JEREMIAH 12:17 - Lai (Hakha) Common Language Bible 2006

¹⁷ Sihmanhsehlaw ka bia a ngai lomi miphun cu ahohmanh an si ah an hram in ka bongh hna lai i ka hrawh hna lai,” tiah Bawipa nih a ti.

JEREMIAH 12:17 ပူးပေါင်းရင်းမြစ်များ

ISAIAH 41:11

“Ka mi hna, nan cung i a thin a hungmi cu hmaichiatnak le ningzahnak an hmu lai. Nanmah an dohtu hna cu an thi lai;

ISAIAH 60:12

Sihmanhsehlaw na rian an ṭuanpiak duh lomi miphun hna cu hrawh cikcek an si lai.

JEREMIAH 18:7

Zeitik caan paoh ah, miphun pakhat khat si hna seh, ram pakhat khat si hna seh, ka phawi lai, ka ṭheh lai, ka hrawh lai, tiah ka tlerh ko hnga,

JEREMIAH 31:28

Annih cu ṭheh awk le phawi awk le chimh awk le hrawh awk le harnak pek awkah ka rak ngiat hna bantuk khan atu cu annih kha tun awk le thawh awkah ka zohkhenh cang hna lai, tiah Bawipa nih a ti.

EZEKIEL 19:12

Sihmanhsehlaw thinhun in sam a si i vawlei ah hlonh a si; Nichuahlei thli nih a chem i a ro dih, A thei kha a choih dih hna, A nge ṭhawngṭhawng kha an ro dih i mei nih a kangh hna.

DANIEL 11:4

Sihmanhsehlaw a si lingte ah khin a pennak cu a kuai lai i chaklei, thlanglei, nichuah, nitlak tiin aa cheu lai. A pennak cu a tefa hna sinah khan a lan lai lo, midang tu nih an co lai i sihmanhsehlaw amah tlukin an ṭhawng lai lo.

MIKAH 5:14

Nan ram chung i tungthiang hna kha ka hau dih hna lai i, Thisen aa nehmi nan biakṭheng hna kha ka hrawh dih hna lai.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

LUKA 19:27

Cun an siangpahrang si awkah a ka duh lotu ka ral hna kha cu, hika ah hin ratpi hna u law ka hmaiah that hna u, a ti,’ ” tiah a ti.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.