JEREMIAH 10:18 - Lai (Hakha) Common Language Bible 2006

¹⁸ Zeicahtiah Bawipa nih hitin a ti: Atu tan hi cu, hi ram chung mi hi an dihlak in ka phawi hna lai, Fak piin ka hmeh hna lai i ro lak in ka sur hna lai.

JEREMIAH 10:18 ပူးပေါင်းရင်းမြစ်များ

ISAIAH 22:17

Mi ngan cu na si sawk ko lai, sihmanhsehlaw Bawipa nih an thur lai i an hlonh lai.

JEREMIAH 16:13

Cucaah hi ram chung hin kan hlonh vurmar hna lai i nanmah zong nih nan pupa hna zong nih an hngalh bal lomi ram ah nan kal lai, khika ah chun zan in pathian dang hna kha an rian nan ṭuanpiak hna lai i nan cungah zaangfahnak zeihmanh ka ngei lai lo,’ a ti tiah na chimh hna lai.

JEREMIAH 22:26

Cun nangmah le an hringtu na nu cu nan chuahkehnak ram a si lomi ramdang ah kan hlonh vurmar hna lai i khika ah nan pahnih in nan thi lai.

JEREMIAH 23:20

Bawipa thinhunnak cu, a lung chung tinhmi kha a tuah i a tlinh hlanah cun aa let lai lo. Hmailei caan ah mah hihi fiang tein nan hngalh te lai.

EZEKIEL 6:10

Cucaah annih nih keimah cu Bawipa ka si kha an hngalh lai i an cungah ṭhat lonak ka tlunter lai ka ti tikah khan a ṭhih in a kan ṭhih men lo, ti kha an hngalh lai,” tiah a ti.

ZEFANIAH 1:17

Bawipa nih, “Minung cungah a fakmi harnak kha ka tlunter lai; Bawipa cung i an sual ruangah khan mitcaw bantukin an i chawk lai. An thi cu ti bantukin thlet a si lai i an ruak zong ek bantukin hlonh a si lai,” a ti.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

DEUTERONOMI 28:52

Nan ram chung dihlak i nan i bochanmi a sang le a fekmi ralhau an chimh dih tiangin, nan khua kip ah an in hren hna lai; Bawipa nan Pathian nih an pekmi hna nan ram chung dihlak ah nan khua kip ah an in hren hna lai.

1 SAMUEL 25:29

Mi nih nangmah kha dawi awk le na nunnak kha kawl awkah an in thawhhnawh ahcun, ka bawipa nunnak cu Bawipa na Pathian zohkhenhnak chung i a ummi minung hna nunnak tom chungah khan tom chih a si lai; cun na ral hna nunnak tu cu lungherhchehnak ṭe karlak chung in cheh bantukin a cheh hlo hna lai.