JEREMIAH 12:6 - Lai (Hakha) Common Language Bible 2006

⁶ Na unau, nangmah innchungkhar chung mi hrimhrim hmanh nih an in rawi cang; Nangmah tuk awkah khan an i thawh cio. Na sinah bia ṭhaṭha an chim hmanh ah zum hna hlah,” tiah a ti.

JEREMIAH 12:6 ပူးပေါင်းရင်းမြစ်များ

JOB 6:15

Ka unaule hna cu tivacek bantuk hlen hmangmi an si, Tivate a kuang a liammi bantuk an si;

SALM 12:2

Pakhat le pakhat an i hleng i hlepar faknak hmur le lung hnih ngei in bia an chim.

SALM 12:3

Maw Bawipa, hlepar fak thiam lei cu daihter law tluang a khawng lengmangmi kaa cu phit hna.

SALM 69:8

Ka unau hna sinah khual ah ka cang i ka nufale hna sinah ramdangmi ah ka cang.

PHUNGTHLÛKBIA 23:8

Amah cu na hrom ah sam bantuk ah a cang lai i Na eimi vialte kha na luak dih lai i na faknak bia vialte cu santlailo ah a cang lai.

PHUNGTHLÛKBIA 26:25

Cu pa nih cun, ṭha ngaiin bia a chim tikah zum hlah, zeicahtiah a lung chungah cun fihnungmi thil pasarih an um.

ISAIAH 31:4

Bawipa nih a ka thawh i, “Sa a uammi chiandeih cu tuukhal pawl nih an au an khuanhnawh len zongah an ṭhawl khawh lo bantukin keimah Ralkapbu Bawipa zong hi, Zion Tlang ka humhaknak hin zeihmanh nih a ka ṭhawl kho lai lo.

JEREMIAH 11:19

Thah awkah an hruai bang a rak zul hniapmapmi hna tuu bantuk ka rak si; Keimah rawinak caah khua an rak khan i, ‘Thingkung cu a thling a um lioah hau u sih. A min hrimhrim kha philh dup in philh a si nakhnga minung lak hin a hloh in hlo u sih,’ an rak ti kha ka rak hngal lo.

JEREMIAH 11:21

Cucaah ka nunnak kha lak a zal i, ‘Bawipa min in bia chim ti hlah, na chim ahcun kan in thah lai,’ a timi Anathoth khuami hna kong ah khan,

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 9:2

Thetse ram ah khin riahbuk pakhat ngei ning law ka hei duh hnga dah. Ka mi hna hi ka chuahtak hna hnga i ka kaltak diam hna hnga. An dihlak in va cung pa duh an si, rawi hmangmi aa bumi an si.

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

JEREMIAH 9:4

Ahohmanh nan innpa kha i ralring cio hna u, nan unau kha zum hna hlah u; Zeicahtiah unau nih unau kha hlen a si i hawikom nih hawikom kha congoih a si.

JEREMIAH 9:5

An hawikom kha lentecelhnak ah an hman hna i Biatak kha an chim bal lo; An lei kha lihchim an cawnpiak hna. An sualnak chungah thuk piin an um i an kir kho ti lo.

MATTHAI 10:21

“Mi nih anmah unau lila kha thah awkah mi an tlaihter hna lai, cun pale zong nih cu bantuk ṭhiamṭhiam in an fale cungah an tuah lai; fale zong nih khan an nule le an pale kha an doh hna lai i mi kha an thahter hna lai.

MARKA 12:12

Judah upa pawl nih khan, hi bianabia cu kanmah a kan chimhnawhchan ti kha an hngalh caah Jesuh cu tlaih an timh, sihmanhsehlaw mizapi kha an ṭih hna caah an kaltak.

JOHAN 7:5

(A naule hmanh nih khan an zum lo).

LAMKALTU 16:22

Cu bantukin velh an zalh hnanak ah khan mizapi kha an i ṭom ve i bawi hna nih khan Paul le Silas cu an puan kha an phoih hna i tu hna u tiah ralkap kha an fial hna.

LAMKALTU 18:12

Sihmanhsehlaw Gallio cu Rom cozah nih Grik ram uktu bawi ah an ser tikah Judah mi kha an i pum i Paul kha an tlaih i biaceihnak zung ah an chuahpi.