JEREMIAH 12:4 - Lai (Hakha) Common Language Bible 2006

⁴ Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

JEREMIAH 12:4 ပူးပေါင်းရင်းမြစ်များ

SALM 107:34

Vawlei ṭhatnak hmun cu, cite vawlei, vawlei ṭhalo ah a canter, zeicahtiah cuka i a ummi hna cu an ṭha lo.

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

ISAIAH 24:4

Vawlei cu a ro i a car; vawlei cu a uai in a uai; van zong vawlei zong an rop dih.

ISAIAH 24:6

Cucaah Pathian nih vawlei cu hrawh awkah khan vawlei cu chiat a serh, vawleicung mi nih an sual man kha an in. A tangmi cu an tlawm chin lengmang.

JEREMIAH 12:11

Ṭiaotakmi hmun, ram pakpalawng le ti um lonak hmun ah an ser i ka ngaih a chia. Ram cu a ning piin thetse ram ah a cang cang, sihmanhsehlaw ahohmanh an zei a poi lo.

JEREMIAH 14:2

“Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem ṭahnak cu a kai.

JEREMIAH 23:10

Zeicahtiah ram cu va cung pa duhmi in a khat i Anmah ruangah cun vawlei cu a ro dih i Ramlak ram hno vialte cu an car dih. An zulhmi lam cu ṭhat lonak a si i an ṭhawnnak hna cu a ning loin an hman.

JEREMIAH 4:25

Khua ka zoh i mi an um lo, van i a zuangmi va kha an zam dih.

JEREMIAH 4:28

Cucaah vawlei cu a ngaih a chia lai i cunglei van hna cu an nak dih lai; Keimah nih ka chim cang i ka timh cangmi a si caah Kaa ngaihchih lai lo i ka lung zong kaa let lai lo.”

JEREMIAH 5:13

Profet hna chimmi cu thlitu men an si lai, an chungah bia a um lo,’ an ti.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

JEREMIAH 9:9

Hi thil hna ruangah hin dantat loin ka um hnga maw? Hi bantuk miphun cungah hin phuhlam loin maw ka um hnga, tiah Bawipa nih a ti.

HOSEA 4:3

Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

JOEL 1:18

Rawl a ṭammi tuu hna le caw hna cu heh tiah an awn! Saṭil run cu kalnak hngal loin an um, Zeicahtiah an caah ramhring a um ti lo. Tuurun zong nih khan an in ve.

AMOS 1:2

Amah nih cun, Bawipa cu Zion in a rung huk i Jerusalem in khuarit in a rung ri; Tuukhal hna ram hninghno cu an car i Karmel tlangpar cu a ro dih, tiah a ti.

HABAKKUK 3:17

Theipi kung cu par loin, Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh, Kawm chung saṭil run kha um loin Saṭil inn ah saṭil kha um hmanh hna hlah seh law,

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.

ROM 8:22

Atu caan tiangah hin cun sermi thil vialte cu nau nganfah bantukin an hrum an ai.