ISAIAH 9:5 - Lai (Hakha) Common Language Bible 2006

⁵ A dohtu hna ralkapbu kedan vialte le thisen aa nehmi an hnipuan vialte cu mei in hrawh an si dih lai.

ISAIAH 9:5 ပူးပေါင်းရင်းမြစ်များ

GENESIS 32:30

Jakob nih, “Pathian kha hmaitonh in ka hmu nain ka nung rih,” a ti i cucaah cuka hmun cu a min ah Peniel a sak.

SALM 46:9

Hi vawleicung pumpi ah ral cu a daihter dih ko hna, likuk cu a khiah hna i fei cu a hrawh dih hna, phaw hna cu mei in a khangh dih hna.

SALM 72:3

Ram nih hin rumnak i lawmhpi seh law dinnak kha a chungah leng seh.

EXODUS 23:21

Amah chimmi kha ngai u law a chimmi kha zul u. Amah cu keimah min in rian a ṭuanmi a si caah rak doh hlah u; cu bantuk palhnak cu an ngaithiam kho hna lai lo.

ISAIAH 13:4

Tlang cung thawng cu ngai tuah u — mibu nganpi thawng a si, miphun tampi le ram tampi aa pummi thawng a si. Ralkapbu Bawipa nih a ralkap cu raldoh awkah a timh hna.

ISAIAH 2:4

Miphun ngan pipi an i siknak cu a remh hna lai. An vainam cu tuhmui ah an ser hna lai i an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

ISAIAH 4:4

Bawipa nih hi miphun cu a ṭhawnnak in bia a ceih hna lai i a thianh hna lai, Jerusalem cu a sualnak le a chungah thisen chuahmi kha a ṭawlpiak lai.

ISAIAH 9:4

Zeicahtiah rit piin an phorhmi hngawngkual kha na khiahpiak hna i an liang i a tu lengmangtu hna fung kha na khiah dih. Hlan liopi ah Midian ralkapbu na rak tei hna bantuk khan, na mi a hremtu hna le a serhsattu hna cu Bawipa nangmah nih na tei cang hna.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

JEREMIAH 23:5

David ruang in a dingmi Nge pakhat ka corhter lai caan a ra lio, tiah Bawipa nih a ti. Cu siangpahrang nih cun fimnak in a uk hna lai i Ram chungah phung le dinnak kha a hmunhter lai.

JEREMIAH 47:3

An rangtum hna tin khawn thawng cu ngai hmanh! An rangleng hna an rung choi cukmak thawng le an rangleng ke rilh thawng cu! Pale nih an fale caah zeihmanh an ruat kho ti lo; An kut nih zeihmanh a tuah kho ti lo.

JOEL 2:5

Tlang cungah cun an i chaih ciammam i An thawng cu rangleng thawng bantuk le mei nih a kanghmi ramro thawng bantuk a si. Ralkapbu nganpi raltuk awk i an i tian bantukin an i tiang.

LEVITIKAS 3:11

Cun tlangbawi nih biakṭheng cungah cun Bawipa sinah mei in pekmi rawl ah a khangh lai.

LEVITIKAS 3:16

Cun tlangbawi nih biakṭheng cungah rimthaw ca i mei in thawimi rawl ah a khangh hna lai. Thau vialte cu Bawipa ta a si.

MIKAH 5:1

Jerusalem khuami hna, kulhnak vampang phen ah khan i thup u, Nannih cu an in kulh cang hna; Israel uktu cu a bel ah fung in an tuk lai.

NAHUM 3:2

Rang tuknak fung thawng cu ngai hmanh, Rangleng kekual an i mer thawng le rangtum an ke khawn thawng cu ngai hna hmanh.

ZEKHARIAH 6:13

Bawipa biakinn a satu ding cu amah a si lai, siangpahrang sunparnak a hmu ding cu amah cu a si lai, a bawiṭhutdan cungah a ṭhu i a orhlei kamah tlangbawi he a uktu ding cu amah a si lai; cun an karlak ah remnak a um lai,’ na ti lai,” tiah a ti.

MATTHAI 3:11

Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo.

LAMKALTU 2:19

Cunglei van ah khin khuaruahharmi thil ka tuah hna lai i Tanglei vawlei ah hin hmelchunhnak ka umter hna lai — thisen le mei le a chahmi meikhu an si lai.

LAMKALTU 2:3

Cun meizik he aa lomi leiṭe an hung chuah kha an hmuh hna i cuka i a ummi hna an dihlak cungah khan lei cu pakhat cio ah an i fu.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

BIACEIHTU 13:18

Cun Bawipa vancungmi nih cun amah sinah, “Zeicahdah ka min na ka hal, khuaruahhar a si tiah na hngalh ko ṭung?” tiah a ti.

1 SAMUEL 14:19

Cun Saul nih tlangbawi a chawnh lioah khan, Filistin mi riahhmun chung i i tuainak cu a karh chin lengmang i Saul nih tlangbawi sinah cun, “Na kut kha zuk ṭhan tuah,” tiah a ti.