JEIM 5:8 - Lai (Hakha) Common Language Bible 2006

⁸ Nannih zong nan lung a sau awk a si. Ruahchannak sangpi ngei ko u. Bawipa cu a ra dengmang cang.

Laibaibal Thiang (BSI)

⁸ Nannih zong lungsau in um tuah u, nan lungthin fehter u. Bawipa rat cân a nai cang.

JEIM 5:8 ပူးပေါင်းရင်းမြစ်များ

GENESIS 49:18

“Maw Bawipa na khamhnak cu ka hngak ko.

SALM 130:5

Bawipa bawmhnak cu i hngahhlang ngaiin ka hngak ko, a bia cu kaa bochan.

SALM 27:14

Bawipa cu i bochan u! Zumhnak ngei u, nan lung dong hlah u! Bawipa cu i bochan ko u!

SALM 37:7

Bawipa hmaiah cun dai tein um ko law zeidah a tuah lai ti kha lungsau in hngak ko; thil ṭhalo an i tinhmi a tuah kho lengmangmi hna le an rian ṭuannak ah a hlawh a tlingmi hna kong ah zei poi loin va um ko.

EZEKIEL 7:12

Caan cu a tlung cang, cu ni cu a phan cang; cawtu zong i lawmh awk a si lo, zuartu zong i ngaihchih awk a si hlei lo, zeicahtiah an i tuai le an i hmalnak cungah khan a dihlak in ka thin a hung.

MIKAH 7:7

Sihmanhsehlaw kei cu Bawipa kha ka kawl lai, Ka khamhtu Pathian cu ka hngah lai, Ka Pathian nih cun a ka theih lai.

HABAKKUK 2:3

Na hmuhmi langhnak a tlin caan cu a phak rih lo caah a ṭial in ṭial. Asinain a caan cu khulrang in a ra lio ko i, Kan hmuhsakmi cu a tling hrimhrim ko lai. A caan cu a raumi a lo lai, sihmanhsehlaw hngak ko, a tling hrimhrim ko lai i sau a rau ti lai lo,” a ti.

LUKA 21:19

Fek tein dir ko u, zeicahtiah hitihin pei nan nunnak cu nan khamh lai cu,” tiah a ti.

JOHAN 21:22

Jesuh nih cun, “Ka rat ṭhan tiang a nun kha ka duh a si ah, cucu nang caah zeidah a poinak a um? A zulh tu ka zul ko,” tiah a leh.

ROM 8:25

Sihmanhsehlaw kan mit in kan hmuh lomi kha kan i ruahchan ahcun, cucu lungsau in kan hngah a langhnak a si.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

FILIPI 4:5

Mi vialte sinah nemnak tein va um u. Bawipa cu tuan ah a ra lai.

1THESALON 1:10

Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

1THESALON 2:19

A ngaingai ti ahcun, midang ahohmanh si loin, nanmah hrimhrim hi, kan Bawipa Jesuh a rat tik i a hmaika i kan dir tikah kan ca i ruahchannak le lawmhnak le thangṭhatnak cu nan si lai.

1THESALON 3:13

Cuticun nan lung kha in ṭhawnter hna seh law kan Bawipa Jesuh cu a mi vialte hna he a rat tikah Bawipa kan Pathian hmaiah mitling le mithiang nan si lai.

2 THESALON 3:5

Pathian dawtnak lei le Khrih nih an pekmi hna intuar khawhnak leiah khan Bawipa nih nan lung cu hruai ko seh.

JEIM 5:3

Nan sui le nan ngun cu cirik nih a ei hna i hi cirik hi nanmah sual an phawtu hna tehte a si lai i nan sa kha mei bantukin an eitu hna a si lai. Hi a dong dengmangmi caan ah hin chaw le va kha nan i khon hna.

JEIM 5:9

Harnak nan ton tikah pakhat le pakhat i mawhchiat hlah u. Cu ti nan um ahcun Pathian nih bia an ceih sual hna lai. Biaceihtu cu lamnai te ah a um ko i a rung lut zau ko lai.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

BIAPHUAN 22:20

Hi thil vialte hi ahmaan dih tiah tehte a khaangtu nih, “Tuan ah ka ra hrimhrim lai,” a ti. Cu bantuk cun si ko seh. Bawipa Jesuh, ra ko cang!