JEREMIAH 11:7 - Lai (Hakha) Common Language Bible 2006

⁷ Nan pupa hna cu Izipt ram in ka chuahpi hna ri in atu tiang, hi bantukin tuah hlah u, ka ti lengmang hna, ralrinnak ka pek lengmang hna; Ka nawl ka ngai u, ka ti hna.

JEREMIAH 11:7 ပူးပေါင်းရင်းမြစ်များ

2 SIANGPAHRANG 17:13

Sihmanhsehlaw Bawipa nih Israel le Judah cu profet kip le hmutu kip in ralrinnak a pek ṭhiamṭhiam hna i, “A ṭha lomi nan lam hi mertak hna u law, nan pupa hna sinah ka rak pekmi phungbia vialte ning khan le ka sal profet hna sinin nan sinah kan pek hna ning hin, ka phungbia le ka nawlbia cu zul hna u,” tiah a ti.

2 CHANRELNAK 36:15

Bawipa, an pupa hna Pathian nih khan a mi hna le a umnak hmun cungah khan zaangfahnak a ngeih caah lamkaltu kha ngol duh lo tein a thlahhnawh lengmang hna;

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

JEREMIAH 11:4

Thir titnak somei a simi Izipt ram in nan pupa hna kha ka chuahpi hna tikah annih he biakamnak ka rak tuah i kha biakamnak bia a zul lomi paoh cu nan cungah chiatserhnak tlung ko seh. Annih cu ka rak thawh hna i, Ka nawl nan ngaih i kan chimh mi hna vialte nan tuah ahcun, ka mi nan si lai i nan Pathian ka si lai, ka rak ti.

JEREMIAH 25:3

“Amon fapa Josiah, Judah siangpahrang, a bawinak kum hleithum ri in atu tiang, kum kul le kum thum chung, Bawipa bia cu ka sinah a ra lengmang i nan sinah thlah lo tein ka chim lengmang ve, sihmanhsehlaw nan ngai lo.

JEREMIAH 25:4

Bawipa nih thlah lo tein a sal hna a profet hna kha nan sinah a rak thlah lengmang ko hna nain, nannih nih a ngaih zong nan ngai lo, ngaih duhnak zong zeihmanh nan langhter lo.

JEREMIAH 31:32

Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.

JEREMIAH 32:23

Sihmanhsehlaw hi ram chungah an luh i an co tikah annih nih na nawlbia kha an ngai lo i na cawnpiak hna ningin an nung lo; na fialmi hna kha zeihmanh an tuah duh lo. Cucaah hi ṭhat lonak vialte hi an cungah na tlunter.

JEREMIAH 34:14

Cucu hihi a si: ‘Nan sin i a hun i zuarmi Hebru mi, kum ruk an rian cangmi hna kha, nannih nih kum sarihnak chungah nan luatter hna lai.

JEREMIAH 35:14

Jonadab nih a tefa hna cu zu din lo awkin nawl a pek hna i annih nih an pu nawlbia cu an ngaih caah nihin ni tiang te hin ahohmanh zuding an um lo. Sihmanhsehlaw nannih cu bia kan chim lengmang hna nain ka bia nan ngai duh lo.

JEREMIAH 35:15

Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo.

JEREMIAH 7:13

Cun atu cu hi thil vialte hi nannih nih nan tuah ve, tiah Bawipa nih a ti; nannih sinah ngol lo tein bia ka chim, sihmanhsehlaw nan ngai duh lo, kan auh hna zongah nan ka let duh lo.

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

HOSEA 5:1

Nannih tlangbawi hna, hihi thei tuah u; Nannih Israel mi hna, hihi ngai tuah u. Nannih siangpahrang innchungkhar mi hna, ka bia hi i chingchiah tuah u. Nannih cu midang kha bia a ceihtu ding nan si, Sihmanhsehlaw biaceihnak kha nanmah cungah a tlung lai. Nannih cu Mizpah i chiahmi rap le Tabor tlang i chiahmi sur rap le

ZEKHARIAH 1:4

Nan pupa hna bantuk kha si hlah u. Hlanlio profet hna nih, ‘Mah hihi Bawipa bia a si: Nan ziaza ṭhalo le nan tuahmi thilṭhalo khan i mer u,’ an rak ti hna. Sihmanhsehlaw ka bia an ngai lo i zei ah an ka rel fawn lo, tiah Bawipa nih a ti. Atu ah tah nan pupa hna cu khuazei ah dah an um kun?

EFESA 4:17

Bawipa min in hi bia hi ka chim i ralrinnak kan pek hna: lawkihmi bantukin um ti hlah u. Annih cu an ruahnak kha pakpalawng a si.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

DEUTERONOMI 30:20

Bawipa nan Pathian kha daw u law, a aw kha ngai u law, amah leiah i bek tuah u, zeitintiah mah cucu nannih caah nunnak le nunsau a si, Bawipa nih nan pupa Abraham, Isak le Jakob sinah pek awkin chiat a sermi ram chungah khan nan um nakhnga, nunnak kha i thim deuh u,” tiah a ti.

DEUTERONOMI 4:6

Ul hna u law, tuah hna u, zeitintiah miphun hna hmuh ah mah cucu nan fimnak le nan hngalhnak a si lai; hi nawlbia vialte an theih tikah, ‘Hi a nganmi miphun hi a fim le a hngalhthiammi an si hrimhrim ko,’ an ti lai.

DEUTERONOMI 5:29

Keimah ṭih le ka nawlbia hna ulh lungthin atu i an ngeih bang hin a zungzal ngei hna seh law ka hei duh dah, anmah le an fale caah a zungzal in aa remrel hnga!

DEUTERONOMI 6:2

Bawipa na Pathian cu na ṭih nakhnga le na chan cu a sau nakhnga, Bawipa nan Pathian nih nannih kha cawnpiak awkah nawl a ka pekmi nawlbia hna le phunglam hna le phungbia hna cu mah hihi an si.

DEUTERONOMI 8:6

Cucaah Bawipa nan Pathian nawlbia cu zul tuah u; amah lam kha zul u law, amah kha ṭihzah tuah u.

2 THESALON 3:12

Bawipa Jesuh Khrih min in, kha ti a um pawl kha, ningcang tein khua rak sa u law nan pawcawmnak ah rian ṭha tein rak ṭuan u, tiah chimh le ralrin pek kan duh hna.

1 SAMUEL 8:9

Cucaah atu cu an bia kha ngai ko hna; sihmanhsehlaw ṭha tein ralrinnak na pek hna lai i anmah a uktu ding siangpahrang kalning kha na hmuhsak hna lai,” tiah a ti.