JEIM 3:14 - Lai (Hakha) Common Language Bible 2006

¹⁴ Sihmanhsehlaw nan lung chungin mi nahchuahnak nan ngeih i mi cungah nan thin a hun peng i mah zawn lawng aa ruatmi nan si ahcun, mifim kan si tiin i porhlaw hlah u law, biatak dohnak ah lih kha chim lengmang hlah u.

Laibaibal Thiang (BSI)

¹⁴ Asinain nan thinlungin a khâ mi hnachuahnâk le mah zawn lawng ruahnâk nan ngeih ahcun biatak cu ruamkai hnawh hlah ulaw, lih in ralchanh fawn hlah u.

JEIM 3:14 ပူးပေါင်းရင်းမြစ်များ

GENESIS 37:11

Josef cu a unau pawl nih khan cun an nahchuah ngaingai, sihmanhsehlaw a pa nih cun thil vialte kha a lung chungin a ruah lengmang.

GENESIS 38:9

Asinain Onan nih khan fa kan hrinmi cu keimah ta an si lai lo ti kha a hngalh i cucaah cun a u nupi ro cu a ihpi fate a ci kha a pingah a chuahter i cucaah a u caah khan tefa a um kho lo.

2 SIANGPAHRANG 10:16

Cun anih nih, “Ka sinah ra law, Bawipa ca i ka ṭanning hi ra zoh tuah,” tiah a ti. Cucaah a rangleng ah khan a citter.

2 SIANGPAHRANG 10:31

Sihmanhsehlaw Jehu cu Bawipa, Israel Pathian nawlbia kha a lungthin a dihumnak in zulh awkah aa ralring lo; Jeroboam nih Israel mi a sualternak hna a sualnak kha a pialtak hna lo.

JOB 5:2

Asi taktak ko, thinhunnak nih mihrut kha a thah hna i Nahchuahnak nih lungthin tlawmmi kha a nawn hna.

PHUNGTHLÛKBIA 14:30

Lung daihnak nih pum kha a ngan a damter, sihmanhsehlaw nahchuahnak cu khensar zawtnak bantuk a si.

PHUNGTHLÛKBIA 27:4

Thinhunnak hi a puar i thinlinhnak hi a hrang ko, sihmanhsehlaw nahchuahnak he cun tahchunh awk tlak hmanh an si lo.

ISAIAH 11:13

Israel ram nih khan Judah ram kha a nahchuah ti lai lo i Judah zong cu Israel ral a si ti lai lo.

HABAKKUK 1:3

Zeicahdah ṭhat lonak hi vialte hi na ka hmuhter i mi nih fahnak an inmi cu na zoh sawhsawh men ko? Rawhralnak le zaang-ennak nih an ka chuahhnawh, Remlonak kha a chuak i siknak kha a tam.

MATTHAI 27:18

Pilat nih khan Jesuh ka kut chung i an ka pek hi an nahchuah caah a si ti kha fiang tein a hngalh.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

LAMKALTU 13:45

Judah mi nih mizapi kha an hmuh hna tikah nahchuahnak in an khat; Paul nih a chimmi kha an al i amah kha an nihsawh.

LAMKALTU 26:9

“Nazareth khuami Jesuh min dohnak caah hin ka tuah khawh chungin ka tuah lai tiah keimah hrimhrim nih hin ka rak ruah i

LAMKALTU 5:17

Cun Tlangbawi Ngan le a hawile hna, cuka hmun i a ummi Sadusi pawl chungmi a simi hna nih khan lamkaltu pawl cu an nahchuah ngaingai hna i cucaah an cungah rian kan ṭuan cang lai, tiah an ti.

LAMKALTU 7:9

“Kan pupa hna nih cun Josef kha an nahchuah i Izipt ram i sal vung si awkah an zuarh. Sihmanhsehlaw Pathian nih a umpi i

ROM 1:29

Annih cu ṭhat lonak a phunphun le duhfahnak le puarnak le nahchuahnak in an khat i an lungthin cu lainawnnak le i dohnak le i hlennak le ziarngeihnak in a liam in a liam. Pakhat le pakhat an i congoih,

ROM 13:13

Chun ceu i a ummi bantukin nuncan dawh in nung u sih, aukhuang cercur in um hlah u sih, rihai in um hlah u sih, nu le pa sualnak tuah hlah u sih, zah hngal loin um hlah u sih, i si hlah u sih, i nahchuah hlah u sih.

