JEIM 5:10 - Lai (Hakha) Common Language Bible 2006

¹⁰ Bawipa min in bia a rak chimmi profet hna kha, ka u le ka nau hna, philh hna hlah u. Harnak chung i lungsau in sifahnak a ingmi an si caah i zohchun hna u.

Laibaibal Thiang (BSI)

¹⁰ Ka unau hna, Bawipa min in biachimtu profet hna teminnâk le an lungsauning kha i zohchunh u.

JEIM 5:10 ပူးပေါင်းရင်းမြစ်များ

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

ISAIAH 39:8

Hi bia a sullam cu, keimah chan chungah cun daihnak le himnak a um lai, ti a si tiin Siangpahrang Hezekiah nih cun a ruah caah, “Bawipa sinin a rami bia na ka chimhmi cu bia ṭha a si,” tiah a leh.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 23:22

Ka khuakhannak chungah an rak i tel ve a si ahcun, Ka bia kha ka mi hna sinah thanh hna seh law, Ṭhat lonak lam an zulhmi le thil ṭhalo an tuahnak khan kirter hna seh.

JEREMIAH 26:16

Cun bawi hna le mi vialte nih cun tlangbawi le profet kha an thawh hna i, “Hi mipa hi thah awk a si lo, zeicahtiah kan sinah Bawipa kan Pathian min in bia a chim ko,” tiah an ti.

LUKA 13:34

“Maw Jerusalem, Jerusalem, profet kha na thah hna i Pathian nih na sinah lamkaltu a rak thlahmi kha lung in na rak cheh hna. Arpi nih a fale cu a thla tangah a huh hna bantukin voi zeizat te dik na chung mi cu ka kut in huh kan timh hna i na duh lo.

LUKA 6:23

Cu ni ah cun i lawm u law a lam in lam u, zeicahtiah nan caah vancung ah laksawng nganpi chiahpiak nan si. Cu bantuk te cun pei an pupa hna nih khan profet hna kha an rak tuah hna cu.

LAMKALTU 3:21

Pathian nih a thiangmi a profet hna sinin hlan liopi ah a rak thanh cang bantukin, zei zong vialte a thar in ser caan a phak hlantiang vancung ah cun a um ko lai.

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.

HEBRU 13:7

Pathian bia a rak in chimtu hna nan hruaitu hmasa hna kha philh hna hlah u. Zeitindah an nuncan kha a si i zeitindah an thihning a si kha ruat ṭhan u law an zumhnak kha cawng hna u.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

JEIM 5:13

Nan lakah harnak a tongmi nan um ahcun, thla cam hna seh. A lung aa lawmmi nan um ahcun, thangṭhatnak hla sa hna seh.

JEIM 5:7

Cucaah cun ka u le ka nau hna, Bawipa a rat hlantiang lungsau in um ko u. Lothlopa nih a lo in a sunglawimi rawl a chuah lai kha lungsau in a hngah tawn. Fur tlak lai le faruahthawh rat lai kha lungsau in a ngan.

JEIM 5:9

Harnak nan ton tikah pakhat le pakhat i mawhchiat hlah u. Cu ti nan um ahcun Pathian nih bia an ceih sual hna lai. Biaceihtu cu lamnai te ah a um ko i a rung lut zau ko lai.