JEREMIAH 10:22 - Lai (Hakha) Common Language Bible 2006

²² Ngaihmanh, bia chawkvai pakhat a rung thang, A thawng a ngan chin lengmangmi thawngpang cu chaklei ram in a rung; Judah ram khua hna cu ṭhio awk le cenghngia riahhmun i ser awkah a rami ralkapbu thawng a si.

JEREMIAH 10:22 ပူးပေါင်းရင်းမြစ်များ

ISAIAH 34:13

Siangpahrang inn vialte hna le ralhau a ngeimi khua vialte hna chungah khan hling le so lawng an kho cang lai i ram-ui le chimbu kha an um lai.

JEREMIAH 1:14

Cun Bawipa nih a ka thawh i, “Hi ram chung i a ummi vialte hna cungah chaklei in ṭhat lonak a rung tlung lai.

JEREMIAH 1:15

Zeicahtiah zohhmanh, chaklei ram hna chung i a ummi miphun vialte kha ka kawh hna, tiah Bawipa nih a ti; cun annih cu an ra lai i Jerusalem kutka luhnak hna ah khan le a velchum vampang vialte hna pawng le Judah ram khua vialte ah khan an bawiṭhutdan cu an chiah cio hna lai.

JEREMIAH 2:15

Zeicahdah chiandeih nih an hukhnawh i an aihnawh? Zeicahdah a ram cu pakpalawng ah a can? Zeicahdah a khuapi hna cu an rawk i mi nih an chuahtak hna?

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 4:15

Dan ram in zualko pakhat a ra i Efraim Tlang in thawng ṭhalo pakhat a thang.

JEREMIAH 4:6

Zion lei lam cu hmuhsak hna u! Himnak hmun leiah khan le u! Rau hlah u! Bawipa nih chaklei in ṭhat lonak le rawknak nganpi a rak put lio.

JEREMIAH 49:33

Hazor cu cenghngia tlonnak hmun ah ka ser lai i zungzal in a rawk ko lai; Khika ah ahohmanh an um lai lo i ahohmanh nih innlo an khuar lai lo, tiah Bawipa nih a ti.

JEREMIAH 5:15

Maw Israel innchungkhar, zohhmanh, Na cungah lamhlatpi in miphun phun khat ka ratpi lio, tiah Bawipa nih a ti. Cu miphun cu miphun ṭhawng ngai, hlan piin a rak ummi, An holh nan theih lomi miphun, an chimmi zong nan hngalh khawh lomi miphun a si.

JEREMIAH 6:1

Maw Benjamin mi hna, Jerusalem in chuak u law himnak hmun ah zam tuah u, Tekoa ah muko tum u law Beth-hakkerem ah alan thlai tuah u; Zeicahtiah chaklei in ṭhat lonak kha a hung lang cuahmah, rawhralnak nganpi cu.

JEREMIAH 6:22

Hitihin Bawipa nih a ti, “Zohhmanh, chaklei ram in miphun pakhat a ra lio, Van hramdeng in miphun ngan pakhat a cawlcang lio;

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

ṬAHNAK HLA 1:4

Zion lei kalnak lam kha an ṭap, zeitintiah a puai thiang ah khan a rami an um lo; A kutka vialte cu an rawk dih, a tlangbawi hna cu an hrum an ai; A ngaknu hna cu lamhlatpi ah an hnuh hna i Amah hrimhrim nih fak piin a in.

EZEKIEL 12:19

Cun zapi cu, Jerusalem khua chung i a ummi hna le Israel ram kong i Bawipa bia cu hihi a si, tiah chim hna: ‘Annih nih rawl an ei tikah thinphang in an ei lai i ti an din tikah therphang in an din lai; ram chungah hin tuksapur thil a khat lai; zeicahtiah khika i a ummi hna cu zaang-ennak in an khat.

MALAKHI 1:3

Esau cu Jakob unau a si lo maw? tiah Bawipa nih a ti. Jakob cu ka dawt, sihmanhsehlaw Esau cu ka huat, a tlang ram hna cu pakpalawng ah ka ser hna i a hringsortu inn cu ramlak cenghngia tlonnak ah ka canter, a ti.