JEIM 1:26 - Lai (Hakha) Common Language Bible 2006

²⁶ Mi pakhatkhat nih, kei cu biaknak leiah aa zuammi ka si, tiah aa ruat ko lai, sihmanhsehlaw a lei kha a uk khawh lo ahcun a biaknak cu pakpalawng a si i amah le amah aa hlengmi a si.

Laibaibal Thiang (BSI)

²⁶ Mizei pauh biaknâk minungah â ruat nain a lei ṭha tein a kilveng lomi cu, amah le amah â hlengmi a si, cubantuk biaknâk cu zeihmanh a si lo.

JEIM 1:26 ပူးပေါင်းရင်းမြစ်များ

JOB 15:13

Zei nih dah na thinhunnak kha Pathian cungah an chuahnawhter i Cu bantuk bia hna cu na kaa in na chuahter len hna?

JOB 30:11

Pathian nih ka liza cu a dorh i a ka ṭhumh caah, Ka hmai i an i sum tawnnak kha an hlonh cang.

SALM 141:3

Bawipa, ka kaa ah hin ralvengtu ka chiahpiak law ka hmur ah hin cawngtu ka chiahpiak ko.

SALM 32:9

Na duhnak zulhter awkah chak le kaahlawmh a haumi rang le laa bantukin hrut hlah,” a ka ti.

SALM 34:13

Nan duh ahcun, bia ṭhalo chim kha i sum u, lih kha chim hlah u.

PHUNGTHLÛKBIA 10:19

Bia tam deuh na chim paoh ah tam deuh in na sual ve sual ko lai, cucaah na fim ahcun bia naa sum lai.

PHUNGTHLÛKBIA 10:31

Miding kaa nih cun fimnak kha a chim, sihmanhsehlaw lei ṭhalo cu tan a si lai.

PHUNGTHLÛKBIA 14:12

Lam dik tiah na ruahmi kha thihnak lei kalnak lam a si kho ko.

PHUNGTHLÛKBIA 15:2

Mifimpa lei nih hngalhnak kha a karhter, sihmanhsehlaw mihrut nih cun pakpalawng bia kha a chim.

PHUNGTHLÛKBIA 16:10

Pathian chimhmi biakhiahnak cu siangpahrang hmur ah cun a um, biaceih tikah a kaa nih sualnak a tuah lo.

PHUNGTHLÛKBIA 16:25

Na ruahnak i lam ding a si na timi kha thihnak lei kalpitu lam a si ko hnga.

PHUNGTHLÛKBIA 19:1

Lungthin a ṭhami misifak cu hrokhrawl in bia a chimmi mirum nakin a ṭha deuh.

PHUNGTHLÛKBIA 21:26

Chun nitlak in a ruahmi cu zei khi dah hei ngei ning law ti lawng khi a si ko. Sihmanhsehlaw miding nih cun mi kha a pek hna i sianh loin a um hna lo.

ISAIAH 1:13

Man ngei lo nan ka pekchanhmi thil hi ka duh ti hna lo. Nan ka pekchanhmi zihmui rim hi ka luak a chuak. Nan Thla Thar Puai te hna, nan Sabbath te hna, nan biaknak pumhnak tehna hi a in in ka ing kho ti lo; nan sualnak nih a thutter dih cang hna.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

MALAKHI 3:14

“Pathian biak hi zeihmanh ah a ṭhahnem lo, tuah u a kan timi tuah i zuam le kan tuahmi ruangah kan ngaih a chia tiin ralkapbu Bawipa sin i langhter hi zei ṭhathnemnak dah a um?” nan ti.

MATTHAI 15:9

Annih nih mi serchom nawlbia kha Pathian nawlbia bantukin an cawnpiak hna caah An ka biaknak hi zeihmanh a ṭhahnem lo,’ tiah Pathian nih a ti, tiah a rak chim,” tiah a ti.

MARKA 7:7

Annih nih minung serchommi nawlbia kha Pathian nawlbia taktak bantukin mi an cawnpiak hna caah An ka biak hi an caah zeihmanh a ṭhahnem lo,’ a ti.

LUKA 8:18

“Cucaah nan ngaihning kha i ralring u; zeicahtiah a ngeimi kha chap chin an si lai i a ngei lomi kha ka ngeih tiah an i ruahmi thil tlawmte hmanh kha lakpiak an si lai,” tiah a ti.

1 KORIN 15:15

Cuhleiah Pathian cu lih kan chimter a si hnga, zeicahtiah Pathian nih Khrih cu thihnak in a thawhter kan ti ṭung i mithi cu thihnak in an thawh ṭung lo ahcun, Khrih cu Pathian nih thihnak in a thawhter lo a si hnga.

1 KORIN 15:2

Thawngṭha cu kan chimh hna ning khan fek tein nan i tlaih ko lo maw? Nan i tlaih lo ahcun nan lungthlennak cu pakpalawng a si ko hnga.

1 KORIN 3:18

Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, — ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si — mifim ngaingai a si khawh nakhnga mihrut ah i cang seh.

GALATI 2:6

Hruaitu pawl nih khan zeihmanh ruahnak thar an kan pek khawhmi a um lo — hruaitu pawl ka ti hna hi hruaitu an sinak nih hin zeihmanh ka caah dannak a umter hlei lo caah a si; Pathian nih cun lenglei thil zoh in bia a thlek lo.

GALATI 2:9

Hruaitu pawl Jeim, Peter le Johan nih khan Pathian nih hi rian a ka pek kha an hngalh i cucaah Barnabas le keimah kha kan kut an kan tlaih. Rianṭuan ṭi cio bantukin, kannih nih Jentail mi hna sin i rian ṭuan i annih nih Judah mi hna sin i rianṭuan kha kan hna a tla.

GALATI 3:4

Thil nan rak hmuhtheihmi vialte kha pakpalawng maw an rak si kun? Sihlah! Nan caah santlai an rak si ko khah.

GALATI 6:3

Ahohmanh nih, zeihmanh si set ṭung loin, pa ka si ve tiin aa ruah ahcun amah le amah aa hlen a si.

EFESA 4:29

Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

EFESA 5:4

Cun a thurhnawmmi holh le hruh bia le bia dawhcah lo zong kha nan hman awkah aa tlakmi an si lo. Pathian lawmhnak bia tu kha nan chim awk a si.

DEUTERONOMI 11:16

I ralring tuah u. Cu ti a si lo ahcun nan lung cu dehhlen a si lai i, nan pial lai i, pathian dang hna rian kha nan ṭuan lai i nan biak sual ko hna lai;

KOLOSE 4:6

Nan biachim nan holhrel cu a zungzal in ngaih a nuammi le a ṭhami a si awk a si i ahopaoh kha zeitindah ka chawnh ah a ṭhat bik lai ti hngalh kha nan i zuam lai.

JEIM 1:19

Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

JEIM 1:22

A bia kan theih paoh ahcun a za, tiah nanmah le nanmah kha i hleng len hlah u. A bia cu a tuah tu in tuah deuh u.

JEIM 2:20

Maw mihrut hna, tuahnak um loin zumhnak cu san a tlai lo ti kha in hmuhsak hna ning law maw nan duh?

1 PETER 3:10

Cathiang nih a ti bangin. “Nuam tein nung ve ning ti a duhmi le caan ṭha hmu ve ning ti a duhmi nih cun, ṭhat lonak bia chim kha aa sum lai i lihchim kha a ngol lai.