JEREMIAH 11:14 - Lai (Hakha) Common Language Bible 2006

¹⁴ Cucaah Jeremiah, hi mi hna caah hin thlacam hlah, anmah aiawh zongin aunak siseh, nawlnak siseh, tuah hlah, zeicahtiah an harnak caan i an ka auh tikah ka ngai hna lai lo,” tiah a ti.

JEREMIAH 11:14 ပူးပေါင်းရင်းမြစ်များ

SALM 66:18

Ka sualnak kha rak thup ning law ka thlacamnak cu a rak ka ngaihpiak hnga lo.

EXODUS 32:10

Atu cu na ka onh ahcun, ka thinhunnak a alh in a alhmi in ka hrawh dih hna lai. Cun nangmah le na tefa cu miphun ngan ah kan ser hna lai,” a ti.

JEREMIAH 11:11

Cucaah Bawipa nih hi bangin a ti: Atu cu an luat khawh lomi ṭhat lonak kha an cungah ka tlunter lai; an ka au lai nain annih cu ka ngai hna lai lo.

JEREMIAH 14:11

Cun Bawipa nih a ka thawh i, “Hi mi hna ṭhatnak caah hin thlacam hlah.

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 7:16

Jeremiah, hi mi hna caah hin thlacam hlah, an caah nawlnak le thlacamnak tuah hlah, keimah zong kha ka nawl len hlah; zeicahtiah na bia cu ka ngai lai lo.

HOSEA 5:6

Bawipa sin i raithawi awk caah an tuu hna le an caw hna kha i put hna hmanh seh law zeihmanh san a tlai lo; A kaltak cang hna caah amah cu an hmu kho lo.

ZEKHARIAH 7:13

Ka auh tik hna ah an ngaih lo caah kei zong nih an ka auh tikah ka ngai ve lo, tiah Ralkapbu Bawipa nih a ti;

MALAKHI 2:13

Mah hihi thil dang pakhat nan tuah rihmi cu a si: nan ṭap nan ai i Bawipa biakṭheng cu nan mitthli in nan ciah, sihmanhsehlaw nan pekchanhmi thil cu zoh a duh ṭhiamṭhiam hna lo i nan sinin nan laksawng cu an cohlang ṭhiamṭhiam hna lo.

1JOHAN 5:16

Mi pakhatkhat nih, a unau pakhatkhat kha, thihnak tiang a phanmi a si lomi sualnak a tuah kha a hmuh ahcun, nunnak a petu ding Pathian sinah khan thla a campiak lai — cucu thihnak tiang a phanmi sualnak a tuah lomi hna caah khan a si. Sihmanhsehlaw thihnak tiang a phanmi sualnak a um i cu kong ahcun Pathian sinah thla nan cam lai ka ti lo.