JEIM 5:12 - Lai (Hakha) Common Language Bible 2006

¹² Cun cu pinah biakamnak nan tuah tikah chiatsernak hmang hlah u; vancung cemchih in siseh, vawlei cemchih in siseh, zei thil paoh cemchih in siseh, chiatser hlah u. A si ti nan duh ahcun, a si, ti ko; a si lo, ti na duh ahcun, a si lo, ti ko; cu ti na tuah lo ahcun Pathian biaceihnak na ing sual lai.

Laibaibal Thiang (BSI)

¹² Asinain cu vialte cungah ka unau hna, chiat i serh hlah u. Vanchalh in maw, leichalh in maw, thil dangdang chalh zongin chiat i serh hlah u. Asi, nan timi cu, asi, siseh law, A silo, nan timi cu, a silo, si seh. Culoahcun thiamlo a comi nan si sual lai.

JEIM 5:12 ပူးပေါင်းရင်းမြစ်များ

1 KORIN 11:34

Cun nan rawl a ṭam ahcun inn ah i ei ta u, cuticun nan i pumh tikah Pathian biaceihnak nan huat lai lo. Cun thil dang tu cu ka rat tikah kan remhchun te lai.

JEIM 1:16

Ka dawtmi ka u le ka nau hna, i palh sual hlah u.

JEIM 1:19

Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

1 PETER 4:8

Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh.

3 JOHAN 1:2

Ka dawtmi ka hawi, ngandam tein khua na sak i zeizong vialte na caah rem tein a um nakhnga thla kan campiak — thlarau leiah siarem in khua na sa ti kha ka hngalh.