JEREMIAH 1:8 - Lai (Hakha) Common Language Bible 2006

⁸ Annih cu ahohmanh ṭih hna hlah. Zeicahtiah na sinah ka um i kan huhphenh lai”, tiah Bawipa nih a ti.”

JEREMIAH 1:8 ပူးပေါင်းရင်းမြစ်များ

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

JEREMIAH 1:17

Sihmanhsehlaw nang cu na lung ṭhawng ko, tho law nawl kan pekmi vialte kha chim hna. Annih ruangah na lung dong hlah, atu i na lung a dongh ahcun an hmaika i na um tikah na lung kaan donghter chinchin sual lai.

JEREMIAH 1:19

Annih nih nangmah cu an in tuk lai, sihmanhsehlaw na sinah ka um i kan huhphenh lai caah an in tei lai lo, tiah Bawipa nih a ti,” tiah a ti.

JEREMIAH 20:11

Sihmanhsehlaw Bawipa cu keimah leiah a ṭang i ṭhawng ngai le zaangfahnak ngei in a um, Cucaah a ka hremtu hna cu an ril lai i zeihmanh tuah kho loin an tlu lai. An tuah duhmi kha an tlinter khawh lo tikah An ningzahnak cu a fak ngaingai lai, An minchiatnak cu zeitikhmanh ah philh a si ti lai lo.

JEREMIAH 30:11

Zeicahtiah Bawipa nih, na sinah ka um i kan khamh lai, tiah a ti. Nannih kan ṭhek hnanak miphun vialte cu an donghnak ka phakter hna lai. Sihmanhsehlaw nang cu na donghnak kan phakter lai lo. Dantat awk naa tlakning in dan kan tat nain a hloh cu kan hlo taktak lai lo,” tiah Bawipa nih a ti.

JEREMIAH 39:11

Babilon siangpahrang Nebukhadnezzar nih cun Jeremiah kong ah ralvengtu haotu Nebuzaradan cu nawl a pek i,

JEREMIAH 42:11

Babilon siangpahrang nan ṭihmi hi ṭih hlah u; Bawipa nih, “Ṭih hlah u, zeicahtiah amah kut chungin nannih cu khamh awk le chuah awkah nan sinah ka um ko,” tiah a ti.

DANIEL 3:17

“Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh;

DANIEL 3:25

Cun anih nih, “A si kun ahcun zeicahdah meiphu chungah zeihmanh poi loin aa chawkmi mi pali ka hmuh kun hna; cun a palinak cu pathian a lo fawn,” tiah a leh ve hna.

MATTHAI 10:26

“Cucaah mi cu va ṭih hna hlah u. Khuhmi thil paoh kha hun dih an si ko lai i biathli vialte kha hngalh dih an si ko lai.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LAMKALTU 18:10

zeicahtiah keimah nih kan umpi ko. Hi khua chung i a ummi hna lakah hin mi tampi ka minung an si caah ahohmanh nih harnak an in pe kho lai lo,” tiah a ti.

LAMKALTU 26:17

Nangmah cu kan thlah lainak miphun Israel mi hna le Jentail mi hna sinin kan khamh lai.

LAMKALTU 4:13

Biaceihtu hna nih Peter le Johan cu an ralṭhatning kha an hmuh i fimthiamnak zeihmanh a ngei lomi, mi sawhsawh an si ko ti kha an hngalh tikah an khuaruah a har. Khi tikah annih cu Jesuh hawikom an rak si ti kha an hun hngalh.

LAMKALTU 4:29

Cucaah atu cu Bawipa, an kan hronak hi kan hngalhpiak law kannih na sal rual nih hin na bia cu ralṭha chinchin in kan chim nakhnga a nawl kan pe ko.

EFESA 6:20

Cu thawngṭha lamkaltu cu — thir cikcin he ka si. Cu kong ka chim tikah ka ral a ṭhat nakhnga thla rak cam u.

DEUTERONOMI 31:6

Ṭhawng u law, nan ral ṭha ko u, ṭih hlah u, an hmaiah therphang hlah u; zeicahtiah nanmah he a kalmi cu Bawipa nan Pathian a si; an deuh hna lai lo i an hlaw fawn hna lai lo,” a ti.

DEUTERONOMI 31:8

Na hmaiah a kalmi cu Bawipa a si; na sinah a um lai i an deuh lai lo i an hlaw fawn lai lo; ṭih hlah, na lung zong dong hlah,” tiah a ti.

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.