JEIM 3:6 - Lai (Hakha) Common Language Bible 2006

⁶ Lei cu mei bantuk a si. Thil ṭhalo aa hlumnak kha a si i kan pum chungah hin a dihlak khan ṭhat lonak cu a vahter. Kan nunnak hi a dihlak in mei in a khangh i cu mei cu hell in a thomi mei a si.

Laibaibal Thiang (BSI)

⁶ Lei hi mei a si, sualpalhnâk vawlei pakhat a si. Lei hi kan pumpuluk thûrter kho dingin chiahmi pumnge a si. Kan kokek ziaza hi a kangh i cucu hell mei in khanghmi a si.

JEIM 3:6 ပူးပေါင်းရင်းမြစ်များ

2 SAMUEL 16:20

Cun Absalom nih Ahithophel cu a thawh i, “Na ruahnak chim tuah, zeidah kan tuah lai?” tiah a ti.

2 SAMUEL 19:43

Cun Israel mi nih Judah mi cu an leh hna i, “Siangpahrang chungah hin vo hra pei kan ngeih tiah, cun David chung zongah hin nanmah nakin tam deuh kan ngei. A si kun ahcun, zeicahdah nan kan zawmhtaih? Kan siangpahrang cu tlunpi ṭhan u si tiah a ti hmasa biktu cu kanmah kan si lo maw?” tiah an ti. Sihmanhsehlaw Judah mi hna bia cu Israel mi hna bia nakin a hrang deuh.

2 CHANRELNAK 13:17

Abijah le a mi hna nih khan tampi an thah hna; cucaah Israel mi thim ciammammi sing nga an thi.

SALM 140:3

An lei cu rul lei bantuk a si i an bia cu rawchok sivai bantuk a si. Selah

SALM 64:3

An lei kha nam bantukin an i tat i bia ṭhalo kha thal bantukin an kah.

PHUNGTHLÛKBIA 15:1

Lehnak nem nih thinhunnak a damter, sihmanhsehlaw biahrang nih cun thin a phawh.

PHUNGTHLÛKBIA 16:27

Mizeiruaramlo nih, congoihnak kha a vahpi, a bia cu kanghtu mei bantuk a si.

PHUNGTHLÛKBIA 6:19

Lih a chim lengmangmi tehte le U le nau karlak i rem lonak thlaici a tuhtu.

PHUNGTHLÛKBIA 7:5

Amah nih cun nu zuangzam sin khan an khamh lai i nu ralṭha, a bia a nal ngaimi sin khan an khamh lai.

ISAIAH 30:27

Bawipa lianhngannak le sunparnak cu lamhlatpi in hmuh khawh a si. Mei le meikhu in a thinhunnak kha a lang. Bia a chim i a bia cu mei bantukin a alh.

ISAIAH 50:11

Midang hrawhnak khua a khang lengmangmi hna, nan dihlak in nanmah khuakhanmi lila nih an hrawh hna lai. Cucu Bawipa hrimhrim nih nan cungah a tlunter lai i temhnak cu nan in lai.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 28:16

Cucaah Bawipa nih hi bangin a ti: ‘Zohhmanh, vawleicung in nang cu kan ṭhial lai. Bawipa dohnak kha na chim caah tukum chung hrimhrim ah na thi lai,’ a ti,” tiah a ti.

LEVITIKAS 24:11

Israel minu fapa nih cun Pathian Min cu a vawlhpamh i chiat a serh. Amah cu Moses sinah an ratpi. A nu min cu Shelomith, Dan phun chung mi Dibri fanu a si.

NAMBAR 25:2

Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun.

NAMBAR 31:16

Zohhmanh, hi mi hrimhrim hna hi Balaam fimchimhnak thawng in Peor kongah khan Israel mi cu Bawipa nawl a buartertu an si, cu caah rai kha Bawipa mibu cungah khan a tlung.

MATTHAI 12:24

Sihmanhsehlaw cu bia cu Farasi mi nih an theih tikah, annih tu nih cun, “Hi pa nih khuachia a ṭhawl khawh hna cu an bawipa Beelzebul nih a bawmh caah a si,” an ti.

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

MARKA 7:15

Mi cu lenglei in chunglei ah a lutmi thil nih a thurter lo. A chungin a chuakmi thil tu nih a thurter.

LUKA 16:24

Cucaah a hun kawh i, “Ka pa Abraham, ka zaangfah tuah. Lazaruh kha hei thlah law a kutdong kha ti ah va hnim seh law ka lei ah hin run ka thlerh seh, zeicahtiah hi mei chungah hin ka ngan a fak tuk hringhran,” tiah a ti.

LAMKALTU 20:30

Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.

LAMKALTU 5:3

Peter nih anih cu a rak thawh i, “Ananias, zeicahdah Satan cu na lung kha na ukter i na lo man ah na hmuhmi tangka a cheu kha naa chiah i Thiang Thlarau sinah lih na chim?

LAMKALTU 6:13

Cun amah kong i lih a ṭawntu dingah mi kha an luhpi hna. Cu hna nih cun an i thawh i, “Hi pa nih hin a thiangmi kan biakinn le Moses phung kha a thangchiat zungzal hna.

DEUTERONOMI 13:6

“Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,

TITAS 1:11

Kha hna pawl kha kham an hau, zeicahtiah an chim awk a si lomi thil an chimmi nih khan innchungkhar hna an dihlak in a tuaiter hna i cu zong cu ningzah awk tlak a simi thil, tangka hmuh duh men caah khan a si.

JEIM 2:7

Pathian nih an pekmi hna min ṭha a thangchiattu kha anmah cu an si.

JEIM 3:7

Minung nih thilnung dang vialte hi hrem khawh lomi an ngei lo — ramlak saram si hna seh, va si hna seh, a lawn in a lawnmi si hna seh, nga si hna seh, an hrem khawh dih hna.

2 PETER 3:3

A hmasa bik ah nan hngalh awk i ka duhmi cu, caan donghnak caan ah cun, an pumsa duhnak nih a ukmi hna kha an hung chuak lai. Nannih cu an in nihsawh hna lai i

3 JOHAN 1:10

Ka rat tikah a tuahmi vialte kha ka phuan dih lai; kan konglam i thil ṭhalo tampi a chimmi le lih a chimmi tehna vialte kha. Cun cu lawng cu aa za rih lo, kan unau pawl kha an rat tikah a rak dawnh hna i kan tlung hna seh tiah a titu hna kha i tlunter hna hlah u, tiah a thlauh hna i Khrihfabu chung khan chuah a timh hna.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 18:23

A chungah meiinn ceu a um ti lai lo; nupi ṭhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a ṭhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.