ISAIAH 9:6 - Lai (Hakha) Common Language Bible 2006

⁶ Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

ISAIAH 9:6 ပူးပေါင်းရင်းမြစ်များ

2 SAMUEL 7:13

Amah nih ka min caah inn pakhat a sak lai i a pennak bawi ṭhutdan cu zungzal in ka fehter lai.

2 SAMUEL 7:16

Cun na inn le na pennak cu ka hmaiah a zungzal fek dingin ser a si lai; na bawi ṭhutdan cu zungzal in a hmun lai,’ a ti,” tiah a ti.

1 SIANGPAHRANG 10:9

Bawipa na Pathian, nangmah chungah lawmhnak a ngei i Israel mi bawi ṭhutdan cungah an ṭhuttertu cu thangṭhat si ko seh. Bawipa nih Israel cu zungzal in a dawt caah, nangmah nih biading le dinnak cu na tuah nakhnga, siangpahrang ah an ser,” tiah a ti.

1 SIANGPAHRANG 2:33

Cuticun Joab lu cung le a tefa hna lu cungah zungzal in an thisen cu a kir ṭhan lai; sihmanhsehlaw David cung le a tefa hna cung le a innchungkhar cung le a bawi ṭhutdan cungah cun Bawipa sinin a rami daihnak cu zungzal in a um thluangthluan lai,” tiah a ti.

1 SIANGPAHRANG 2:45

Sihmanhsehlaw Solomon Siangpahrang cu thluachuah a hmu lai i Bawipa hmaiah zungzal in David bawi ṭhutdan cu fehter a si lai,” tiah a ti fawn rih.

NEHEMIAH 9:32

“ ‘Cucaah atu cu kan Pathian, a lian a ngan i a ṭhawng i ṭih a nungmi Pathian, biakamnak a tlinter i a fekmi dawtnak a langhtertu, kan cung le kan siangpahrang hna le kan bawi hna le kan tlangbawi hna le kan profet hna le kan pupa hna le na mi dihlak cungah, Assiria siangpahrang hna chan in nihin tiang a tlungmi harnak vialte hi thil hmetuai ah rel sawh hna hlah.

SALM 45:3

A ṭhawngmi siangpahrang, na vainam kha i bei tuah; nang cu a ṭhawngmi le a liannganmi siangpahrang na si.

SALM 45:6

Pathian nih an pekmi bawiṭhutdan cu zungzal in a hmun lai! Na ram cu dinnak in na uk;

SALM 45:7

a hmaanmi thil ṭha kha na duh i a ṭha lomi thil kha na huat. Cucaah cun Pathian, na Pathian nih khan a rak in thim i midang nakin tam deuh in lunglawmhnak kha an toih.

SALM 50:1

Lianngan Bik Pathian Bawipa nih bia a chim; vawlei cu a dihlak in nichuahlei in nitlaklei tiang a auh.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

SALM 72:3

Ram nih hin rumnak i lawmhpi seh law dinnak kha a chungah leng seh.

SALM 72:7

A chan chungah dinnak kha karh seh law thlapa a ceu chung paoh cu siṭhatnak kha hmun ko seh.

SALM 85:10

Dawtnak le zumhawktlak sinak cu an ra ṭi lai; dinnak le daihnak cu an i tong lai.

SALM 89:5

Vancung pathian hna nih khin khuaruahharmi thil na tuahmi hna cu hla in an sak hna; Bawipa, zumhawktlak na sinak cu hla in an thangṭhat.

PHUNGTHLÛKBIA 8:23

Hlan lio piin a ka hmunhter cang, vawlei hramthawk hlanah, a hmasa bik ah a ka ser.

ISAIAH 10:21

Israel mi hna lakin tlawmpal cu a ṭhawngmi an Pathian sinah khan an kir lai.

ISAIAH 11:5

A mi cu dinnak in a uk hna lai i an caah zumh awk tlakmi a si lai.

ISAIAH 16:5

Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

ISAIAH 26:12

Bawipa, nangmah nih rumnak na kan pek lai; kan tuah khawhmi thil vialte hi nangmah tuahmi lawngte an si dih.

