JEIM 2:2 - Lai (Hakha) Common Language Bible 2006

² Tahchunhnak ah, mirumpa pakhat cu sui kutdong hrolh le hnipuan ṭhaṭha in nan i pumhnak ah a ra, cun misifak pakhat cu hnipuan ṭet fiapfuap he a ra ve.

Laibaibal Thiang (BSI)

² Nan i pumhnâk inn ah sui zunghruk hrukmi, thil man sungin â thuammi ra in, culioah mi sifak hnipuan chia â aihmi ra ve sehlaw,

JEIM 2:2 ပူးပေါင်းရင်းမြစ်များ

GENESIS 27:15

Cun Rebekah nih Esau thil ṭha bikbik, an inn chung i a chiahmi kha, a lak hna i Jakob kha a aihter hna.

ESTHER 3:10

Cucaah cun siangpahrang nih a kutdong cung i min khenhnak kutdong hrolh kha a lak i Hammedatha fapa Agag mi Haman, Judah mi hna ralpa kha a pek.

ESTHER 8:2

cun siangpahrang nih cun Haman a pekmi a min khenhnak kutdonghrolh kha aa phoih i Mordekai kha a pek. Cun Esther nih Mordekai cu Haman inn zohkhenhtu ah khan a chiah.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

LUKA 15:22

Sihmanhsehlaw a pa nih khan a sinum kha a auh hna i, ‘Khulrang in puan ṭha bik kha rak pu u law aih u. A kutdong ah kutdonghrolh hrolh u law a ke ah kedan danh u.

LUKA 23:11

Herod le a ralkap hna nih khan Jesuh cu capo ah an saih i zeirello ngaiin an ti. Puan ṭha ngaingai an aihter i Pilat sinah khan an kuat ṭhan.

JEIM 2:3

Hnipuan ṭha he a ramipa cu upatnak nan pek i, “Hika ṭhutnak ṭha bik ah hin ṭhu tuah,” nan ti i misifakpa tu cu, “A dir in dir ko, asilole ṭuang ah hin kan ke hramah hin ṭhu,” nan ti ahcun,