JEREMIAH 11:4 - Lai (Hakha) Common Language Bible 2006

⁴ Thir titnak somei a simi Izipt ram in nan pupa hna kha ka chuahpi hna tikah annih he biakamnak ka rak tuah i kha biakamnak bia a zul lomi paoh cu nan cungah chiatserhnak tlung ko seh. Annih cu ka rak thawh hna i, Ka nawl nan ngaih i kan chimh mi hna vialte nan tuah ahcun, ka mi nan si lai i nan Pathian ka si lai, ka rak ti.

JEREMIAH 11:4 ပူးပေါင်းရင်းမြစ်များ

GENESIS 17:8

Hi ram, atu i khual na sinak ram hi, nangmah le na tefa hna cu kan pek hna lai. Kanaan ram hi a ning piin nan ta a si zungzal lai i keimah hi an Pathian ka si lai,” a ti.

1 SIANGPAHRANG 8:51

(zeitintiah annih cu thir somei, Izipt ram, chungin na chuahpimi hna na mi le na ro an si).

2 SIANGPAHRANG 18:6

Zeicahtiah amah nih Bawipa kha fek tein aa tlaih i amah hnu zulhnak kha a kaltak lo i Bawipa nih Moses nawl a pekmi nawlbia kha a zulh hna.

EXODUS 20:6

Asinain a ka daw i ka nawlbia a zulmi hna cungah cun chan thong khat tiangin a fekmi ka dawtnak kha ka langhter.

ISAIAH 30:6

Thlanglei thetse ram chung i a ummi saram hna kong ah Bawipa nih a chimmi bia cu hihi a si: “An lamkaltu hna cu, ṭih awk umnak ram, chiandeih le sivai ngeimi rul le zuan a thiammi rulpi an umnak ram tan khan an kal. Bawmhnak zeihmanh a pe kho ṭung hna lomi miphun phorh awkah khan an laa le an kalauk hna cu a man a fak ngaingaimi laksawng kha an phorhter hna.

ISAIAH 48:10

Ngun cu somei chungah hneksak a si bangin temhinnak mei chungah khan kan hneksak hna. Asinain santlailo nan rak si.

JEREMIAH 11:7

Nan pupa hna cu Izipt ram in ka chuahpi hna ri in atu tiang, hi bantukin tuah hlah u, ka ti lengmang hna, ralrinnak ka pek lengmang hna; Ka nawl ka ngai u, ka ti hna.

JEREMIAH 24:7

Keimah hngalh khawhnak lungthin kha ka pek hna lai, zeicahtiah keimah cu Bawipa ka si; an lungthin a dihumnak in keimah sinah an kir ṭhan lai caah annih cu ka mi an si lai i kei cu an Pathian ka si lai.

JEREMIAH 26:13

Nannih nan lam le nan tuahnak kha nan i remh i Bawipa nan Pathian kha a nawl nan ngaih ahcun, a lung aa let lai i, nan cungah ka tlunter lai ti in an hro hnanak ṭhat lonak kha a lak ṭhan lai.

JEREMIAH 30:22

Cucaah nannih cu ka mi nan si lai i Kei cu nan Pathian ka si lai.

JEREMIAH 32:28

Cucaah hi khuapi cu Babilon siangpahrang Nebukhadnezzar le a ralkap hna sinah ka pek lai i annih nih an lak lai.

JEREMIAH 38:20

Cun Jeremiah nih, “An in chan lai lo. Kan chimhmi paohpaoh ah hin Bawipa bia na zulh ahcun, nangmah caah a ṭha dih ko lai i na nunnak kha zuah a si lai.

EZEKIEL 11:20

Cun ka phung kha an zulh lai i ka nawlbia kha an tuah lai. Annih cu ka mi an si lai i kei cu an Pathian ka si lai.

EZEKIEL 14:11

Keimah sin i an ṭannak khan Israel mi cu zeitikhmanh ah an tlau ti lai lo i an cungah thurhhnawmhnak an i tlunter ti lai lo; annih cu ka mi an si cang lai i kei cu an Pathian ka si lai. Mah hihi Bawipa Pathian bia hrimhrim a si,” tiah a ti.

EZEKIEL 36:28

Nan pupa ka pekmi hna ram chungah nan um lai i nannih cu ka mi ah nan i cang lai i kei cu nan Pathian ah ka cang lai.

EZEKIEL 37:23

An siasal hna le an tuahmi thil fihnung hna le zumhawktlak loin an rak umnak vialte khan an i thurhhnawmh ti lai lo; sualnak chung i an kir ṭhan tawnnak khan ka chuah hna lai i ka thianh hna lai. Cuticun annih cu ka mi ah an cang lai i kei cu an Pathian ah ka cang lai.

EZEKIEL 37:27

Cun ka umnak thladem toiah khan an um lai; kei cu an Pathian ka si lai i annih cu ka mi an si lai.

DANIEL 3:26

Nebukhadnezzar nih cun a alh hluahmahmi meiphu a kaa cu a hei naih i mi cu a hei auh hna i, “Shadrak, Meshak le Abednego, Cung Nung Bik Pathian sal hna, hung chuak u law hika ah hin ra tuah u,” tiah a ti hna. Cun Shadrak, Meshak le Abednego cu mei chung cun an hung chuak.

LEVITIKAS 26:12

Nan sinah kaa chawk lai i kei cu nan Pathian ka si lai i nannih cu ka mi nan si lai.

LEVITIKAS 26:3

“Ka phunglam kha nan zulh hna i ka nawlbia kha nan ulh hna i nan tuah hna ahcun,

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

ZEKHARIAH 6:15

Ram hlapi i a ummi hna kha an ra lai i Bawipa biakinn saknak ah cun rian an ra ṭuan lai, cucaah ralkapbu Bawipa nih keimah cu nan sinah a ka thlah ti kha nan hngalh lai. Bawipa nan Pathian cu a nawl nan ngaih ahcun hi thil cu a tlung ko lai!

ZEKHARIAH 8:8

“Zohhmanh, ka mi hna cu nichuahlei ram le nitlaklei ram in ka chuah hna lai i Jerusalem khua chung i um awkah ka kirpi hna lai. Annih cu ka mi an si lai i biatak le dinnak in kei cu an Pathian ka si lai,” tiah a ti.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.

DEUTERONOMI 11:27

nihin i nawl kan pekmi hna Bawipa nawlbia hna cu nan zulh ahcun, thluachuahnak a si lai,

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.

DEUTERONOMI 5:6

“ ‘Keimah cu Bawipa na Pathian, Izipt ram, sal sinak inn chungin an chuahpitu ka si.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.