JEIM 1:19 - Lai (Hakha) Common Language Bible 2006

¹⁹ Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

Laibaibal Thiang (BSI)

¹⁹ Cucaah unau dawtmi hna, mikip bia ngai dingin khulrang sehlaw, bia chim ding le thinhung dingah khulnuar seh,

JEIM 1:19 ပူးပေါင်းရင်းမြစ်များ

NEHEMIAH 8:18

Cun nifate in, aa thawk ni in a dongh ni tiang, Pathian phungbia cauk chung khan a rel lengmang. Puai cu ni sarih an tuah i a ni riat ni ah an phunglam ning khan pumhnak thiang a um.

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

NEHEMIAH 9:3

Cun an hmun cio ah khan an dir i Bawipa an Pathian phungbia cauk chung khan ni cheu li cheu khat chung cu an rel i a dang cheu li cheu khat chung cu sual phuannak le Bawipa an Pathian biaknak caah an hman.

JOB 32:16

Holh awk an theih ti lo caah hin, chim loin maw ka um rih ko lai? An dir ko i an leh ti lo caah ka ngan ko lai maw?

PHUNGTHLÛKBIA 10:19

Bia tam deuh na chim paoh ah tam deuh in na sual ve sual ko lai, cucaah na fim ahcun bia naa sum lai.

PHUNGTHLÛKBIA 13:3

Na biachimmi kha i ralring law na nunnak kha naa veng kho lai, ralrin loin bia a chimmi nih cun amah lila kha aa hrawk ko.

PHUNGTHLÛKBIA 14:17

Mi thin tawi nih cun thil hrut kha an tuah tawn, sihmanhsehlaw mifim deuhmi cu an lung a sau.

PHUNGTHLÛKBIA 14:29

Dai tein a um khomi cu mifim a si, sihmanhsehlaw mithintawi nih cun zeitluk in dah a hruh ti lawng kha a langhter.

PHUNGTHLÛKBIA 15:18

Thintawi nih siknak a chuahter, sihmanhsehlaw lungsaunak nih rem lonak a damter.

PHUNGTHLÛKBIA 15:2

Mifimpa lei nih hngalhnak kha a karhter, sihmanhsehlaw mihrut nih cun pakpalawng bia kha a chim.

PHUNGTHLÛKBIA 16:32

Thinhun leiah a khul a nuarmi cu thazang a ṭhawngmi nakin a ṭha deuh. A lungthin aa uk khomi cu khuapi a latu nakin a ṭha deuh.

PHUNGTHLÛKBIA 17:14

Sik hram i thawk hi ti khamnak a pem hramthawk bantuk khi a si. A kauh chin hlanah ngol ko.

PHUNGTHLÛKBIA 17:27

Amah aa zum vemi nih cun bia tampi a chim lo, dai tein a ummi cu thil thuk piin a hmu khomi an si.

PHUNGTHLÛKBIA 18:13

Bia na leh hlanah ngai hmasa, cu ti na tuah lo ahcun na hruh a si hleiah bia na lehmipa zei i na rel lo zong a si.

PHUNGTHLÛKBIA 18:21

Lei nih hin thah khawhnak le nunh khawhnak ṭhawnnak a ngei, cucaah na bia chimmi theitlai cu na co a herh lai.

PHUNGTHLÛKBIA 19:11

Lungsau thinfual hi fim a si, Palhnak i hmaimilh cio hi minung sunparnak a si.

PHUNGTHLÛKBIA 19:19

Minung cu a ingchiatnak nih khan dantatnak a inter tawn, harnak chungin voi khat na chuahter zongah, na tuah ṭhan a hau ṭhiamṭhiam ko lai.

PHUNGTHLÛKBIA 21:23

A ka le a lei aa veng khomi cu harnak chungin aa veng khomi a si.

PHUNGTHLÛKBIA 25:28

A thin aa sum kho lomi cu, Baohmi khua, kulhnak vampang a ngei ti lomi bantuk a si.

PHUNGTHLÛKBIA 29:20

Ruah hmasa loin bia a chim zauzaumi nakcun, mihrut caah ruahchannak a um deuh.

NAMBAR 22:27

Laa nih Bawipa vancungmi kha a hmuh tikah Balaam cu a bawhpi i Balaam thinhunnak cu a alh i a ṭhiangṭhunh in laa cu a tuk.

