JEREMIAH 10:4 - Lai (Hakha) Common Language Bible 2006

⁴ Sui le ngun in a ṭamh i a tluk nakhnga lo sobul le thir in a khenh chihmi pei an si ko cu.

JEREMIAH 10:4 ပူးပေါင်းရင်းမြစ်များ

SALM 115:4

Annih pathian tu cu sui le ngun in sermi an si, minung kut nih a sermi an si.

SALM 135:15

Miphun dang nih an biakmi siasal cu sui le ngun in sermi an si; minung nih an kut in an sermi an si.

ISAIAH 44:12

Sosertu nih thir pakhat kha aa lak i mei ah a linh. A ṭhawngmi a kut in a den i mui ngei ah a ser. A rawl a ṭam, a ti a hal i a ba.

ISAIAH 46:6

Mi nih an tangka bawm kha an kau i sui kha an bungh hna; cuaithlainak in ngun kha an thlai hna. Sui soser pakhat kha pathian kan serpiak tiah an fial i cu hmaiah cun an kun i cucu an biak.

ISAIAH 46:7

An liang ah an i khinh i an kalpi; cun a hmunte ah khan an chiah i cuka ah cun a dir; a dirnak hmun khan aa ṭhial kho lo. A sin i thla an cam tikah ahohmanh a let kho hna lo. harnak chung zongin a khamh kho hna lo.

HOSEA 13:2

Cuhleiah atu zongah hin an sual chin lengmang ko; ukang thir khan siasal an i ser. An ngun in siasal cu an ser hna i annih cu minung ruahnak nih a suaichommi hna le minung kut nih a serchommi hna an si. Cun an i thawh i, “Annih cu raithawinak pechan hna u,” an ti. Zeitindah mi nih siasal cu an hnamh khawh hna lai? Cawtum mui a lomi siasal hna cu?

HABAKKUK 2:19

Rawk ding nan si ko cang! Thingtan cu naa thawh i “I hlau tuah,” na ti; Lungtum cu naa thawh i, “Tho tuah,” na ti. Siasal nih zeital an phuanpiak kho maw? Ngun le sui cun tuam a si ko lai, asinain a chungah nunnak a um lo.