ISAIAH 9:3 - Lai (Hakha) Common Language Bible 2006

³ Bawipa, nangmah nih annih cu lunglawmhnak nganpi na pek hna i an tha na nuamter hna. Mi nih rawl an ṭuan tikah an i lawmh bantuk le an tlaihmi hranchaw an i phawt tikah an i lawmh bantukin Nangmah nih na tuahpiakmi hna cungah khan an i lawm.

ISAIAH 9:3 ပူးပေါင်းရင်းမြစ်များ

NEHEMIAH 9:23

An tefa hna cu van i arfi zat khin na karhter hna i an pupa hna cu, “Va lut u law va co u,” tiah na rak timi hna ram chungah khan na luhpi hna.

JOB 12:23

Miphun kha mingan ah a ser hna i amah nih a hrawh ṭhan hna, Miṭhawng ah a ser hna i amah nih a ṭhumh ṭhan hna.

SALM 107:38

A mi kha thluachuah a pek hna i fa tampi an ngei, an saṭil run kha a lohtlauter hna lo.

SALM 119:162

Bia na kammi thawngin zeitluk in dah ka lung aa lawmh, ro chaw aa hmuhmi bantukin kaa lawm.

SALM 4:7

Nangmah nih lawmhnak na ka pekmi cu, din awk zu tampi a ngeimi le ei awk rawl tampi a ngeimi hna an i lawmhnak nakin a ngan deuh.

ISAIAH 10:26

Oreb lungpi ah Midian mi ka rak tuk hna bantuk khan keimah Ralkapbu Bawipa nih annih cu ka fung in ka tuk hna lai. Izipt ka rak hrem bantuk khan Assiria cu ka hrem lai.

ISAIAH 12:1

Ni khatkhat cu mi nih hitin hla an sak ni a phan te lai: “Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.

ISAIAH 14:5

Midang rial chih a hmangmi le an teimi hna hrem a hmangmi uktu ṭhalo hna

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

ISAIAH 26:15

Bawipa, nangmah nih kan miphun cu na ṭhanter i a ram cu a kam kip in na kauhter, cucaah nangmah nih upatnak na hmuh.

ISAIAH 35:10

Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.

ISAIAH 35:2

Thetse ram cu hla a sa lai i lawmhnak in a au lai; Lebanon Tlang bantukin aa dawh lai i Karmel Tlang le Sharon nelrawn lo bantukin a ṭha lai. Mi kip nih Bawipa sunparnak le kan Pathian a lianhngannak le a ṭhawnnak kha an mit in an hmuh lai.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

ISAIAH 55:12

“Babilon in lunglawm in nan chuak lai; khuapi chungin daihnak he nan chuak lai. Fing le tlang kha lunglawm in hla an sa lai i thingkung kha lunglawm in an au lai.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 61:7

Na ningzahnak le na thangchiatnak cu a dong cang. Nangmah ramte ah khan na um cang lai i na rumnak cu a let hnih in a ṭhang lai; na lawmhnak cu zungzal in a hmun lai.

ISAIAH 65:14

Lunglawm in hla an sa lai, sihmanhsehlaw nannih cu lungkuai in nan ṭap lai.

ISAIAH 65:18

Ka sermi thil kha zungzal in i lawmhpi hna u law i nuamhpi hna u. Ka sermi Jerusalem thar cu lawmhnak in a khat lai i a mi hna cu an i lawm lai.

ISAIAH 66:10

Jerusalem a dawmi vialte hna, Jerusalem he cun i lawm ṭi u law amah ruangah cun nan tha nuam tuah u. Hmasa i a rak ṭahtu vialte hna, atu cu amah he cun i lawm tuah u.

JEREMIAH 31:7

Zeicahtiah mah hihi Bawipa bia cu a si: Jakob ruangah lunglawmhnak in thang piin au tuah u, Miphun lakah phun ngan bik a si; Thangṭhatnak cu hla in sa u law, Bawipa nih a mi cu a khamh cang hna i Israel mi a tangmi hna cu a zuah hna, tiah chim u.

HOSEA 4:7

Tlangbawi nan tam chin lengmang paoh ah ka cung i nan sualnak kha a tam chin lengmang ve. Upatnak nan hmuhmi cu ningzahnak ah ka canter lai.

LEVITIKAS 26:13

Keimah cu Bawipa nan Pathian, Izipt ram in an sal nan si nakhnga lo an chuahpitu hna ka si; keimah nih nan seihnam hngawng kual cu ka khiah cang i dingte i dir in kan kalter hna.

ZEKHARIAH 10:8

Annih cu ka tlanh cang hna caah fifik in ka kawh hna lai i, Hlan lio i an rak tam bantuk khan an tam ṭhan lai.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

ZEKHARIAH 8:23

Mah hihi ralkapbu Bawipa bia cu a si: Khi caan ah cun holh phun kip a hmangmi miphun kip chungin mi pahra nih Judah mi pakhat kha a puan in an i tlaih lai i, “Pathian cu na sinah a um ti kha kan theih caah na sinah kan kal ko lai,” tiah an ti lai.

LUKA 11:22

Sihmanhsehlaw amah nakin a ṭhawng deuhmipa nih a hung doh i a hung tei tikah inn ngeitupa nih aa bochanmi hriamnam vialte kha aa kalpi dih hna i a firmi thil kha midang a phawt hna.

LAMKALTU 8:8

Cucaah Samaria ah cun lawmhnak nganpi a um.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.

BIACEIHTU 5:3

“Ngai tuah u, maw siangpahrang hna, nan hna chi tuah u, maw bawi hna; Bawipa cu hla in ka hloi lai, Bawipa, Israel Pathian cu aw dawh in ka thangṭhat lai.

BIACEIHTU 7:22

Cun muko za thum kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin.

BIACEIHTU 8:12

Cun Zebah le Zalmunna cu an zam; cun a dawi hna i Midian siangpahrang pahnih Zebah le Zalmunna cu a tlaih hna i ralkap vialte cu i comcawroi loin a tuah dih hna.

1 SAMUEL 30:16

Cun amah nih a vun kalpi tikah khan, zohhmanh, Filistin mi ram le Judah ram in hranchaw kha tampi an lak caah a kenkip ah an rak i ṭhek dih i an rak ei, an rak ding, an rak lam len ko.