JEREMIAH 10:15 - Lai (Hakha) Common Language Bible 2006

¹⁵ Zeihmanh an ngei lo, nihchuak men an si, An biaceih ni a phak tik i a rawk menmi an si.

JEREMIAH 10:15 ပူးပေါင်းရင်းမြစ်များ

SALM 115:9

Maw Israel mi hna, Bawipa cu i bochan u, amah nih an bawmh hna lai i an huhphenh hna lai.

ISAIAH 41:24

Sihmanhsehlaw nannih cu zeihmanh nan si lo, nan tuahmi vialte zong zeihmanh an si lo, nanmah an biatu hna zong fihnung an si.

ISAIAH 41:29

Hi pathian hna hi pakpalawng an si, an tuah khawhmi zeihmanh a um lo — hi siasal pathian hna hi thazang zeihmanh a ngei lomi, zei thil hmanh a tuah kho lomi an si.

ISAIAH 57:12

Nan tuahmi cu ahmaan tiah nan ruah, sihmanhsehlaw nan ziaza kha kan hlih hna lai i nan siasal nih khan an in khamh kho hna lai lo.

JEREMIAH 10:11

(Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” ti in.)

JEREMIAH 10:8

Annih cu an dihlak in mihrut an si i an nga fawn; An fimnak pakpalawng cu thingtum sinin an cawnmi a si.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 18:15

Reu hlah, sihmanhsehlaw ka mi hna nih cun an ka philh; Annih nih siasal menmen hna sinah khan raithawinak an khangh, Annih nih an zulh awk hnga lam a simi ah khan an ril i hlan lam kha an zul ti hna lo; Lam hleng le ser lomi lam tu ah khan an i mer.

JEREMIAH 43:12

Izipt pathian hna biakinn cu mei in a khangh hna lai, inn cu a khangh hna lai i pathian cu sal ah a hruai hna lai. Tuukhal nih a puan i ṭhah a ummi a zoh hna bangin Izipt ram cu a zoh lai. Aa tinhmi cu a tlinter dih hnuah Izipt cu a kaltak lai.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

JEREMIAH 51:18

Annih cu zeihmanh man an ngei lo, nihchuak men a si, An biaceih ni a phak tik i a rawk men ding an si.

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

JEREMIAH 8:19

Ram hlapi ah a ummi ka mi hna au thawng cu ngai hmanh: ‘Bawipa cu Zion ah a um lo maw? A Siangpahrang cu a chungah cun a um ti lo maw?’ tiah an au. Zeicahdah an siasal hna le ramdang pathian hna in ka thin an ka phawh? a ti.

HOSEA 9:7

Dantatnak ni cu a phan cang, phuhlamnak ni cu a phan cang; Israel cu ṭhumh a si cang. Khi tikah nan sualnak a nganmi nih khan profet cu mihrut ah a ser hna lai i hmutu cu mimolh ah a ser hna lai.

JONAH 2:8

Santlailo siasal a biami hna nih cun nangmah sin i zumhawktlak in um kha an ngol,

ZEKHARIAH 13:2

Khi ni ah cun ram chung khan siasal min kha ka hloh hna lai i an ruat ti hna lai lo, tiah Bawipa nih a ti; profet hna le thlarau thianglo zong kha ram chung cun ka hloh hna lai.

LAMKALTU 14:15

“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.

1 SAMUEL 12:21

cun pakpalawng thil, ṭhathnem zong an ṭhathnem kho hna lo i a khamh zong an khamh kho hna lomi thil hna kha, pialhnawh hna hlah u, zeitintiah pakpalawng an si.

1 SAMUEL 5:4

Sihmanhsehlaw a thaizing zingkate i an thawh tikah khan, zohhmanh, Dagon cu a boktakhup in vawlei ah Pathian kuang hmaiah a rak tlu ko i Dagon lu bul le a kut bul hna cu innkaba ah an rak ril ko; Dagon cu a pum thlur lawng kha a taang.