JEREMIAH 10:20 - Lai (Hakha) Common Language Bible 2006

²⁰ Ka inn cu a rawk cang, ka thlam hri vialte cu an cat dih cang; Ka fale nih an ka kaltak i an lo diam cang; Ka thlam a bunh ṭhantu ding ahohmanh an um lo, A puanzar hna a phun ṭhantu ding ahohmanh an um lo.

JEREMIAH 10:20 ပူးပေါင်းရင်းမြစ်များ

JOB 7:8

Atu ah cun na ka hmuh, sihmanhsehlaw na ka hmu ṭhan ti lai lo, Ka kawl hmanh law, ka rak lo diam cang lai.

PHUNGTHLÛKBIA 12:7

Miṭhalo cu an tla i cucu an donghnak a si, sihmanhsehlaw miding hna tefa cu an i peh lengmang.

ISAIAH 51:16

Van khi ka samh hna i vawlei hram cu ka bunh hna. Zion cu ka thawh i, ‘Nangmah cu ka mi na si! Keimah nih kan cawnpiak cang i ka kut in kan huhphenh,’ ka ti.”

ISAIAH 51:18

Nangmah hruaitu ahohmanh an um lo, na mi hna lakah na kut in an hruaitu ding pakhat hmanh an um lo.

ISAIAH 54:2

Na umnak thlam kha ngan deuh in sa. A hri kha sauh hna law a tung kha fehter hna.

JEREMIAH 30:17

Mi nih nang cu, “Ṭhawlmi, hawikom zeihmanh a ngei lomi Zion, an in ti nain, Cuar thar cu ka corhter ṭhan lai i na hma cu ka damter ṭhan lai,” tiah Bawipa nih a ti.

JEREMIAH 31:15

Bawipa nih hi bangin a ti: “Ngai hmanh, lunghno ngaiin ṭahnak thawng cu Ramah khua ah a thang, Cucu Rachel nih a fale a ṭah hnanak thawng kha a si; A fale kha an um ti lo caah hnemh kha a duh lo.”

JEREMIAH 4:20

Chiatnak nih chiatnak kha a hun zulh colh, Ram cu a ningpi in a rawk. Ka thlam hna cu an tlu i an khuhnak puan hna cu an tlek dih cikcek.

ṬAHNAK HLA 1:5

A ral hna cu a bawi ah an cang, A ral hna cu nuam tein an um, Zeitintiah a tuahmi a ṭha lomi rel cawk lo ruangah khan Bawipa nih amah cu fak piin dan a tat; A fano cu an lo dih, Ral nih khan saltannak chungah an kalpi hna.

MIKAH 2:9

Ka mi hna nu hna cu an duh vemi an inn khan nan dawi hna i An fale hna cu ka thluachuahnak kha nan lakkanh hna.