ISAIAH 26:3

Bawipa, nangmah nih, an i tinhmi kha fek tein aa tlaih i nangmah an bochanmi cu, a tlingmi daihnak kha na pek hna.

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.

ISAIAH 32:1

Ni khatkhat cu dinnak in ram a uktu siangpahrang a um te lai i a kut tang i rian a ṭuanmi a bawi hna zong nih dinnak in mi kha an uk ve hna lai.

ISAIAH 37:32

Ralkapbu Bawipa nih hi cu a tlinter hrimhrim lai caah Jerusalem khua le Zion Tlang ah a tangmi cu an um lai,” a ti.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

ISAIAH 53:2

Vawlei car i a keomi thingkung bantukin a sal cu a rak ṭhang, cucu Bawipa duhning a rak si. Zoh kan duh nakhnga dingah i dawhnak le rumra zeihmanh a ngei lo, iang zeihmanh a ngei lo i a pumrua zong a chuakthiammi a si lo.

ISAIAH 53:5

Sihmanhsehlaw hma a in cu kan sual ruangah a rak si i tuknak a huah cu kan ṭhat lo ruangah a rak si. A inmi dantatnak in luatnak kan hmu i an tuknak vual in damnak kan hmu.

ISAIAH 63:16

Nangmah cu kan Pa na si. A kan hringsortu Abraham le Jakob hmanh nih an kan bawm kho lo, sihmanhsehlaw Bawipa, nangmah cu kan Pa na si. Nangmah cu a kan chuahtu zungzal na si.

ISAIAH 66:12

Bawipa nih aa thawh i, “A hmunmi rumnak kha kan pek hna lai; miphun hna chawva cu a kao bal lomi tiva bantukin nan chungah a rung luang lai. Nu nih a cawmmi a fa, a cawi a pommi bantuk nan si lai.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

ISAIAH 8:18

Zohhmanh, keimah le Bawipa nih a ka pekmi ka fale hi Zion Tlang i a ummi Ralkapbu Bawipa sinin a rami Israel mi caah hmelchunhnak le chingchiahnak kan si.

JEREMIAH 31:22

Zeicahdah lung awṭawm in nan um lai, nannih zumhawktlak lomi hna? Bawipa nih thil thar pakhat vawlei cungah hin ka ser: nu nih pa an tluk hna lai.”

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

HAGGAI 2:9

Hi inn a hmanung u sunparnak hi a hmasa u sunparnak nakkhan a ngan deuh lai, tiah ralkapbu Bawipa nih a ti; cun hi hmun ah hin rumnak ka chiah lai,” tiah ralkapbu Bawipa nih a ti.

MATTHAI 1:1

Jesuh Khrih chuahkehnak cu hitihin a si. Amah cu David tefa kha a si i David cu Abraham tefa kha a si.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

LUKA 2:11

Tu zan hrimhrim ah hin David khua chungah nan Khamhtu kha a chuak cang — Khrih Bawipa cu!

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 1:16

A liam in a liammi a vel chung cun thluachuahnak kha pakhat hnu pakhat a kan pek lengmang.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

1 KORIN 15:25

Pathian nih ral vialte cu a tei dih hna i a ke tangah a chiah hna hlantiang Khrih nih cun a uk hna lai.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

DEUTERONOMI 10:17

Zeitintiah Bawipa nan Pathian cu pathian hna Pathian le bawi hna Bawi, a lianngan i a ṭhawng i ṭih a nungmi Pathian, duhdanh a ngei lo i ziknawh a la lomi a si.

KOLOSE 2:3

Khrih cu Pathian fimnak le hngalhnak aa thupmi hunnak tawh a si.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

HEBRU 1:8

Sihmanhsehlaw a Fapa tu cu, “Maw Pathian, na bawiṭhutdan cu zungzal in zungzal tiang a hmun lai: Na pennak cu dinnak in na uk.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.

BIACEIHTU 13:18

Cun Bawipa vancungmi nih cun amah sinah, “Zeicahdah ka min na ka hal, khuaruahhar a si tiah na hngalh ko ṭung?” tiah a ti.