ISAIAH 9:4 - Lai (Hakha) Common Language Bible 2006

⁴ Zeicahtiah rit piin an phorhmi hngawngkual kha na khiahpiak hna i an liang i a tu lengmangtu hna fung kha na khiah dih. Hlan liopi ah Midian ralkapbu na rak tei hna bantuk khan, na mi a hremtu hna le a serhsattu hna cu Bawipa nangmah nih na tei cang hna.

ISAIAH 9:4 ပူးပေါင်းရင်းမြစ်များ

GENESIS 27:40

Na vainam in na nung lai i na nau sinum na si lai. Asinain na doh ve tikah Na hngawng i a hngawngkual cu na khiah lai,” a ti.

SALM 125:3

Pathian mi hna ram cu miṭhalo nih an uk zungzal lai lo, an uk ahcun, Pathian mi hna hrimhrim hmanh nih khan, ṭhat lonak an tuah sual hnga.

SALM 81:6

“Nan keng cung thilrit pipi kha kan lakpiak cang hna i nan rianṭuannak bawm kha kan chiahter cang hna.

ISAIAH 10:16

Atu i khim lirliar in rawl a eimi hna cungah Bawipa nih rai a tlunter lai. An takpum chungah khan mei bantukin a kang pengmi a um lai.

ISAIAH 10:5

Bawipa nih aa thawh i, “Ka thin a ka huntertu hna dantatnak caah Assiria cu thingtan bantukin ka hman.

ISAIAH 14:25

Israel ram ka ram chungah hin Assiria mi kha ka thah hna lai i ka tlang cungah ka lamh chih hna lai. Assiria hngawngkual chung khan ka mi cu ka luatter hna lai i an phorhmi thilrit khan ka luatter hna lai.

ISAIAH 16:4

Nan ram chungah kan umter u law, kanmah hrawh a kan duhtu hna sin khan kan huppheng ko u,” an ti hna. (Hremnak le rawhralnak kha a dong lai i ram a hrawktu kha an um ti lai lo,

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

ISAIAH 52:2

Jerusalem, luat lakin i thing tuah! Leidip lak khan tho law na bawiṭhutdan cungah khan ṭhu tuah. Sal i a tangmi Zion mi a ṭemtu hna hri cu chat tuah.

ISAIAH 54:14

Dinnak le ṭhatnak nih an in ṭhawnter lai. Hremnak le ṭihphannak in na him cang lai.

ISAIAH 9:5

A dohtu hna ralkapbu kedan vialte le thisen aa nehmi an hnipuan vialte cu mei in hrawh an si dih lai.

JEREMIAH 30:8

Cun khi ni a phak tikah, an hngawng i hngawngkual cu ka khiah hna lai i an cikcin cu ka chah dih hna lai; ramdangmi nih an duhduh in an hmang ti hna lai lo.

JEREMIAH 48:17

Amah cu ṭah tuah u, nannih a pawngkam i a ummi vialte hna, amah minthannak a hngalmi hna; nannih nih, “Aize, ralbawi fung cu a kiak ai cang, upatnak fung cu a kiak ai!” ti u.

LEVITIKAS 26:13

Keimah cu Bawipa nan Pathian, Izipt ram in an sal nan si nakhnga lo an chuahpitu hna ka si; keimah nih nan seihnam hngawng kual cu ka khiah cang i dingte i dir in kan kalter hna.

NAHUM 1:13

Assiria nih nan hngawng ah an in banhmi hna hngawngkual kha ka khiah lai i an in khih hnanak cikcin kha ka chah lai, tiah a ti.