JEIM 2:25 - Lai (Hakha) Common Language Bible 2006

²⁵ Hlawhhlangnu Rahab zong kha, cu bantuk ṭhiamṭhiam cun a si. Pathian he i remnak a hmuhnak cu a tuahnak thawngin a si; Judah mi mingiatu pawl kha a rak luhter hna i lam dang in a chuahter hna.

Laibaibal Thiang (BSI)

²⁵ Cubantuk ṭhiamṭhiam in Rabab hlawhhlang nu zong nih khan ngiathlaitu kha a rak cohlan hna i lamdang i a tlunter hna ah khan, tuahsernâk in thiam a co a si lo maw?

JEIM 2:25 ပူးပေါင်းရင်းမြစ်များ

MATTHAI 1:5

Salmon cu Boaz pa a si (a nu cu Rahab a si); Boaz cu Obed pa a si (a nu cu Ruth a si); Obed cu Jesse pa a si,

MATTHAI 21:31

A si ahcun, cu hna pahnih lakah khan aho nih dah an pa duhnak kha a tuah?” tiah a hal hna. Annih nih, “Upa u nih khan,” tiah an leh. Jesuh nih cun a thawh hna i, “Hihi kan chimh hna: Ngunkhuai khawltu hna le hlawhhlangnu hna nih Pathian Pennak chungah an in luhkanh cang hna lai hih.

LAMKALTU 17:7

Jason nih hin a inn ah a tlunter hna. Siangpahrang dang a min Jesuh a simi a um an tinak thawng hin Sizar Siangpahrang nawl a buarmi an dihlak hin an si,” tiah an au.

HEBRU 11:31

Pathian nawl a ngai lomi hna sinah khan hlawhhlangnu Rahab cu a thi lo, kha a luattertu kha zumhnak a si i cucu mingiatu pawl a rak thuhphenh hna caah khan a si.

JEIM 2:18

Sihmanhsehlaw a cheu nih nan i thawh hnga i, “Pakhat nih zumhnak a ngeih, a dang pakhat nih tuahnak a ngeih,” nan ti hnga. Cu tikah kan lehnak hna cu, “Zeitindah tuahnak um loin mi nih zumhnak a ngeih khawhning a si ka hmuhsak tuah. Kei nih cun ka zumhnak cu ka tuahnak in kan hmuhsak hna lai,” ti hi a si hnga.

JEIM 2:22

Nan hngal kho lo maw? A zumhnak le a tuahnak cu hmunkhat ah pei rian an ṭuan kha; a zumhnak cu a tuahnak thawngin pei a tlin kha.

JEIM 2:24

Cucaah minung cu an zumhnak thawng lawnglawng khan si loin, an tuahmi thawng khan Pathian he i remnak an hmu ti cu nan hngalh.

JOSHUA 2:1

Cun Nun fapa Joshua nih Shittim in a thli tein mi pahnih ram ngiatu ah a thlah hna i, “Va kal u law ram kha va cuan tuah u, Jeriko ko kha,” tiah a ti. Cun an kal i Rahab a min a simi hlawhhlangnu inn ah an lut i khika ah an tlung.

JOSHUA 2:15

Cun thlalangawng in hri in a vun thlak hna, zeitintiah a inn cu khua kulhnak ralhau chungah sak chih a si caah amah cu ralhau chungah khan a um.

JOSHUA 2:16

Cun anih nih, “An dawitu hna nih an in ton sualnak hna hnga lo, tlang ah hung kai u; cun an dawitu hna an kir hlantiang, ni thum in cuka ah cun hung i thup u; cu hnuah cun va lan te ko u,” tiah a ti hna.

JOSHUA 2:4

Sihmanhsehlaw minu nih cun mipa pahnih hna cu a rak lak hna i a rak thuh hna i, “Biatak a si, ka sinah mi cu an ra ko, sihmanhsehlaw khuazei in an rat cu ka hngal lo;

JOSHUA 2:6

Sihmanhsehlaw inncung ah a kaipi hna i a tianmi khumkung lakah khan a thuh hna.

JOSHUA 6:17

“Cun khua cu le a chung i a ummi thil vialte cu hrawh awkah Bawipa sinah pekchanh an si lai; kannih nih kan thlahmi lamkaltu hna kha a rak thuh hna caah Rahab le amah he a inn chungah a ummi vialte cu an nung lai.