JEIM 1:10 - Lai (Hakha) Common Language Bible 2006

¹⁰ zumtu mirum cu Pathian nih ṭumchuknak a pek tikah i lawm seh. Zeicahtiah mirum cu ramlak pangpar a par a ṭilh bangin an ṭil lai.

Laibaibal Thiang (BSI)

¹⁰ asinain mirumpa cu niamter a si ruangah i lawm seh; zeicatiah ram lak pangpar bangin a lotlau dingmi a si.

JEIM 1:10 ပူးပေါင်းရင်းမြစ်များ

JOB 14:2

Pangpar bangin a hung par i a uai ṭhan ko; Thladem bangin a tli i aa peh lo.

SALM 102:11

Ka nunnak cu zanlei sang thladem bantuk men a si; Kei cu ram bantuk ka si ko.

SALM 103:15

Minung cu a nunnak hi ram bantuk men a si ko; a hung ṭhang i ramlak pangpar bangin a hung par.

SALM 37:2

a romi ramkung bantukin an lo lai i belhhring bantukin an uai lai.

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

ISAIAH 40:6

Aw pakhat nih, “Thanh tuah,” tiah a ti. Kei nih, “Zeidah ka thanh lai?” tiah ka leh. “Minung vialte hi ram bantuk men an si, ramlak pangpar nakin an chan a sau hlei lo.

ISAIAH 40:7

Bawipa nih thli a chemter hna tikah ram cu an car i pangpar cu an uai. Minung hi ram bantuk men cu an si taktak ko.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

MATTHAI 5:3

Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.

MATTHAI 6:30

Sihmanhsehlaw ramlak ramkung, nihin ah a hring i thaizing ah meichung i an paihmi ramkung hna, a thuamhtu cu Pathian pei a si cu. Amah nih cun nannih chinchin cu thuamh loin an um hna hnga maw? Nan zumhnak a va hme hringhran dah!

1 KORIN 7:31

vawleicung thil a tawngthammi hna nih khan vawleicung thil hi tlamtling in kan tawngtham manh hna lai lo ti bantukin um hna seh. Zeicahtiah vawlei hi atu bang hin cun saupi a um ti lai lo.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

JEIM 4:14

Thaizing ah na nunnak cu zei a lawh lai hmanh na hngalh ṭung lo. Nang cu minmei zaammi bantuk, atute a hung um i a lo zaumi bantuk pei na si ko cu.

1 PETER 1:24

Cathiang nih a ti bangin, “Mi vialte cu ram bantuk an si, An sunparnak vialte cu ramlak pangpar bantuk a si; Ram cu a thi i pangpar cu a ṭil,

1JOHAN 2:17

Vawlei le a chung i a ummi thil minung nih an duhmi hna hi an lo cuahmah cang; sihmanhsehlaw Pathian duhnak a tuahmi cu zungzal in an nung.