JEREMIAH 11:19 - Lai (Hakha) Common Language Bible 2006

¹⁹ Thah awkah an hruai bang a rak zul hniapmapmi hna tuu bantuk ka rak si; Keimah rawinak caah khua an rak khan i, ‘Thingkung cu a thling a um lioah hau u sih. A min hrimhrim kha philh dup in philh a si nakhnga minung lak hin a hloh in hlo u sih,’ an rak ti kha ka rak hngal lo.

JEREMIAH 11:19 ပူးပေါင်းရင်းမြစ်များ

JOB 28:13

Cuka kalnak lam cu mi nih an hngal lo i a nungmi ram ah hmuh a si lo.

SALM 109:13

A tefa vialte cu thi dih hna seh law hmai chan ah cun a min cu philh dipdep si seh.

SALM 112:6

Miṭha cu an sung bal lai lo, philh an si bal lai lo.

SALM 116:9

Cucaah cun Bawipa hmaiah kaa chawk kho i, a nungmi hna sinah khua ka sa rih.

SALM 142:5

Bawipa, bawmhnak duh ah nangmah cu kan auh, Bawipa nangmah cu a ka hupphengtu na si; ka nun chungah hin ka duhmi le ka herhmi cu nangmah lawnglawng na si ko.

SALM 27:13

A mi hna cung i Bawipa a ṭhatnak hi ka hmuh hrimhrim lai tiah ka zumh ko.

SALM 31:13

Ka ral tampi nih a thli tein an ka congoih, ṭihnak nih a dum in a ka dum. ka loh nakhnga ding khua kha an khan i keimah thahnak ding khua kha an ruat lengmang.

SALM 35:15

Harnak ka ton tikah an i lawm i an ka dum i nihchuak ah an ka saih; khuai nih khan heh tiah ngol loin an ka tuk.

SALM 52:5

Cucaah Pathian nih an hrawh zungzal cang lai; an tlaih lai i na thlam chungin an chuah lai, a nungmi hna ram in an dawi lai.

SALM 83:4

An i thawh i, “Israel hi a phun hloh in hlo u sih, zungzal in philh si seh,” an ti.

PHUNGTHLÛKBIA 10:7

Miding cu thluachuahnak an si tiin hngalh camcin an si, sihmanhsehlaw miṭhalo hna min cu philh zau a si.

PHUNGTHLÛKBIA 24:15

Miṭha mi cu a inn ah miṭhalo nih an bawh bangin va bawh hlah, a lo zong kha va chut hlah;

PHUNGTHLÛKBIA 7:22

Mihrut bantukin a zulh i cawtum thahnak hmun i a kalmi bantuk khi a si.

ISAIAH 32:7

Amah cu miṭhalo a si i thil ṭhalo kha a tuah; sifakmi kha an rawk khawh nakhnga a lih in khua a khan lengmang i an hmuh hngami kha hmu loin an um nakhnga aa zuam.

ISAIAH 38:11

Minung mi hna vawlei cungah hin, Bawipa si seh, a nungmi si hna seh, ka hmu ti rua hna lai lo, ka rak ti.

JEREMIAH 1:19

Annih nih nangmah cu an in tuk lai, sihmanhsehlaw na sinah ka um i kan huhphenh lai caah an in tei lai lo, tiah Bawipa nih a ti,” tiah a ti.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 26:8

Cun annih sinah na chim lai tiin Bawipa nih nawl a pekmi vialte kha a chim dih tikah, tlangbawi hna le profet hna le mi zapi nih khan an tlaih i, “Na thi lai,” tiah an hro.

ṬAHNAK HLA 3:60

Phuhlam an duhnak le Keimah cung i rawinak an tuahmi vialte cu na hmuh dih.

EZEKIEL 32:24

Khika ah khan Elam kha a um ve, a velchum ah khan a mi hna kha an vui ve hna, an dihlak in vainam in thahmi an si; annih cu thazang zeihmanh ngei loin tanglei vawlei ah khan an vung kal cang, minung ram i ṭihphannak a rak khahter tawntu hna kha atu cu khor chung i a vung kalmi hna ningzahnak kha an i hrawm ve cang.

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

HOSEA 9:8

Pathian nih a mi Israel mi hna kha ralrinnak bia chimh awkah keimah cu profet in a ka kalter, Sihmanhsehlaw ka kalnak kip ah va bantukin foih kha nan ka zuam. Pathian ram chung hrimhrim ah hin mi kha profet i a rel hna cu an si.

NAMBAR 1:14

Gad phun chungin, Deuel fapa Eliasaf;