JEIM 4:4 - Lai (Hakha) Common Language Bible 2006

⁴ Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

Laibaibal Thiang (BSI)

⁴ Nannih ṭangdang a kaimi nu le ṭangdang a kaimi pa le hna! Vawlei he i hawikomhnâk hi Pathian he ralchanhnâk a si kha nan hngal lo maw? Cucaah vawlei hawikawm si a duhmi pauh cu Pathian ral ah â cang tawn.

JEIM 4:4 ပူးပေါင်းရင်းမြစ်များ

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

SALM 21:8

Siangpahrang nih a ral kha a tlaih dih hna lai i a huatu vialte kha a tlaih dih hna lai.

SALM 50:18

Mifir nan hmuh tikah a hawi ah nan i cang i vacung pa duhmi hna he nan i kom.

SALM 73:27

Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai.

ISAIAH 57:3

Nannih misual mi, mifihnung hna, hika ah hin biaceih awkah ra tuah u. Nannih cu vacung in pa a duhmi hna le hlawhhlangnu hna nakin nan ṭha deuh hlei lo.

JEREMIAH 2:2

“Va kal law Jerusalem vialte nih an theih nakhnga va au tuah, Bawipa bia cu hi bangin a si: Na ngaknut lio i na ka tlaihchannak le Hammi na si lio i na ka dawtnak kha ka hngalh camcin ko, Thetse ram, zeihmanh cinthlak lonak ram ah khan na rak ka zulh lengmang ko.

JEREMIAH 9:2

Thetse ram ah khin riahbuk pakhat ngei ning law ka hei duh hnga dah. Ka mi hna hi ka chuahtak hna hnga i ka kaltak diam hna hnga. An dihlak in va cung pa duh an si, rawi hmangmi aa bumi an si.

EZEKIEL 16:32

A va cungin pa aa duhmi nih cun midang sin cun a man a lak tawn.

HOSEA 3:1

Bawipa nih a ka thawh i, “Bawipa keimah nih Israel mi hna cu pathian dang kha an bia hna nain le siasal pekchanhmi mitsur tlai car changreu thlum kha an duh nain ka dawt ṭhiamṭhiam ko hna bantukin, Va kal law midang nih an duhmi, va cung pa duh nu nu pakhat cu va daw tuah,” tiah a ti.

MATTHAI 12:39

Jesuh nih cun a thawh hna i, “Tu chan mi hi nan va ṭha loin Pathian zei ah nan hei rel lo hringhran dah. Khuaruahharnak pakhat in tuah, nan ka ti. Ka tuah lai lo. Profet Jonah khuaruahharnak dah ti lo kha cu khuaruahharnak zeihmanh kan tuahpiak hna lai lo.

MATTHAI 16:4

Tuchan mi hi mi ṭhalo le Pathian zei i a rel lomi nan si. Khuaruahharnak tuah nan ka fial, sihmanhsehlaw ka tuah lai lo. Khuaruahharnak tuahpiak nan si dingmi cu Jonah khuaruahharnak lawnglawng kha a si lai,” tiah a ti. Cun lo diam in a kaltak hna.

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

LUKA 19:27

Cun an siangpahrang si awkah a ka duh lotu ka ral hna kha cu, hika ah hin ratpi hna u law ka hmaiah that hna u, a ti,’ ” tiah a ti.

JOHAN 15:19

Vawlei ta rak si u law cu, vawlei nih cun amah ta bantukin an dawt ko hna hnga. Sihmanhsehlaw keimah nih hi vawlei chung hin kan thim hna i amah ta nan si ti lo caah an huat hnanak cu a si.

JOHAN 17:14

Kei cu hi vawlei ta ka si lo bantukin annih zong hi vawlei ta an si lo caah na bia kha ka chimh hna i vawlei nih cun a huat hna.

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

ROM 5:10

Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

ROM 8:7

Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

1 KORIN 1:20

Cucaah cu nih cun nan mifim hna cu khuazei ah dah a chiah hna? Nan cathiam hna zong cu tah? Vawlei fimnak in bia al a thiammi hna kha tah? Vawlei fimnak hi cu hruhnak a si ti kha Pathian nih a langhter.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

GALATI 1:10

Hiti ka chim tikah hin minung lungtlinnak kawl ning law cu ko cu ka lo maw? Cucu ka kawlmi a si lo. Pathian lungtlinnak tu kha ka duhmi cu a si. Zapi sinin thangṭhatnak kha hmuh kaa zuammi cu a si maw? Cucu a si ahcun, Khrih sal cu ka si hnga lo.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.