JEIM 2:13 - Lai (Hakha) Common Language Bible 2006

¹³ Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

Laibaibal Thiang (BSI)

¹³ Zeitintiah mi cungah zângfahnâk ngei lomi cu zângfahnâk tel loin biaceih an si lai. Biaceihnâk cu zângfahnâk nih a tei.

JEIM 2:13 ပူးပေါင်းရင်းမြစ်များ

GENESIS 42:21

Pakhat le pakhat kha, “Kan nau cung i ṭhat lonak kan rak tuah kha kan rak palh taktak; ka bawm ko sawh u tiah a rak kan nawl i a harnak kan hmu ko na i a bia kan rak theih duh lo kha! Kha ruangah khan atu harnak kan phak hi a si,” tiah an i ceih.

2 CHANRELNAK 28:11

Cucaah ka bia ngai u, Bawipa thinhunnak ṭihnung cu nan cungah a um caah, nan rualchan hna chungin nan tlaihmi sal hna cu kua ṭhan hna u,” tiah a ti.

SALM 18:25

Bawipa, nang cu zumhawktlak a simi sinah zumhawktlak in na um ve i a ṭhami sinah na ṭha ve.

SALM 85:10

Dawtnak le zumhawktlak sinak cu an ra ṭi lai; dinnak le daihnak cu an i tong lai.

PHUNGTHLÛKBIA 21:13

Misifak hna an au tikah a hna aa chehmi cu, amah a au ve tikah ahohmanh nih an theihpiak ve lai lo.

PHUNGTHLÛKBIA 22:16

Sifak mi hrem cu miaknak a si sawk ko lai, sihmanhsehlaw mirum sin, i ser cu sifahnak a si.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

JEREMIAH 9:24

sihmanhsehlaw ahohmanh nih porhlawt a duh a si ahcun hi tu hi i porhlaw deuh seh: Keimah theih le hngalh hi. Zeicahtiah keimah cu Bawipa ka si i a dong lomi dawtnak kha ka pek hna i vawlei cungah hin biading le dinnak kha ka tuah; hi thil hna hi ka lunglawmhnak an si,” tiah Bawipa nih a ti.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

MATTHAI 5:7

Midang cungah zaangfahnak a ngeimi cu lunglawmmi nan va si dah! Pathian nih an zaangfah hna lai.

MATTHAI 6:15

Sihmanhsehlaw mi ṭhat lonak kha nan ngaihthiam hna lo ahcun vancung i a ummi nan Pa zong nih ṭhat lonak nan tuahmi kha an ngaithiam ve hna lai lo.

LUKA 16:25

Sihmanhsehlaw Abraham nih a thawh i, “Ka fapa, na nun lioah khan thil ṭha phun kip kha pek na si i Lazaruh nih khan thil ṭhalo vialte a co kha philh hlah ngat; sihmanhsehlaw atu cu anih cu nuam tein a um i nang cu nganfak ngaiin na um.

LUKA 6:37

“Midang kha va soi hna hlah u law nannih zong Pathian nih an soi ve hna lai lo; midang kha sual va phaw hna hlah u law nannih zong Pathian nih sual an phaw ve hna lai lo; midang kha an sualnak va ngaithiam hna u law nannih zong Pathian nih nan sualnak an ngaihthiam ve hna lai.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

JEIM 5:4

Nan lo chung i rian a ṭuanmi, an nihlawh nan pek hna lomi an aunak thawng kha a thang i nan rawlṭuantu hna an aunak thawng kha Pathian Lianngan Bik Bawi i a hna chung a phan cang.

BIACEIHTU 1:7

Cun Adonibezek nih cun, “An siapi hna le an kepi hna tan a simi siangpahrang sawm sarih nih ka cabuai toiah rawl ṭiltlawt an char tawn; ka rak tuah bangin Pathian nih a ka rulh ve cang,” tiah a ti. Jerusalem ah an ratpi i khika ah a thi.

BIACEIHTU 5:27

A kehram ah a bawk rup ko, a tlu cang, Cawl loin a ril ko; A ke hramah a bawk rup ko, a tlu cang, A bawh rupnak ah, khika ah a thi diam ko.