ROM 2:17

A si ah nannih Judah mi tah? Judah mi nan i ti; Nawlbia kha nan i bochan i nan Pathian kha nan i uang;

ROM 2:8

Cun mi a cheu cu anmah zawn lawng kha an i ruat i ahmaanmi kha an duh lo i ahmaan lomi tu kha an zulh; cu hna cu Pathian nih a thinhunnak le a thinlinhnak kha a toih hna lai.

1 KORIN 13:4

Dawtnak cu thlachiat a ruat i mi cungah zaangfahnak a ngei. Dawtnak cu a nah a chuak lo, a lung a puam lo i aa porhlaw lo.

1 KORIN 3:3

hi vawleicung mi bantukin pei nan um ko rih cu. Pakhat le pakhat nan i nahchuah i pakhat le pakhat nan i sik tikah hin nannih cu hi vawleimi nan si le hi vawlei ning in nan nunning a si kha a lang ko lo maw?

1 KORIN 5:2

Zeitindah nan i porhlawt khawh ṭheo rih ee? Ngaihchiatnak in nan khah awk tu a si nain; cu bantuk thil a tuahmi cu nan bu chungin nan chuah awk a si.

1 KORIN 5:6

Nan i porhlawt hi ahmaan lo. Phungthluk ah, “Thilnu tlawmte nih chang nawnmi cu a ning piin a thawhter,” timi bia cu nan hngalh.

2 KORIN 12:20

Nan sin ka phak tikah, si hna seh ti kan duhmi hna kha rak si loin kan hmuh sual hna lai ti kha ka phang i, si seh ti nan ka duhmi kha ka si lo sual lai ti zong kha ka phang ve. Pakhat le pakhat i si le i nahchuah le thintawi le mah zawn lawng ruat le i thangchiat i congoih le i porhlaw le ningcanglo khuasa in kan hmuh sual hna lai ti kha ka phang.

GALATI 5:15

Asinain saram bantukin nan um i pakhat le pakhat nan i seh nan i kaoh ahcun, i ralring tuah u, nan i ralrin lo ahcun pakhat le pakhat nan i hlo dih ko lai.

GALATI 5:20

siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,

GALATI 5:21

ziar an i ngeih, zu an ri, an au an khuang i cu bantuk thil a dang tampi kha an tuah lengmang hna. Hmasa ah ralrin bia ka rak in chimh cang hna bantuk khan atu ah kan chimh ṭhan hna: cu bantuk thil a tuahmi cu Pathian Pennak an hmu lai lo.

GALATI 5:26

Kan ruam a kai awk a si lo, Pakhat le pakhat kan thin kan i hunter awk a si lo, pakhat le pakhat kan i nahchuah awk a si lo.

GALATI 6:13

Cuarpar tannak phung a zulmi hna hmanh nih Nawlbia cu an zulh ve hlei ṭung lo; an cuarpar i tan hna seh ti an in duh hna cu, pumsa phung kan chimhmi hna hi an zul tiin i thangṭhat an duh caah pei a si ko cu.

FILIPI 1:15

A cheu cu nahchuahnak an ngeih ca le mi he i al duhnak lungthin an ngeih ruangah Thawngṭha bia a chimmi an si taktak, sihmanhsehlaw a cheu cu lungthin ṭha te he a chimmi an si.

FILIPI 2:3

Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.

1TIMOTE 6:4

porhlawtnak in a khat i zeihmanh a hngal ṭung lomi an si. Biafang tete i al duhnak lungthin, a ngan a dam lomi duhnak a ngeimi kha an si i cu nih cun nahchuahnak, lung i khah lonak, pakhat le pakhat i nihsawhnak, pakhat le pakhat i lunghrinhnak

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

JEIM 3:16

Nahchuahnak le mah zawn lawng ruahnak a umnak paoh ah i rem lonak le ṭhat lonak a phunphun kha a um zungzal.

JEIM 5:19

Ka u le na nau hna, pakhatkhat biatak in nan tlau sual i a dang pakhatkhat nih nan kirpi ṭhan tikah,