JEIM 5:16 - Lai (Hakha) Common Language Bible 2006

¹⁶ Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

Laibaibal Thiang (BSI)

¹⁶ Damter nan si nâkhnga, nansualnâk phuang ulaw, thla i campiak lengmang u. Miding nih biatak tein thla a cammi cu san a tlai i thil a tuah kho ngai ngai.

JEIM 5:16 ပူးပေါင်းရင်းမြစ်များ

GENESIS 19:29

Asinain Pathian nih nelrawn chung ummi khua kha a hrawh hna tikah Abraham kha a philh lo i Lot kha himnak hmun ah a zamter.

GENESIS 20:17

Abraham nupi Sarah cung i a tlungmi thil ruangah khan Bawipa nih Abimelek inn chung i a ummi nu vialte kha fa ngei kho loin a tuah dih hna. Cucaah Abraham nih Abimelek kha thla a campiak i Pathian nih a damter. A nupi le a salnu hna zong kha a damter hna i fa an ngei kho ṭhan.

GENESIS 20:7

Asinain atu cu minu kha a va sinah kirter ṭhan. A va cu profet a si i thla an campiak lai i na thi lai lo. Sihmanhsehlaw na kirter ṭhan lo ahcun, nangmah le na innchungkhar kha nan thi dih lai, tiah ralrinnak kan pek,” a ti.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

2 SAMUEL 19:19

siangpahrang sinah cun, “Siangpahrang ka bawipa nih Jerusalem in na chuah ni i na cungah na sal nih zeitindah palhnak ka tuah kha ka bawipa nih ka cungah mawhnak ah ka ruahpiak hlah law a cin zong ka cinkenpiak sawh hlah; siangpahrang nih a lung chungah i chiah sawh hlah seh,

1 SIANGPAHRANG 13:6

Cun siangpahrang nih Pathian mi cu a thawh i, “Bawipa na Pathian cu ka nawlpiak law, thla ka campiak tuah, ka kut hi a dam ṭhan nakhnga,” tiah a ti. Cun Pathian mi nih Bawipa cu a nawl i siangpahrang cu a kut kha a dam ṭhan i hmasa i bantuk kha a si ṭhan.

2 CHANRELNAK 30:20

Cun Bawipa nih Hezekiah cu a theih i mi cu a damter hna.

JOB 42:8

Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.

SALM 34:15

A dingmi cu Bawipa nih a zohkhenh hna i an aunak kha a theih;

EXODUS 17:11

Moses nih a ban a hler hna chung paoh cu Israel mi nih khan an tei lengmang hna, sihmanhsehlaw a ṭhumh hna paoh ah cun Amalek mi nih khan an nawr ve tawn hna.

EXODUS 9:33

Moses nih Faro cu a kaltak i khuapi chung khan a chuak. Thlacamnak in Bawipa sinah a kut kha a hler i khuari le rial kha an dih i ruah kha a dong.

PHUNGTHLÛKBIA 15:29

Miṭha nih thla an cam tikah Bawipa nih a ngaihpiak hna, sihmanhsehlaw miṭhalo cu zei ah a rel hna lo.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 28:9

Phungbia kha ngai duh loin a mertakmi cu a thlacamnak hmanh kha fihnung a si.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

JEREMIAH 42:2

profet Jeremiah cu an thawh i, “Zaangfah kan in halnak hi kan cohlanpiak ko: Kanmah aiawh in le hi a tangmi hna aiawh hin Bawipa na Pathian sinah thlacam tuah; zeicahtiah nangmah nih na kan hmuh bangin mi tampi chung khan a tangmi cu tlawmte lawng kan si.

NAMBAR 11:2

Cu tikah mi nih Moses cu an auh i, Moses nih Bawipa sinah thla a cam i mei cu a dai.

MATTHAI 21:22

Nan zumh ahcun thlacamnak in nan halmi paoh kha nan hmuh lai,” a ti.

MATTHAI 3:6

an sualnak kha an i phuang i Jordan tiva ah khan tipilnak a pek hna.

MARKA 1:5

Judea ram le Jerusalem khua i a ummi hna nih khan amah cu an fuh luaimai i an sualnak kha an i phuang i Jordan tiva ah khan tipilnak kha a pek hna.

LUKA 9:6

Zultu hna cu an i thawh i khua kip kha an tlawng i hmun kip ah Thawngṭha kha an chim i a zawmi kha an damter hna.

JOHAN 9:31

Pathian nih misual cu an bia a ngai hna lo i amah a upatmi le a duhnak a tuahmi kha an bia a ngaihpiak hna ti cu kan hngalh.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

LAMKALTU 19:18

A zummi lak i mi tampi kha an ra i zapi hmaiah an tuahmi vialte kha an phuan.

LAMKALTU 8:24

Simon nih Peter cu a thawh i, “Na chimmi vialte hi pakhat hmanh ka cungah a tlun nakhnga lo Bawipa sinah thla ka campiak tuah,” tiah a ti.

ROM 3:10

Cathiang nih, “A dingmi ahohmanh an um lo,

ROM 5:19

Mipa pakhat nawlngaih lo ruangah mi tampi kha misual i ser an si bantukin mipa pakhat nawlngaih ruangah mi tampi cu miding ah ser an si lai.

KOLOSE 1:9

Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.

1THESALON 5:17

a zungzal in thlacam u,

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

1THESALON 5:25

U le nau hna, kannih zong thla rak kan campiak ve u.

HEBRU 11:4

Kain nih a pekmi raithawinak nakin a ṭha deuhmi raithawinak Abel nih Pathian a pekmi cu zumhnak in a si. Zumhnak thawngin amah cu Pathian nih miding ah a cohlan i cucu Pathian nih a laksawng a cohlanpiaknak ah khan a lang; cun a thih hnu zongah, zumhnak cu bia a chim ṭhiamṭhiam ko rih.

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

HEBRU 12:13

cun a ping a pang ah nan ke hlang sual lo tein um u. Cu ti nan tuah ahcun a beimi nan ke kha a rawk lan lai lo i hmasa i ṭhawnnak a rak ngeihmi kha a ngei ṭhan kho lai.

HEBRU 13:18

Thla kan campiak lengmang ko u. A hmaanmi thil kha tuah kan duhmi a si zungzal caah kan chiaṭha thleidannak kha a thiang ko.

JOSHUA 10:12

Bawipa nih Amor mi hna cu Israel mi hna sinah a pek hna ni ah Joshua nih Bawipa kha a chawnh i Israel mi hna mithmuh ah, “Ni, Gibeon ah dir peng tuah, Cun Thlapa, nang, Aijalon nelrawn ah,” tiah a ti.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

1JOHAN 3:22

amah nawl kha kan ngaih ca le a duhmi kha kan tuah caah kan halmi paoh kha kan hmuh.

1 SAMUEL 1:12

Bawipa hmai i thla a cam lengmang lioah cun Eli nih a kaa kha a rak i chingchiah.

1 SAMUEL 12:17

Nihin hi changvut ṭuan ni a si lo mei? Khua a ritter i ruah a surter nakhnga, Bawipa kha ka auh lai i nan ca i nannih nih siangpahrang nan halnak kongah hin Bawipa hmai i nan tuahmi nan ṭhat lonak kha a ngan, ti kha nan hngalh lai i nan hmuh lai,” tiah a ti.

1 SAMUEL 12:18

Cucaah Samuel nih Bawipa kha a auh i khi ni ah Bawipa nih khua a ritter i ruah a surter; cun mi vialte nih Bawipa le Samuel kha an ṭih ngaingai hna.