va hna le vawlei i a ummi saram hna caah rawl an si lai.

JEREMIAH 21:6

Hi khua chungah a ummi hna minung he saṭil he ka thah hna lai; annih cu rai ṭhalo ngaiin an thi lai.

JEREMIAH 24:10

Cun anmah le an pupa hna sinah ka pekmi hna ram in annih cu hrawh cikcek an si hlantiang, an cungah vainam le mangṭam le rai ka tlunter lai,” tiah a ti.

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

JEREMIAH 8:13

An rawl ṭuanpiak kha ka duh ko hna, Sihmanhsehlaw mitsur ruang ah mitsur tlai a um lo i Theipi kung ah thei zong a um lo; An hnah hmanh kha an car dih, tiah Bawipa nih a ti.

JEREMIAH 9:16

An pupa nih si hna seh, anmah nih si hna seh, an hngalh bal lomi miphun hna sinah ka ṭhek hna lai i ka lim cikcek hna hlantiang vainam kha ka thlahhnawh hna lai, tiah a ti.

EZEKIEL 14:19

Asiloah, minung le saṭil kha hrawh awkah, cu ram chungah cun rai tlunter ning law, ka thinhunnak cu thisen in bung ning law,

EZEKIEL 14:21

“Mah hihi Bawipa Pathian bia cu a si: Cucaah cun ka dantatnak pali, vainam le mangṭam, sahrang le rai hna hi, minung le saṭil hna hrawh awkah Jerusalem khua cung i ka tlunter tikah, a caah zeitluk in dah ruahchannak a tlawm chinchin lai!

EZEKIEL 8:18

annih cu ka thinhun in ka merhnawh hna lai i ka zaangfah hna lai lo i ka zuah fawn hna lai lo. Thang piin ka au hna hmanh seh law ka ngai lai lo,” tiah a ti.

HOSEA 5:6

Bawipa sin i raithawi awk caah an tuu hna le an caw hna kha i put hna hmanh seh law zeihmanh san a tlai lo; A kaltak cang hna caah amah cu an hmu kho lo.

AMOS 5:21

Nan puai hna cu ka huat hna i zei ah ka rel hna lo, Nan sunhsakmi nan pumhnak hna cu ka duh hna lo.

MIKAH 3:4

Khi tikah Bawipa kha an auh lai, sihmanhsehlaw a let hna lai lo; khi caan a phak tikah a hmai kha a thuhkanh hna lai, zeicahtiah an tuahmi kha a ṭhalo tuk hringhran.

ZEKHARIAH 7:13

Ka auh tik hna ah an ngaih lo caah kei zong nih an ka auh tikah ka ngai ve lo, tiah Ralkapbu Bawipa nih a ti;

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

MALAKHI 2:13

Mah hihi thil dang pakhat nan tuah rihmi cu a si: nan ṭap nan ai i Bawipa biakṭheng cu nan mitthli in nan ciah, sihmanhsehlaw nan pekchanhmi thil cu zoh a duh ṭhiamṭhiam hna lo i nan sinin nan laksawng cu an cohlang ṭhiamṭhiam hna lo.

BIAPHUAN 6:8

Ka hun zoh i rangrau diapduap pakhat ka hmuh. A cung i aa citmi cu a min ah Thihnak a si i Hell nih a hnulei in a zulh. Vawlei cung cheu li cheu khat uknak nawl kha pek an si i ral in siseh, mangṭam in siseh, rai in siseh, sahrang in siseh, mi thah khawhnak nawl kha pek an si.