JEREMIAH 12:7 - Lai (Hakha) Common Language Bible 2006

⁷ Israel innchungkhar cu ka hlawt cang hna, Ka mi cu ka hlonh cang hna. Ka dawt ngaingaimi cu a ral hna kut chungah ka chanh cang.

JEREMIAH 12:7 ပူးပေါင်းရင်းမြစ်များ

2 SIANGPAHRANG 21:14

Cun a tangmi ka ro hi ka hlonh lai i an ral hna kut chungah ka chanh hna lai i an ral hna caah ral tlaihmi le hranchaw an si lai,

SALM 106:40

Cucaah Bawipa cu a mi hna cungah khan a thin a hung i a fih in a fih hna.

SALM 78:62

Amah a mi hna lila cungah cun a thin a hung i an ral kha annih cu a thahter hna.

ISAIAH 2:6

Pathian, na mi Jakob tefa hna cu na hlawt cang hna. Nichuahlei in a rami camhthiam hna le Filistia ram in a rami camhthiam hna cu, hi ram hi an khat dih i hi ram mi hna nih, cu hna phung cu an zulh ve.

JEREMIAH 11:15

Cun Bawipa nih, “Ka dawtmi nih thil ṭhalo hna a tuah tikah, ka innchung i umnak dingah hin, zei nawl dah a ngeih ti? Nan cung i a tlung dengmang cangmi rawknak hi biakṭheng cung i nan pekchanhmi thawinak sathau nih hin a donh khawh lai maw?

JEREMIAH 14:19

Judah cu na hlawt hrimhrim ko cang maw? Zion cu na fih ko cang maw? Kan caah damnak a um khawh ti lo tiangin zeicahdah na kan tuk? Zeicahdah caan ṭha deuh cu na kan ruahchanter ṭung, zeihmanh a ṭhami kan hmuh ṭung lo, Zeicahdah damnak caan cu na kan ruahchanter ṭung i rawknak lawnglawng a si ṭung?

JEREMIAH 17:4

Kan pekmi hna nan ro kha nan sung lai. Nan hngalh lomi ram chungah nan ral kha nan rianh hna lai, zeicahtiah ka thinhunnak cu a alhmi mei a si i zungzal in a alh ko lai.

JEREMIAH 22:5

Sihmanhsehlaw hi bia hi zei ah nan rel hna lo ahcun, hi inn hi a rawk lai tiin keimah min chalh in chiat ka ser, tiah Bawipa nih a ti.

JEREMIAH 23:33

Hi mi hna nih si hna seh, profet nih si hna seh, tlangbawi nih si hna seh, ‘Bawipa bia thilrit cu zeidah a si?’ tiah an in hal ahcun, annih cu, ‘Nanmah hi a thilrit cu nan si, Bawipa nih nannih cu kan hlonh hna lai,’ a ti, tiah na leh hna lai.

JEREMIAH 23:39

cun nan pupa hna le nanmah kan pekmi hna khua cu nanmah he ka mit hmuh phak lo ah kan hlonh hna lai.

JEREMIAH 51:5

Israel le Judah cu an Pathian, Ralkapbu Bawipa nih a ma hna lo, Sihmanhsehlaw Khaldi mi ram cu sualnak in a khat i Israel Mi Thiang nih a hlawt cang.

JEREMIAH 7:14

Cucaah Shiloh cung i ka tuahmi kha hi inn ka min umnak inn nan pupa hna sinah ka pek i nannih nih nan i bochanmi inn cungah hin ka tuah lai;

JEREMIAH 7:29

Maw Jerusalem, Pathian sin i naa peknak hmelchunhnak na sam kha i met law hlonh tuah; Tlang par kolh ah khin va ṭap tuah, Zeicahtiah a thin a huntertu chan kha Bawipa nih a hlawt cang i a kaltak cang hna,’ na ti lai.

EZEKIEL 24:21

Israel mi cu va chim hna law hihi Bawipa bia a si: Nan i bochanmi nan Biakinn ṭhawnnak cu nan i porhlaw. Nannih nih zoh nan duh ngaingai i a chung i va len kha nan duh; sihmanhsehlaw Bawipa nih a thurter lai. Cun nan fale hna Jerusalem i a tangmi hna kha, ral ah an thi lai.

HOSEA 11:1

Israel cu ngakchia a si lio in ka dawt; Ka fapa cu Izipt ram chungin chuah awkah ka auh;

HOSEA 9:15

Ṭhat lonak an tuahmi vialte kha Gilgal in aa thawk, Huat hram ka thawh hnanak cu khika khan a si. Ṭhat lonak an tuahmi ruangah khan ka ram chungin ka dawi hna lai. Annih cu ka daw ti hna lai lo, an hruaitu hna nih an dihlak in an ka ral.

JOEL 2:15

Zion ah muko kha tum tuah u, Rawl ulhnak kha thanh u law biaknak pumhnak kha au tuah u.

JOEL 3:2

Miphun vialte cu ka pumh hna lai i Bawipa Biaceihnak Nelrawn timi ah ka kalpi hna lai. Khika ah ka mi hna cung i an tuahmi ruangah bia ka ceih hna lai. Israel mi cu ramdang ah an ṭhek dih hna i ka ram Israel cu an cheu dih.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

DEUTERONOMI 33:12

Benjamin kongah, “Amah cu Bawipa dawtmi a si, Amah pawngah him tein a um; Amah nih chun nitlak a kulh i A liang le a liang karlak ah a umter,” a ti.