JEIM 2:19 - Lai (Hakha) Common Language Bible 2006

¹⁹ Pathian cu pakhat lawng a si ti nan zumh. A ṭha ko. Khuachia zong nih cucu an zumh ve ko — an zumh ve ko i an ṭih caah a ther in an ther.

Laibaibal Thiang (BSI)

¹⁹ Pathian pakhat a um tiah na zumh maw. A ṭha, khuachia zong nih an zumh i an ther tawn dah kaw!

JEIM 2:19 ပူးပေါင်းရင်းမြစ်များ

ISAIAH 43:10

“Israel mi hna, ka tehte cu nanmah hi nan si, tiah Bawipa nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

ISAIAH 45:6

Vawleicung mi vialte nih, nichuahlei in nitlaklei tiang, keimah cu Bawipa ka si i Pathian dang an um lo kha an hngalh nakhnga, hi bantukin ka tuah cu a si.

ISAIAH 46:9

Hlanpi ah a rak ummi thil kha philh hlah u; keimah lawnglawng Pathian ka si le keimah bantuk a dang pathian ahohmanh an um lo kha hngal peng u.

JONAH 4:4

Cun Bawipa nih cun a leh i, “Cu ti tluk i thinhun awk cu na si hnga maw?” tiah a ti.

JONAH 4:9

Sihmanhsehlaw Pathian nih a thawh i, “Umruang kong ah khan cu ti lawmmam cun maw na thin a hun ko?” tiah a ti. Cun anih nih, “Ka thin a hun tuk ah pei ka thih deng leh hi,” tiah a leh.

ZEKHARIAH 14:9

Cun Bawipa cu vawlei cung vialte siangpahrang a si lai; khi ni ah cun Bawipa lawnglawng cu Bawipa a si lai i a min lawnglawng cu min a si lai.

MATTHAI 8:29

Hmakhatte ah khin an ai i, “Pathian Fapa, zeidah na kan duhnak a um? A caan a tlin hlanah kannih dantat awkah na ra maw?” tiah an ti.

MARKA 1:24

“Nazareth khuami Jesuh, zeidah na kan duhnak a um? Kanmah hrawh duh ah maw na rat? Nangmah cu Pathian lamkaltu a thiangmi na si kha kan hngalh ko ṭung!” tiah a ti.

MARKA 12:29

Jesuh nih a leh i, “ ‘Israel mi hna ngai tuah u; Bawipa kan Pathian lawnglawng hi Bawipa a si.

MARKA 5:7

fak piin a au i, “Cung Nung Bik Pathian Fapa Jesuh, zeidah na ka duhnak a um? Zei kan ti hnga, dan cu ka tat sawh hlah,” tiah a ti.

MARKA 7:9

Cun Jesuh nih cun a thawh ṭhan hna i, “Nanmah cawnpiaknak tu kha fehter i Pathian nawlbia hlawt kha cu nan thiam ngai ko.

LUKA 4:34

“Nazareth khuami Jesuh, zeidah na kan duhnak a si? Kanmah hrawh awkah maw hika ah hin na rat? Nangmah cu aho na si kha kan hngalh ko — Pathian lamkaltu a thiangmi na si ko,” tiah a ti.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

LAMKALTU 16:17

Amah nih cun Paul le kannih kha a kan zulh i, “Hi hna hi Cung Nung Bik Pathian sal an si i anmah nih hin zeitindah khamh nan si khawh lainak kha an in thanh hna,” tiah a au.

LAMKALTU 19:15

Sihmanhsehlaw khuachia nih cun a thawh hna i, “Jesuh cu ka hngalh i Paul zong cu ka hngalh, sihmanhsehlaw nannih cu ahodah nan si?” tiah a ti hna.

LAMKALTU 24:25

Sihmanhsehlaw Paul nih ṭhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh ṭhan te lai,” tiah a ti.

ROM 3:30

Pathian cu pakhat pei a si cu, Judah mi cu an zumhnak thawngin amah he cun a remter hna lai i Jentail mi zong cu an zumhnak thawng in a si ṭhiamṭhiam ve ko lai.

1 KORIN 8:4

Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.

1 KORIN 8:6

sihmanhsehlaw kannih caah cun Pathian cu pakhat lawnglawng a um i amah cu kan Pa, zeizong vialte Sertu kha a si i kannih hi amah ca i a nungmi kan si; cun Bawipa cu pakhat lawnglawng a um i cucu Jesuh Khrih kha a si i amah thawng cun zeizong vialte kha ser an si i amah thawng cun kannih zong hi kan nung.

GALATI 3:20

Asinain mi cu pakhat lawng a si ahcun, karlak lamkaltu a herh lo, Pathian cu pakhat lawng a si.

DEUTERONOMI 6:4

“Thei hmanh, maw Israel: Bawipa hi kan Pathian a si, Bawipa lawnglawng hi;

1TIMOTE 2:5

Pathian cu pakhat lawng a si i Pathian le minung kar ah remnak sertu cu minung Khrih Jesuh lawng a si,

JEIM 2:8

Cathiang chungah a ummi Pennak nawlbia kha nan zulh ahcun ahmaanmi thil nan tuah a si. Cu nawlbia cu, “Na innpa kha nangmah naa dawt bantukin na dawt lai,” ti a si.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

JUDAS 1:6

Cun Pathian nih, hi vial hi nan nawl ngeihmi a si lai, tiah a ti i cu chung i a um duh lomi vancungmi hna kong kha philh hlah u. Vawlei tang muihnak ah khin thir cikcin in zungzal an hren hna i sualphawt an si lai ni, ni lianngan a phak tiang cuka ah cun Pathian nih a chiah hna lai.

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.