JEREMIAH 11:20 - Lai (Hakha) Common Language Bible 2006

²⁰ Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

JEREMIAH 11:20 ပူးပေါင်းရင်းမြစ်များ

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

2 SIANGPAHRANG 19:14

Lamkal hna kut cun Hezekiah nih ca kha a hmuh i a rel; cun Hezekiah cu Bawipa inn ah a hung kal i Bawipa hmaiah cun ca cu a samh.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

JOB 5:8

“Kei cu, nang ka si ahcun, Pathian kha ka fuh ko hnga i Amah sinah khan ka konglam cu ka chiah ko hnga;

SALM 139:23

Maw Pathian, ka pur cikcek law ka lungthin hi hngal ko; ka hneksak law ka ruahnak hi hmu ko.

SALM 35:2

Na phaw le na ralthuam in i thuam law keimah bawmh ah i thawh tuah.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

SALM 57:1

Ka zaangfah ko, Maw Pathian, ka zaangfah ko, himnak hmuh duh ah nangmah cu ka fuh. Thlichia ṭihnung a dih hlantiang, na thlazung in ka huppheng ko.

SALM 58:10

Misual mi nih dantatnak an hmuh kha miding mi nih an hmuh tikah an i lawm lai, miṭhalo mi hna thi cu ti tan bantukin an tan lai.

SALM 7:10

A ka hupphengtu cu Pathian a si, amah nawl a ngaimi cu a khamh hna.

SALM 7:8

Bawipa, nangmah cu mi vialte biaceihtu bawi na si. Kei cu miṭha le a sual lomi ka si caah keimah lei ṭanh in biakhiahnak kha tuah ko.

SALM 7:9

Miṭhalo hna ṭhat lonak cu kham law miṭha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

SALM 98:9

zeicahtiah amah cu vawlei uk awkah a ra cang. Vawleicung mi vialte cu dinnak le ruannak in a uk hna lai.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

JEREMIAH 12:3

Sihmanhsehlaw maw Bawipa, nangmah nih na ka hngalh i ka tuahmi cu na hmuh ko, Zeitluk in dah kan dawt kha nangmah nih fiang tein na hngalh ko. Hi mi ṭhalo hna hi, thah awkah kalpimi tuu hna bantukin kalpi hna law Thah ni caah a dang in chia ko hna.

JEREMIAH 15:15

Bawipa nangmah nih na hngalh; Bawipa, ka philh hlah law ra ka leng tuah, Keimah a ka hremtu hna cungah ka phu ka hlampiak ko. Ka cungah na thin fual ko sawh law ka la sawh hlah, Nangmah ca i nihsawhnak ka inmi cu hmu ko sawh.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 17:18

A ka hremtu kha ningzahnak phakter ko hna, sihmanhsehlaw kei cu ka luatter ko, Annih cu therphang in umter ko hna, sihmanhsehlaw kei cu ka thin ka phanter hlah. An cungah rawhralnak ni kha tlunter law hrawk cikcek ko hna, a ti.

JEREMIAH 20:12

Maw Ralkapbu Bawipa, nang cu mi kha ding tein a hneksak i lungthin le ruahnak a hmu dihtu na si, Ka cung thil hi nangmah cungah ka chuan cang caah An cung i phu na hlammi cu ka hmuhter ko.

ṬAHNAK HLA 3:58

Bawipa, nangmah nih ka bia cu na ka chimpiak i ka nunnak cu na tlanh;

ṬAHNAK HLA 3:59

Maw Bawipa, nangmah nih ka cung i dinlonak an tuahmi cu na hmuh i Keimah lei ca ṭha in biakhiahnak kha na tuah;

ṬAHNAK HLA 3:64

Maw Bawipa, an tuahmi ruangah lehrul ko hna, Annih nih hmuh awkah an i tlakmi cu pe ko hna.

EZEKIEL 11:5

Cun Bawipa thlarau kha chikkhatte ah ka cungah a rung tlung i, “Mah hihi Bawipa bia a si: Nannih Israel mi hna, mah hihi nanmah le nanmah nan i chimhmi bia cu a si: nan lung chung i a chuakmi ruahnak cu fiang tein ka hngalh ko.

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

2TIMOTE 4:14

Dar soser Alekzandar nih khan ka cungah harnak nganpi a tuah. Bawipa nih a rianṭuanning in a cham ve te ko lai.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.

1 SAMUEL 24:15

Cucaah Bawipa cu biaceihtu si seh law, nangmah le keimah karlak bia hi chat seh, ka zohpiak seh law ka bia hi ka chimpiak seh law, nangmah kut chung hin ka chuah ko seh,” tiah a ti.