JEREMIAH 11:22 - Lai (Hakha) Common Language Bible 2006

²² mah hihi Bawipa bia a si — a bia cu mah hihi a si: Annih cu dan ka tat hna lai: an tlangval hna cu vainam in an thi lai, an fapa hna le an fanu hna cu mangṭam in an thi lai;

JEREMIAH 11:22 ပူးပေါင်းရင်းမြစ်များ

2 CHANRELNAK 36:17

Cucaah an tlangval hna cu an hmunthiang inn chungah khan vainam in a that i, tlangval cungah siseh, upa cungah siseh, zaangfahnak a ngei lomi, Khaldi mi siangpahrang kha an cungah a ratpi; a kut chungah cun an dihlak in a chanh hna.

JEREMIAH 18:21

Cucaah an fale hna cu mangṭam tonter hna, Vainam sinah khan kaltak men ko hna. An nupile hna cu fa ngei lo le nuhmei siter ko hna, an pale hna cu thihnak nih kalpi ko hna seh, An tlangval hna cu raltuknak hmun ah vainam in thi hna seh.

JEREMIAH 21:14

Sihmanhsehlaw Bawipa keimah nih na tuahmi ruangah dan kan tat lai. Na siangpahrang inn cu mei in ka khangh lai i a pawngkam i a ummi thil vialte cu mei nih cun a kangh dih hna lai, hi bia hi Bawipa keimah nih ka chim,” tiah a ti.

JEREMIAH 44:13

Jerusalem i a ummi kha dan ka tat hna bantukin Izipt ram chung i a ummi hna cu vainam le mangṭam le rai in dan ka tat ve hna lai.

JEREMIAH 49:26

Cucaah khualak lam ah a tlangval hna cu an tlu lai i Khi ni ah a ralkap hna cu thihnak chungah dai tein an it ko lai, tiah Ralkapbu Bawipa nih a ti.

JEREMIAH 9:21

“Thihnak cu kan thlalangawng in an rung lut i Kan inn ṭhaṭha hna ah an lut cang; Khualak lam i ngakchia hna kha an thah hna i Khualak tual i tlangval hna kha an dawi hna,” tiin i cawnpiak hna seh.

ṬAHNAK HLA 2:21

Khuachung lam ah khin mino he micang he an ril liangluang ko. Ka ngaknu thiang hna le ka tlangval hna cu vainam le rai in an tlu cang; Nangmah nih na thinhun ni ah na thah hna i zaangfahnak um loin na thah hna.

AMOS 4:10

Izipt cung i ka tluntermi rai bantuk kha kan thlahhnawh hna, Nan tlangval hna le nan rangtum run hna cu vainam in ka thah hna. Nan riahhmun hna cu a thut in ka thutter hna, Sihmanhsehlaw ka sinah nan kir hlei lo. Hihi Bawipa bia hrimhrim a si.