JEREMIAH 13:19 - Lai (Hakha) Common Language Bible 2006

¹⁹ Negeb ram khua cu kulh an si dih cang, Ahohmanh nih an chanh kho hna lo; Judah ram mi vialte cu sal ah hruai an si cang, An ning piin kalpi an si cang.

JEREMIAH 13:19 ပူးပေါင်းရင်းမြစ်များ

2 SIANGPAHRANG 25:21

Cun Babilon siangpahrang nih khan a tuk hna i Hamath ram Riblah khua ah khan a thah hna. Cuticun Judah cu amah ram chungin saltannak chungah kalpi a si.

1 CHANRELNAK 9:1

Cuticun Israel mi vialte cu an chuahkehnak ning cio in minthlak an si i mah cucu Israel Siangpahrang hna Cauk chungah ṭial an si. Cun Judah cu zumhawktlak a si lo ruangah Babilon ah sal ah kalpi an si.

JOB 12:14

Pathian nih a ṭheh ahcun, ahohmanh nih an sa ṭhan kho ti lo, Amah nih mi cu a kharkhumh ahcun, ahohmanh nih an hunpiak ṭhan kho ti lo.

JEREMIAH 17:26

Cun Judah ram khua hna le Jerusalem khua kiangkap khua hna le Benjamin ram le Shefelah tlangram le Negeb in mi kha an ra lai i khangh thawinak le raithawinak le changvut thawinak le frankinsen zihmui kha an rak put hna lai i Bawipa inn ah lawmhnak thawinak kha an rak put fawn hna lai.

JEREMIAH 20:4

“Zeicahtiah hi bangin Bawipa nih a ti: Nangmah cu nangmah lila caah le na hawikom hna caah ṭihnung ah kan ser lai. Na hmuh hngan hrimhrim ah annih cu an ral hna vainam in an tlu lai. Cun Judah ram vialte cu Babilon siangpahrang kut chungah ka pek lai i Babilon ah sal ah a kalpi hna lai i vainam in a thah hna lai.

JEREMIAH 24:1

Bawipa nih biakinn hmaiah theipi bawm hnih an chiahmi kha a ka hmuhsak. Mah hihi Babilon siangpahrang Nebukhadnezzar nih Jerusalem khua in Jehoiakim fapa Jekoniah, Judah siangpahrang cu Judah ram bawi hna le zungthiam hna le soser hna le he tiah sal taannak ah a hruai hna i Babilon ah a ratpi hna hnuah khan a si.

JEREMIAH 28:4

Hi hmun ah hin Judah siangpahrang Jehoiakim fapa Jekoniah le Judah ram in Babilon ah a kalmi saltang vialte hna zong kha ka kirpi hna lai, tiah Bawipa nih a ti, zeicahtiah Babilon siangpahrang hngawngkual cu ka khiah lai, a ti,” tiah a ti.

JEREMIAH 32:44

Benjamin ram chungah siseh, tlang ram khua hna chungah siseh, Shefelah ram chungah siseh, Negeb khua hna chungah siseh, lo cu i cawk le i zuarh an si ṭhan lai i cawknak ca hna cu minthut le minkhenhnak in khenh le tehte theihhngalh in tuah an si ṭhan lai, zeicahtiah an vanṭhatnak cu ka pek ṭhan hna lai,” tiah Bawipa nih a ti.

JEREMIAH 33:13

Tlangram khua ah si hna seh, Shefelah khua ah si hna seh, Negeb khua ah si hna seh, Benjamin ram chungah siseh, Jerusalem khua pawngkam ah siseh, Judah ram khua hna chungah siseh, tuurun hna cu anmah a reltu hna kut tang khan an kal duahmah ṭhan lai, tiah Bawipa nih a ti.

JEREMIAH 39:9

Ralvengtu hna haotu Nebuzaradan nih khuachung i a tangmi hna le anmah sin i a zammi hna le zungthiam a tangmi hna cu Babilon ah sal ah a kalpi hna.

JEREMIAH 52:27

Babilon siangpahrang nih cun Hamath ram Riblah khua ah cun a tuk hna i a thah hna. Cuticun Judah cu a ram chungin sal ah kalpi a si.

JEREMIAH 52:28

Mah hna hi Nebukhadnezzar nih kum sawm sarih kum ah sal ah a kalpimi hna cu an si: Judah mi thong thum le kul le thum;

JEREMIAH 52:30

Nebukhadnezzar a bawi kum kul le kum thum kum ah ralvengtu ralkap hna haotu Nebuzaradan nih Judah mi za sarih le sawm li le panga sal ah a kalpi hna; an dihlak ah thong li le za ruk an si.

ṬAHNAK HLA 1:3

Saltang harnak chungah le A dong lo rian hrang ṭuannak chungah Judah cu a lut cang, Miphun hna lakah khua a sa i dinhnak hmun a hmu lo; Amah a harnak chungah khan A dawitu hna nih khan an phak.

ZEKHARIAH 7:7

Jerusalem cu dai tein a um i a chungah mi tampi an rak um i cu bantukin a pawngkam khua hna zong an rak si i Negeb le Shefelah zong an rak si lio i Bawipa nih hlan lio profet hna sinin a thanhmi kha mah hihi a si lo maw?’ tiah na chimh hna lai,” tiah a ti.

DEUTERONOMI 28:15

“Sihmanhsehlaw nihin ah kan pekmi hna phungbia le nawlbia vialte kha fel tein ulh awkah Bawipa nan Pathian bia cu zeirello in nan um ahcun hi chiatnak vialte hi nan cungah a tlung lai i an zulh hna lai.

DEUTERONOMI 28:52

Nan ram chung dihlak i nan i bochanmi a sang le a fekmi ralhau an chimh dih tiangin, nan khua kip ah an in hren hna lai; Bawipa nan Pathian nih an pekmi hna nan ram chung dihlak ah nan khua kip ah an in hren hna lai.

JOSHUA 18:5

Vo pasarih ah an cheu lai, Judah pawl cu an ram chungah thlanglei ah khan an um ko lai i Josef chungle hna cu an ram chungah chaklei ah khan an um ko lai.