JEIM 2:6 - Lai (Hakha) Common Language Bible 2006

⁶ Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?

Laibaibal Thiang (BSI)

⁶ Asinain nannih nih mi sifak kha nan mualphoh hna. Mirum hna kha nanmah lamhchihtu le biaceihnâk hmun ah an hnuk tawntu an si lo maw?

JEIM 2:6 ပူးပေါင်းရင်းမြစ်များ

JOB 20:19

Zeicahtiah sifakmi kha a rial hna i a hrem hna, Amah nih a sak lomi inn kha a chuh hna.

SALM 10:10

Vanchiapa cu a ril ko, miṭhawngpa nih a thah.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

SALM 10:2

Miṭhalo cu an ruam a kai i misifak kha an hrem hna; anmah nih an chiahmi rap ah khan i foih hna seh.

SALM 10:8

Khuate ah khan aa thup riangmang i a sual lomi kha a nawn hna. Thah a duhmi kha aa ngiat hna i;

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

SALM 14:6

Miṭhalo hna nih sifakmi an khuakhannak cu dawnkhan hna hmanh seh law a humhaktu hna cu Bawipa a si ko.

PHUNGTHLÛKBIA 14:31

Misifak kha nan serhsat hna ahcun anmah a Sertu Pathian nan serhsat kha a si, nan zaangfah hna ahcun cucu Pathian biak a si.

PHUNGTHLÛKBIA 17:5

Misifak nihsawh cu a Sertu nehsawh kha a si, Mi nih van chiat an ton tikah a di a riammi cu dantat loin a luat lai lo.

PHUNGTHLÛKBIA 18:23

Misifak nih cun bia an chim ah a nawl tein an nawl tawn hna, sihmanhsehlaw mirum nih cun an leh hna tikah a hrilh in an hrilh.

PHUNGTHLÛKBIA 22:16

Sifak mi hrem cu miaknak a si sawk ko lai, sihmanhsehlaw mirum sin, i ser cu sifahnak a si.

PHUNGTHLÛKBIA 22:7

Mirum nih misifak kha an uk hna, cawitu cu coihtu sal a si.

PHUNGCHIMTU 5:8

Acozah pakhatkhat nih misifak kha an hrem hna i dinnak le an hmuh awk a simi kha an pe hna lo, ti na hmuh tikah na khuaruahhar hlah; bawi paohpaoh cu an cung i a ummi bawi cio nih khan an huhphenh hna i cu hna zong cu anmah nakin a sang chin deuhmi bawi nih khan an huhphenh chin ve hna.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

HABAKKUK 3:14

Na hriamnam in a lu cu na hliam i amah a zultu hna cu a sin khan thlichia nih a choih hna. Sifakmi hna cu an i thuhnak hmun ah khan ei awkah annih nih an kaa an i aan.

ZEKHARIAH 7:10

ngakṭah le nuhmei, ramdangmi le sifakmi kha serhsat hna hlah u, pakhat le pakhat nan cungah ṭhat lonak kha i tlunter hlah u,” a ti.

JOHAN 8:49

Jesuh nih cun, “Khuachia ka ngei lo. Kei nih ka Pa kha ka upat, sihmanhsehlaw nannih nih kei kha nan ka zawmhtaih.

LAMKALTU 13:50

Sihmanhsehlaw Judah mi hna nih khan, cu khua chung i hruaitu deuhdeuh a simi hna le Pathian a biaminu, upat hmaizah awk deuh a simi kha an forh hna i Paul le Barnabas cu hrem hram an thawk hna; cun cuka ram cun an dawi hna.

LAMKALTU 17:6

Sihmanhsehlaw annih kha an va hmuh hna lo tikah Jason le unau pawl a cheukhat kha khua uktu bawi hna sinah an hnuh hna i, “Khua kip ah hnahnawhnak a chuahtertu hna kha atu cu kan khua zong an ra phan ve cang i

LAMKALTU 18:12

Sihmanhsehlaw Gallio cu Rom cozah nih Grik ram uktu bawi ah an ser tikah Judah mi kha an i pum i Paul kha an tlaih i biaceihnak zung ah an chuahpi.

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

1 KORIN 11:22

Einak ding le dinnak ding caah mahle inn nan ngei cio lo maw? Asiloah, cuti nan um cu Pathian khrihfabu kha nautat nan duh ca le a herh a baumi nan unau pawl kha ningzahter nan duh hna caah a si maw? Hi kong ah hin zeitindah bia a chim lai tiah nan ka ruah? Hi kongah hin kan thangṭhat kho hna hnga maw? Thangṭhat kho hlah.

JEIM 2:3

Hnipuan ṭha he a ramipa cu upatnak nan pek i, “Hika ṭhutnak ṭha bik ah hin ṭhu tuah,” nan ti i misifakpa tu cu, “A dir in dir ko, asilole ṭuang ah hin kan ke hramah hin ṭhu,” nan ti ahcun,

JEIM 5:4

Nan lo chung i rian a ṭuanmi, an nihlawh nan pek hna lomi an aunak thawng kha a thang i nan rawlṭuantu hna an aunak thawng kha Pathian Lianngan Bik Bawi i a hna chung a phan cang.

JEIM 5:6

A sual lomi kha sual nan phawt hna i nan thah hna i an in doh hna lo.