JEREMIAH 13:18 - Lai (Hakha) Common Language Bible 2006

¹⁸ Siangpahrang le a nu sinah cun, “Nan i porhlawtnak nan bawiluchin cu nan lu cungin an tlak cang caah Ṭhutdan niam ah ṭhu tuah u,” va ti.

JEREMIAH 13:18 ပူးပေါင်းရင်းမြစ်များ

2 SIANGPAHRANG 24:12

cun Judah siangpahrang Jehoiachin cu, a nu he, a sinum hna he, a bawi hna he, a siangpahrang inn bawi hna he khan Babilon siangpahrang sinah cun a vaa pe. A bawi kum riatnak kum ah khan Babilon siangpahrang nih cun sal ah a tlaih i

2 SIANGPAHRANG 24:15

Cun Jehoiachin cu Babilon ah a kalpi; siangpahrang i a nu, siangpahrang i a nupi hna, a bawi hna le ram chung santlai bikmi hna cu Jerusalem in Babilon ah sal ah a hruai hna.

2 CHANRELNAK 33:12

Cun harnak a phak tikah Bawipa a Pathian zaangfahnak kha a nawl i a pupa hna Pathian hmaiah khan fak piin a lung aa ṭhum.

2 CHANRELNAK 33:19

A thlacamnak Pathian nih a nawlnak a cohlanpiakning le a lung a ṭhumh hlan i a sualnak vialte le zumhtlaklo a sinak le khuahrum bo a ser i Asherim le milem hna a chiahnak hmun hna kha, zohhmanh, Hmutu hna Chanrelnak chungah an i ṭial.

2 CHANRELNAK 33:23

A pa Manasseh nih a lung a ṭhumh bangkhan Bawipa hmaiah a lung a ṭhum lo i hi Amon nih hin cun mawhnak kha tam chin lengmang a tuah.

EXODUS 10:3

Cucaah Moses le Aaron kha Faro sinah cun an va kal i, “Hebru mi Pathian Bawipa nih, ‘Zei can dah ka nawl zul duh loin na um lai? Ka mi hna cu an ka biak khawh nakhnga kalter hna.

EXODUS 39:28

lupawng cu khumla hmangṭhia in, lukhuh cu khumla hmangṭhia in, tawhrolh tawi cu khumla hrual hmangṭhia in,

PHUNGTHLÛKBIA 27:24

Zeicahtiah rumnak hi zungzal in a hmun lo i Bawi luchin zong hi chan vialte tiangin a hmun kho lai lo.

ISAIAH 3:20

an luchin le an ban le an tai ah an i khihmi camh le

ISAIAH 3:26

Khua kulhnak vampang kutka hna cu zuun ngaiin an ṭap lai i khuapi hrimhrim zong hi, hni lo puan loin vawlei ah a ṭhu komi nu bantuk a si lai.

ISAIAH 47:1

Bawipa nih, “Babilon, na bawiṭhutdan cung khan rung ṭum law leidip lakah i bual tuah. Hmasa ah cun ngaknu thiang bantuk na rak si, ahohmanh tei lo na rak si. Asinain atu cu nem hniphnepte le no cipcep tein na um ti lo, atu cu sal na si cang.

JEREMIAH 22:24

“Ka nun bangin,” tiah Bawipa nih a ti: Jehoiakim fapa Koniah, Judah Siangpahrang cu ka orhlei kut cung i min khenhnak kutdonghrolh na si ti lai lo. Koniah, nangmah cu kan phawi lai.

JEREMIAH 22:26

Cun nangmah le an hringtu na nu cu nan chuahkehnak ram a si lomi ramdang ah kan hlonh vurmar hna lai i khika ah nan pahnih in nan thi lai.

JEREMIAH 29:2

Mah cucu Jekoniah siangpahrang le a nu siangpahrang bawinu le tilditmi hna le Judah le Jerusalem bawi hna le zungthiam hna le soser hna kha, Jerusalem khua in an kal hnuah a ṭialmi a si.

JEREMIAH 36:16

Cun bia kha an theih dih tikah thinphang in pakhat le pakhat kha an i zoh i, Baruk cu an thawh i, “Hi bia vialte hi siangpahrang kan chimh lai,” tiah an ti.

ṬAHNAK HLA 1:6

Zion fanu sinin lianhngannak vialte a lo cang, A bawi hna cu, ram ṭam awk hmu kho loin a zam lengmangmi sakhi, ba cikcek in sakap nih an dawimi bantuk an si.

ṬAHNAK HLA 1:9

A hni ah thurhnawmhnak cu aa beh i Hmailei a sicannak ding kha a ruat lo. A tluknak cu zumh khawh lo tiangin a si i Amah hnemtu ah ahohmanh an um lo. Bawipa, a harnak hi nangmah nih run zohpiak law, Zeitindah a ral nih an tei kha run hmuhpiak ko.

ṬAHNAK HLA 2:10

Zion fanu upa hna cu vawlei ah an ṭhu i an hrum; An lu cungah leidip an i phulh i Buri kha an i aih; Jerusalem ngaknu thiang hna nih Vawlei ah an lu kha an khun.

ṬAHNAK HLA 5:16

Pangpar ṭhirual cu kan lu cungin an tla cang; Harnak nih a kan khuh cang, misual kan si caah.

EZEKIEL 16:12

hnartonh kan tonh, hnatonh kan tonh i suiluchin kan chinh.

EZEKIEL 21:26

Mah hihi Bawipa Pathian bia cu a si: Na sumthawng kha i phoih, na bawiluchin kha chia. Zeizong vialte aa thleng dih cang; nautatmi kha uknak nawl pe hna, uktu kha ṭhum hna.

EZEKIEL 24:17

Lung ṭhawng in um ko, na ludomh cu naa domh tawn bantukin i domh law na kedan cu i danh tuah. Na hmur cunglei kha i khuh hlah, hnabeidonghnak rawl, timi zong kha ei hlah,” a ti.

EZEKIEL 24:23

Na lu i khuh loin le na ke lawng in na kal lai lo. Mithi zong na ngai hna in na ṭah hna lai lo. Na sual ruangah na zor thluahmah lai i pakhat le pakhat kha nan i hrumhnawh lai.

EZEKIEL 44:18

La hmangṭhia ludomh an i domh lai i la hmangṭhia tawhrolh an tai ah an i hrolh lai; an puan cungah taisawm an i sawmh lai lo, an thlan a chuak sual hnga.

DANIEL 5:20

Sihmanhsehlaw a hun i porhlawt i mah lung lawng rinh in khua a hung sak i a ruam a hung kai tikah a bawiṭhutdan cung khan amah cu ṭhumh a si i a sunparnak cu chuh a si.

JONAH 3:6

Cu thawng cu Nineveh khua siangpahrang nih a rak theih tikah a bawiṭhutdan cung khan a tho i a siangpahrang puan kha aa phoih i buri kha aa aih i vutcam lakah a ṭhu.

MATTHAI 18:4

Vancung Pennak chung i a ngan bik cu mi toiah aa dor i hi ngakchia bantuk ah aa cangmi cu a si.

JEIM 4:10

Bawipa hmaiah toidor tein um u law amah nih an hlorh hna lai.

1 PETER 5:6

Cucaah cun a ṭhawngmi Pathian kut toiah toidor tein khuasa u law amah nih a caan a rem a ti tikah an hlorh te hna lai.