JEREMIAH 13:11 - Lai (Hakha) Common Language Bible 2006

¹¹ Biar cu tai ah hren chih a si bantukin Israel mi vialte hna le Judah mi vialte hna cu an ning piin keimah ah kaa hren chih hna. Zeicahdah mahtin ka tuah ti ahcun, annih kha ka mi an si i ka caah min ṭhatnak le sunparnak an chuahpi nakhnga, ti caah a si; sihmanhsehlaw ka bia cu ngaih an duh lo.

JEREMIAH 13:11 ပူးပေါင်းရင်းမြစ်များ

SALM 135:4

Jakob cu amah minung si awkah amah nih aa thim, Israel mi cu amah mi si awkah amah nih aa thim hna.

SALM 147:20

Miphun dang hna caah cun mah hihi a tuah hna lo, a phunglam kha an hngal hna lo. Bawipa cu thangṭhat u!

SALM 81:11

“Asinain ka mi nih ka bia ngaih nan duh lo; Israel nih ka nawl zulh na duh lo.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 62:12

Nannih cu “Pathian Mi Thiang,” ti nan si lai, “Bawipa Khamh Mi” ti nan si lai. Jerusalem cu, “Bawipa Dawt Mi Khua,” “Pathian Nih A Hlawt Lomi Khua” ti a si lai.

JEREMIAH 13:1

Bawipa nih a ka thawh i, “Va kal law puan biar vaa cawk law na tai ah i kaih, sihmanhsehlaw ti tawnghter hlah,” a ti.

JEREMIAH 13:10

Hi miṭhalo hna nih hin ka bia ngaih kha an duh lo; pathian dang kha an zulh hna i an rian an ṭuan hna i an kunhnawh hna. Cucaah annih cu, zeihmanh ah a ṭha ti lomi biar bantuk hi an si lai.

JEREMIAH 13:12

Annih cu hi bia hi na va chimh hna lai; “Hi bangin Bawipa, Israel Pathian nih a ti, ‘Ralca vialte cu mitsur hang in an khat lai,’ va ti. Cun annih nih an in thawh lai i, ‘Ralca vialte cu mitsur hang in an khat lai ti kha kan hngalh ko pei,’ an ti lai.

JEREMIAH 19:15

“Ralkapbu Bawipa, Israel Pathian nih hi bangin a ti: Hi khuapi cungah le a pawngkam khua vialte ah hin ka tlunter lai tiah ka rak timi dantatnak kha, nannih nih nan lung a ṭhawn i ka bia kha ngaih nan duh lo caah, ka tlunter taktak lai, a ti,” tiah a ti.

JEREMIAH 32:20

Izipt ram chungah khan hmelchunhnak le khuaruahharnak kha na tuah hna i nihin tiang zong hin Israel mi hna lak le minung vialte hna lakah na tuah lengmang ko rih hna, cun nihin ni tiang i a nungmi min kha nangmah nih naa ser.

JEREMIAH 33:9

Jerusalem khua nih hin vawlei cung miphun vialte hmaiah min ṭhatnak le thangṭhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.

JEREMIAH 6:17

Cun ka thawh hna i, ‘Nan caah ralvengtu ka chiah hna lai, Muko aw thawng kha ngai u,’ ka ti hna. Sihmanhsehlaw annih nih an i thawh i, ‘Zei ah kan rel lai lo,’ an ti.

JEREMIAH 7:13

Cun atu cu hi thil vialte hi nannih nih nan tuah ve, tiah Bawipa nih a ti; nannih sinah ngol lo tein bia ka chim, sihmanhsehlaw nan ngai duh lo, kan auh hna zongah nan ka let duh lo.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

JEREMIAH 7:26

asinain ka bia cu an ngai hlei lo i an hna zong an chi hlei lo, an hngawng tu kha an ṭhawnter. An pupa hna nakin an ṭha lo deuh.

AMOS 3:1

Nannih Israel mi hna, Bawipa, nih nan sinah a chimmi bia hi ngai tuah u, Izipt ram in a chuahpimi nan phun ningpi in nan sinah a chimmi bia hi ngai tuah u:

LUKA 10:11

‘Kan ke i aa behmi nan khua chung leidip hmanh hi kan in thinhnawh tak hna; sihmanhsehlaw hi tu hi cu run philh hlah u: Pathian Pennak nan pawngte a phan cang hih,’ nan ti hna lai.

DEUTERONOMI 26:18

Cun Bawipa nih nihin ah nannih kongah hi bangin a thanh cang: ‘Bia kan kam cang hna bantukin nannih cu keimah ca hrimhrim i miphun nan si, cun ka nawlbia vialte kha nan ulh awk a si,

DEUTERONOMI 26:19

cun ka sermi miphun vialte hna cungah thangṭhatnak le minthannak le upatnak ah kan chiah hna lai i, ka chim cang bangin nannih cu Bawipa nan Pathian caah a thiangmi miphun nan si lai,’ a ti,” tiah a ti.

DEUTERONOMI 4:7

Kannih nih Bawipa kan Pathian kha kan kawh fate Bawipa kan Pathian nih cun a kan naih tlukin naihtu pathian a ngeimi miphun ngan ahodah a um?

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.