JEREMIAH 12:12 - Lai (Hakha) Common Language Bible 2006

¹² Ramlak tlangsang hmun kawng ah khan ramhtu an ra phan lulhmalh cang, cu hna cu ram kha khattelei kam in khattelei kam tiang a eitu Bawipa vainam kha an si; dai tein a um khomi zeihmanh an um lo.

JEREMIAH 12:12 ပူးပေါင်းရင်းမြစ်များ

ISAIAH 34:6

A nam ah cun an thi le an thau kha tlor zelzul in an i neh lai, raithawinak ah an hmanmi tuufa hna thi le thau bantuk le meheh thi le thau bantuk kha an si lai. Bawipa nih hi raithawinak cu Bozrah khua ah khan a tuah lai; hi bantukin a nganmi thahnak cu Edom ram ah khan a tuah lai.

ISAIAH 57:21

Misual mi caah cun himnak a um lo,” tiah Bawipa nih a ti.

JEREMIAH 15:2

Cun annih nih, ‘Khuazei ah dah kan kal lai?’ tiah an in hal tikah, annih cu na thawh hna lai i, ‘Hi bangin Bawipa nih a ti: “Rai ca i a simi cu rai sinah, Vainam ca i a simi cu vainam sinah; Mangṭam ca i a simi cu mangṭam sinah, Saltannak ca i a simi cu saltannak ah,” tiah na ti hna lai,’ a ti.

JEREMIAH 16:5

“Zeicahtiah Bawipa nih hitihin a ti: Ṭahnak inn chungah khan va lut hlah, ṭah awkah siseh, hnemh awkah siseh, va kal hlah; hi mi hna sin hin ka daihnak ka lak cang, a fekmi ka dawtnak le ka zaangfahnak zong, tiah Bawipa nih a ti.

JEREMIAH 25:11

Kum sawm sarih chung hi ram hi ningzak le tuksapur in a um lai i hi miphun hna nih hin Babilon siangpahrang cu an rianh lai.

JEREMIAH 3:2

Tlangpar kolh khi hei cuan hna u law zoh hna hmanh u, Khuazei ah khin dah it ṭi loin nan um? Ramlak i Arab mi hna bantukin an duhtu hna kha hngak in lam pawngah nan ṭhu. Hlawhhlan ṭhalo nan tuahnak thawngin ram kha nan thurhhnawmh cang.

JEREMIAH 3:21

Tlangpar kawng i ṭah thawng cu ngai hmanh. Israel mi hna nih zaangfah hal in an aunak aw cu! Zeicahdah hitin a si ti ahcun, annih nih lam kawi kha an zul i Bawipa an Pathian kha an philh caah a si.

JEREMIAH 30:5

“Daihnak thawng si loin, launak ai thawng le ṭihnak ai thawng kha ka theih.

JEREMIAH 34:17

Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangṭam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.

JEREMIAH 4:27

Bawipa nih hi bangin a ti, “Ram cu a ning piin a ṭiao dih lai, Sihmanhsehlaw a donghnak taktak cu ka phakter lai lo.

JEREMIAH 46:10

Hi ni cu Bawipa, Ralkapbu Pathian ni a si, phuhlam ni a si, A ral hna cung i phu aa hlam ni cu a si. Vainam nih a ei hna lai i a duhnak a riam lai, An thi cu a ri lai. Zeicahtiah Bawipa, Ralkapbu Pathian nih chaklei ram ah Zufrates tiva kamah raithawinak kha a tuah.

JEREMIAH 47:6

Nannih nih, ‘Bawipa vainam, zei can dah na kan sam len ko rih lai? Na kawng ah vaa sawh law khika ah vaa din ko!’ nan ti.

JEREMIAH 48:2

Moab minthannak cu a um ti lo. Heshbon ah a cung ṭhat lonak ding kha khua an khan: ‘Ra u law hrawk dih u sih, miphun si ti hlah seh,’ an ti. Nannih Madmen i a ummi hna zong tuk nan si lai i nan mi hna cu vainam nih a dawi hna lai.

JEREMIAH 8:15

Zeihmanh a ṭhami a um lo tikah hin khuaawng pemh kan i ruahchan kho hnga maw? Ṭihnung a tlak cutmat tikah hin dinhnak kan i ruahchan kho hnga maw?

ṬAHNAK HLA 3:17

Daihnak kha ka nunnak chungin a chuak cang i Nunnuamh kha zei a si ka philh cang.

EZEKIEL 14:17

Asiloah, cu ram ah cun vainam kha tlunter ning law cu vainam cu ram chung dihlak ah khan kal in minung le saṭil kha that hna tiah nawl pe ning law,

EZEKIEL 21:28

“Mipa, Israel mi a serhsattu Ammon mi hna kha chim hna. Hihi Bawipa Pathian bia a si: Mi thahnak ding ca i zuhmi, thil hrawhnak ding ca i tatmi nimtlau bantukin a lek in aa lekmi vainam kha tat a si cang.

EZEKIEL 21:4

Na miding hna le na miṭhalo hna cu aa tluk tein ka sam hna lai caah Negeb in chaklei ah a ummi paohpaoh cungah ka vainam cu a kawng chungin zuh a si lai.

EZEKIEL 21:8

Mah hihi ka sinah a rami Bawipa bia a si: “Mipa, annih cu chim hna, thawh hna law, hihi Bawipa bia a si, ti hna: Vainam, vainam cu tat a si i tleu zuar in tuah a si.

EZEKIEL 5:2

Ral hrennak a dih tikah sam cheu thum cheu khat cu khuapi laifang ah khan khang; cun cheu thum cheu khat cu nam in sam law khuapi velchum ah cun hlonh; cun cheu thum cheu khat cu thlitu lakah khan hlonh hna law vainam zuh cia he ka zulh hna lai.

LEVITIKAS 26:33

Miphun hna lakah kan ṭhek hna lai i nan hnu in vainam kan zuhhnawh hna lai i nan ram cu a ṭhing lai i nan khua cu an ṭiao lai.

AMOS 9:4

An ral hna nih sal ah a bubu in an hruai hna zongah, Khika zongah cun vainam kha that hna ka ti ṭhiamṭhiam lai; An ṭhatnak ding caah si loin a chiatnak ding caah An cungah ka mit kha ka chiah peng ko lai.

ZEFANIAH 2:12

Nannih Kush mi zong, Bawipa vainam in thah nan si lai.

DEUTERONOMI 32:42

Sam saumi ral hna lu in le Thahmi hna le tlaihmi hna thi in, Ka thal hna cu thi ka ritter hna lai i Ka nam nih sa a ei lai —

BIAPHUAN 6:4

Rang dang pakhat a hung chuak i rang sen a si. A cung i aa citmi cu, vawlei cung i ral thawhternak ṭhawnnak kha an pek, cucu zeicahdah a si tiah, mi kha pakhat le pakhat i that hna seh, ti caah a si; amah cu vainam nganpi an pek.