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

MARKA 12:37

David hrimhrim nih Messiah cu ‘Bawipa’ tiah a ti ahcun, zeitindah David hrinsor cu a si khawh lai?” tiah a ti hna. Mizapi nih cun Jesuh bia cu lunglawm ngaiin an ngaih.

MARKA 2:2

Cucaah mi cu an ra chuak ciammam i a inn chungah cun a lawnnak pakhat hmanh um loin, innka hmai innleng zong khan an khat dih. Jesuh nih cun Pathian bia kha a chimh hna i

LUKA 15:1

Voi khat cu ngunkhuai khawltu pawl le misual pawl kha a sinah tampi an ra i a bia kha an ngai.

LUKA 19:48

sihmanhsehlaw mi vialte nih khan a bia cu an ngaih i pakhat hrelh hmanh kha an duh lo caah annih nih cu tuahnak ding caah cun lam an hmu kho lo.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

LAMKALTU 10:33

Cucaah nangmah cu khulrang in kan kawh i na ra. Atu cu kan dihlak in hika ah hin Pathian hmaika ah kan um i Pathian nih chim awkah an fialmi paoh cu kan chim tuah,” tiah a ti.

LAMKALTU 13:48

Jentail mi hna nih cu bia cu an theih tikah an i lawm i Bawipa cu, cu bia ruangah cun an thangṭhat; cun zungzal nunnak hmu dingah thim a simi hna nih khan an zumh i

LAMKALTU 17:11

Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.

LAMKALTU 2:42

Lamkaltu hna cawnpiaknak ngaih awkah khan atu le atu an i pum i hawikomhnak ah khan an i tel i hawikomhnak rawl an dum ṭi i thla an cam ṭi lengmang.

EFESA 4:26

Na thin a hun ahcun na thinhunnak kha sualnak chung i an luhpitu siter hlah; cun na thinhunnak cu ni tlakter hlah.

EFESA 4:31

Lungthli in i uamnak le thinhunnak le ingpuannak kha hlaw hna u. I hua ti hlah u, i vawlpam ti hlah u. Huatnak lungthin ngei ti hlah u.

KOLOSE 3:15

Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pum khat chung i um awkah an kawh hna. Cun lunglawmhnak in khat u.

KOLOSE 3:8

Sihmanhsehlaw atu cu thinhunnak tehna, ingchiat tehna, huatnak lungthin tehna, cu nan hlonh hrimhrim hna lai. Mi va nihsawhnak bia siseh, holh thurhnawm siseh, nan kaa chungin nan chuahter hrimhrim lai lo.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

JEIM 1:16

Ka dawtmi ka u le ka nau hna, i palh sual hlah u.

JEIM 1:2

Ka u le ka nau hna, nan cungah hneksaknak a phunphun a tlun tikah vanṭha ah i rel u,

JEIM 1:26

Mi pakhatkhat nih, kei cu biaknak leiah aa zuammi ka si, tiah aa ruat ko lai, sihmanhsehlaw a lei kha a uk khawh lo ahcun a biaknak cu pakpalawng a si i amah le amah aa hlengmi a si.

JEIM 2:1

Ka u le ka nau hna, sunparnak Bawi, Bawipa Jesuh Khrih a zummi nan si bantukin mi thleidannak lungthin zeihmanh ngei hlah u.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

JEIM 3:10

Thangṭhatnak bia le chiatserhnak bia kha kan kaa pakhat chung cun an chuak. Ka u le ka nau hna, hitihin cun a si awk a si lo.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

JEIM 5:12

Cun cu pinah biakamnak nan tuah tikah chiatsernak hmang hlah u; vancung cemchih in siseh, vawlei cemchih in siseh, zei thil paoh cemchih in siseh, chiatser hlah u. A si ti nan duh ahcun, a si, ti ko; a si lo, ti na duh ahcun, a si lo, ti ko; cu ti na tuah lo ahcun Pathian biaceihnak na ing sual lai.

JEIM 5:19

Ka u le na nau hna, pakhatkhat biatak in nan tlau sual i a dang pakhatkhat nih nan kirpi ṭhan tikah,

1JOHAN 2:21

Cucaah nan sin i ca ka ṭial hi biatak kha nan hngalh lo caah si loin biatak kha nan hngalh ca le biatak chungin lih bia a chuah bal lo ca tu ah khan a si.