JEIM 1:11 - Lai (Hakha) Common Language Bible 2006

¹¹ Ni cu a hung chuak i a linhnak nih pangpar kung kha a emh; a par cu a ṭil i aa dawhnak cu a lo. Cu bantukte cun mirummi cu hnahnawk luri ngaiin an rian an ṭuan cuahmah lioah khan an lo ko lai.

Laibaibal Thiang (BSI)

¹¹ Ni a rak san i thlilum a hran tikah hramh cu a uai, a par kha an tla i â dawhnâk a lo cawlh. Cubantukin mirum hna cu an lamthluan ah an loral ko lai.

JEIM 1:11 ပူးပေါင်းရင်းမြစ်များ

2 SAMUEL 22:46

Ramdangmi cu an hnabei a dong i An ralhau chung khan ther lengmang in an ra chuak.

SALM 102:11

Ka nunnak cu zanlei sang thladem bantuk men a si; Kei cu ram bantuk ka si ko.

SALM 102:4

Ram car bangin ka nunnak cu a uai, rawl ei duhnak zeihmanh ka ngei lo.

SALM 103:15

Minung cu a nunnak hi ram bantuk men a si ko; a hung ṭhang i ramlak pangpar bangin a hung par.

SALM 37:2

a romi ramkung bantukin an lo lai i belhhring bantukin an uai lai.

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

SALM 90:6

Zinglei ah a hung keo i a hung ṭhang i a par i zanlei ah cun a carmi belh bantuk men an si ko.

PHUNGCHIMTU 5:15

Hi vawlei hi kan hung luh bantukte khan kan chuahtak ṭhan lai — zeihmanh lo tein. Zeicahtiah kan tuahmi vialte hi pakhat hmanh kan i kalpi khawh ding a um lo.

ISAIAH 28:1

Israel ram cu a lo cang! A sunparnak cu, a mi hruaitu upa pawl, zu a ri zungzalmi nih an i chinhmi pangpar luchin bangin a ziam cuahmah cang. Aa porhlawmi an lu hna cu zihmui an i thuh, sihmanhsehlaw an ril ko, thi koin an ri i an ril ko.

ISAIAH 28:4

Cu haotu pawl sunparnak a ziam lio lengmangmi cu, a hmin hmasa bikmi theipi, an hmin cangka in an lawh hna i an eimi hna bantuk khin, a lo lai.

ISAIAH 49:10

zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

MATTHAI 13:6

Ni a hung chuak i thlaikheu hme tete cu a hun emh hna tikah an hram kha a thuh lo caah an car zau.

MATTHAI 20:12

An i thawh i, ‘A hmanung bik i na fialmi hna tham cu suimilam pakhat lawng pei an ṭuan ko cu, kannih cu chun nitlak pei ni lin lakah kan ṭuan cu, asinain kanmah na kan pek zat ṭhiamṭhiam na pek ve ko hna,’ an ti.

MATTHAI 6:30

Sihmanhsehlaw ramlak ramkung, nihin ah a hring i thaizing ah meichung i an paihmi ramkung hna, a thuamhtu cu Pathian pei a si cu. Amah nih cun nannih chinchin cu thuamh loin an um hna hnga maw? Nan zumhnak a va hme hringhran dah!

MARKA 4:6

Sihmanhsehlaw ni a hung chuah i thlaici keuh ka tete cu a hun emh hna tikah an hram kha a thuh lo caah an car zau.

1 KORIN 7:31

vawleicung thil a tawngthammi hna nih khan vawleicung thil hi tlamtling in kan tawngtham manh hna lai lo ti bantukin um hna seh. Zeicahtiah vawlei hi atu bang hin cun saupi a um ti lai lo.

1 PETER 1:4

Pathian nih a mi hna caah a chiahmi thluachuah vanluhnak tampi cu co awkah kan i ruahchan. Cu thluachuahnak cu a thu a man kho lomi le a ziam kho lomi an si i Pathian nih vancung ah khin an chiahpiak hna.

1 PETER 5:4

Cucaah Tuukhal Bawi Bik kha a rat tikah a ziam kho lomi sunparnak bawi luchin cu nan hmuh lai.