JEIM 1:16 - Lai (Hakha) Common Language Bible 2006

¹⁶ Ka dawtmi ka u le ka nau hna, i palh sual hlah u.

Laibaibal Thiang (BSI)

¹⁶ Ka dawtmi unau hna hlenin um hlah u.

JEIM 1:16 ပူးပေါင်းရင်းမြစ်များ

MATTHAI 22:29

Jesuh nih cun, “Nan hei palh hringhran dah. Hi ti nan palhnak cu Cathiang kha siseh, Pathian ṭhawnnak kha siseh, nan hngalh lo caah a si.

MARKA 12:24

Jesuh nih cun a leh hna i, “Nan hei palh hringhran dah! Cun zeicahdah kan palh ti nan hngal maw? Cathiang siseh, Pathian ṭhawnnak siseh nan hngalh lo caah a si.

MARKA 12:27

Cucu a nungmi hna Pathian a si, a thimi hna Pathian a si lo, tinak a si. Nan palh cikcek!” tiah a ti hna.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

GALATI 6:7

Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.

FILIPI 2:12

Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

FILIPI 4:1

Cucaah cun ka dawt i ka ngaihmi ka unaule hna, Bawipa chung i nan nunnak ah khan, cu bantuk cun fek tein dir ko u, nannih cu kaa lawmhnak le ka suiluchin nan si, ka dawtle hna.

KOLOSE 2:4

Cucaah hihi kan chimh hna: ahmaan lomi bia in ahohmanh i hlenter hna hlah u, an bia cu zeitluk hmanh in a ṭhami lo ko hmanh seh law i hlenter hna hlah u;

KOLOSE 2:8

Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh.

2TIMOTE 2:18

Biatak lam khan an pial i, “Thawhṭhannak cu atu ah hin a si diam cang,” tiin Khrihfa mi a cheu kha an lung an tuai hna.

HEBRU 13:1

Khrih chungah unau nan si bantukin pakhat le pakhat i daw zungzal u.

JEIM 1:19

Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

JEIM 1:2

Ka u le ka nau hna, nan cungah hneksaknak a phunphun a tlun tikah vanṭha ah i rel u,

JEIM 2:1

Ka u le ka nau hna, sunparnak Bawi, Bawipa Jesuh Khrih a zummi nan si bantukin mi thleidannak lungthin zeihmanh ngei hlah u.

JEIM 2:14

Ka u le ka nau hna, pakhat khat nih, “Zumhnak ka ngei,” ti seh law, cu zumhnak cu a tuahnak nih a langhter ṭung lo ahcun, zeidah a ṭhathnem? Cu zumhnak nih cun a khamh khawh lai maw?

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

JEIM 3:1

Ka u le ka nau hna, tam tuk cu saya nan si awk a si lo, zeicahtiah kannih saya pawl hi hawi nak fak deuh in biaceihnak kan hmu lai ti kha nan hngalh.

JEIM 3:10

Thangṭhatnak bia le chiatserhnak bia kha kan kaa pakhat chung cun an chuak. Ka u le ka nau hna, hitihin cun a si awk a si lo.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

JEIM 5:12

Cun cu pinah biakamnak nan tuah tikah chiatsernak hmang hlah u; vancung cemchih in siseh, vawlei cemchih in siseh, zei thil paoh cemchih in siseh, chiatser hlah u. A si ti nan duh ahcun, a si, ti ko; a si lo, ti na duh ahcun, a si lo, ti ko; cu ti na tuah lo ahcun Pathian biaceihnak na ing sual lai.

JEIM 5:19

Ka u le na nau hna, pakhatkhat biatak in nan tlau sual i a dang pakhatkhat nih nan kirpi ṭhan tikah,