JEREMIAH 1:7 - Lai (Hakha) Common Language Bible 2006

⁷ Sihmanhsehlaw Bawipa nih a ka thawh i, “Ngakchiate men ka si, ti hlah; Zeicahtiah cu hna sinah cun va kal, tiah kan tinak ah na kal lai i nawl kan pekmi paoh kha na chim lai.

JEREMIAH 1:7 ပူးပေါင်းရင်းမြစ်များ

1 SIANGPAHRANG 22:14

Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.

1 SIANGPAHRANG 3:7

Cun atu cu, maw Bawipa ka Pathian, nangmah nih na salpa hi ngakchiate ka si ko nain, ka pa David hmun ah siangpahrang ah na ka ser cang; keimah cu zeitindah ka chuah lai i zeitindah ka luh lai, ti a hngal lomi ka si.

2 CHANRELNAK 18:13

Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.

EXODUS 6:29

“Keimah cu Bawipa ka si; kan chimhmi vialte kha Izipt siangpahrang Faro cu va chim,” a ti. Sihmanhsehlaw Moses nih,

JEREMIAH 26:2

Bawipa nih Jeremiah cu a thawh i, “Bawipa inntual ah va dir law, khika ah biak awkah a rami Judah ram chung mi vialte hna sinah cun, bia va chim tuah. Annih kha na chimh hna lai tiah nawl kan pekmi vialte kha zeihmanh ngan loin na chimh hna lai.

JEREMIAH 43:1

Bawipa an Pathian nih, annih cu va chim hna tiah a timi bia cu Jeremiah nih a chim tikah, Hashaiah fapa Azariah le Kareah fapa Johanan le an hawile hna nih khan Jeremiah cu ninghngal ngaiin an thawh i

JEREMIAH 7:27

Hi bia hi na chimh hna tikah an in ngai lai lo. Na auh hna zongah an in let lai lo.

EZEKIEL 2:7

Annih cu ral thawh hmangmi an si ko caah hin an ngaih duh zongah an ngaih duh lo zongah ka bia cu na chimh ko hna lai.

EZEKIEL 3:27

Sihmanhsehlaw nangmah kha chimh awk thil ka ngeih tikah bia chim khawhnak kha kan pek ṭhan lai. Khi tikah na thawh hna lai i, ‘Mah hihi Bawipa Pathian bia a si,’ tiah na ti hna lai. Ngaih a duhmi nih ngai ko hna seh, a duh lomi nih duh lo ko hna seh; Zeicahtiah annih cu ral thawh hmangmi cu pei an si fam cu,” a ka ti.

AMOS 7:15

Sihmanhsehlaw saṭil ka khalh lio hna ah khan Bawipa nih a ka lak riangmang i, “Va kal law ka mi Israel mi kha va chim hna,” tiah a ka ti.

JONAH 3:2

“Nineveh khualipi ah cun va kal cang law kan chimhmi bia cu va thanh tuah hna,” tiah a ti.

NAMBAR 22:20

Cun Pathian nih Balaam sinah zan ah a ra i, “Hi mi hna nih nangmah kawh awkah an rat ahcun, tho law, an sinah va kal ko; sihmanhsehlaw kan chimhmi lawnglawng kha na tuah lai,” tiah a sinah a ti.

NAMBAR 22:38

Balaam nih Balak sinah cun, “Zohhmanh, nangmah sin ka ra phan cang! Keimah thamtham cu zeihmanh chim khawhnak nawl ka ngei i mei? Pathian nih ka ka chung i a chiahmi bia lawng pei ka chim khawh ko lai cu,” tiah a ti.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LAMKALTU 20:27

Zeicahtiah Pathian nih aa tinhmi kha a dihumnak in kan chimh dih cikcek hna i ka nganhmi zeihmanh a um lo.