JEIM 4:2 - Lai (Hakha) Common Language Bible 2006

² Thil nan duh, sihmanhsehlaw nan ngei kho ṭung lo, cu tikah mi thah nan ngamh; thil ngeih kha nan duh, sihmanhsehlaw nan hmu kho ṭung lo, cu tikah nan i si i nan i vel. Nan duhmi kha Pathian nan hal lo caah nan hmu lo.

Laibaibal Thiang (BSI)

² Nan duh nain nan ngei lo. Lai nan nawng, nan hngar, nan ngei kho hlei lo. Nan i doh, nan i vel. Asinain nan hal lo caah nan ngei lo.

JEIM 4:2 ပူးပေါင်းရင်းမြစ်များ

1 SIANGPAHRANG 21:6

Cun anih nih, “Jezreel mi Naboth kha, ‘Na mitsur dum kha phaisa in kan cawk ko lai, cun cu ti a si lo le, na duh ahcun a ai ah mitsur dum dang kaan pek lai,’ ka ti i anih nih, ‘Ka mitsur dum cu kan pe lai lo,’ tiah a ka leh caah a si,” tiah a ti.

PHUNGTHLÛKBIA 1:19

Zaang-ennak in miaknak hmuh a duhmi hna lam cu hi bantuk hi a si. Hakkauhnak nih an nunnak kha a hloh tawn.

PHUNGCHIMTU 4:8

Mipa pakhat cu amah lawng tein khua a sa. Fapa a ngei lo, unau zong a ngei lo, sihmanhsehlaw rian a ṭuan zungzal i a hmuhmi chawva kha zeitikhmanh ah kaa za cang ti a ngei kho lo. Aho ca ko ah hen cu ti lawmmam cun a ṭuan i a nuamh hmanh i nuam ngam lote in a um? Mah hihi pakpalawng a si fawn ko, aa nuam lo ngaimi minung a si ko.

ISAIAH 7:12

Ahaz nih cun aa thawh i, “Hmelchunhnak cu ka hal lai lo. Bawipa cu hneksak del zong ka duh lo,” tiah a leh.

HABAKKUK 2:5

Rumnak hi hlen a hmang, mihakkau hi an i porhlaw i dai zirziar in an um kho lo. Thihnak bantuk an si — khim ti an ngei lo. Cucaah cun ram khat hnu ram khat an tuk hna i an tei hna i an mi kha an sinah an pumh hna.

JOHAN 16:24

Atu tiangah cun ka min in zeihmanh nan hal rih lo, hal u law nan hmuh lai, cu ti nan tuah ahcun nan i lawmhnak cu a tling lai,” tiah a ti.

JOHAN 4:10

Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.

JEIM 5:6

A sual lomi kha sual nan phawt hna i nan thah hna i an in doh hna lo.

1JOHAN 3:15

A unau a huami paoh cu lainawng a si i lainawngmi nih cun an chungah zungzal nunnak an ngei lo ti kha nan hngalh.